მოსოფელიშ შკვითი სამანცარობა

მოსოფელიშ შკვითი სამანცარობა — ზოგადო მიოწურუანს თარი ტურისტულ ოქინაფუეფიშ მუსხირენ ერკებულშა. თინეფშე არძაშე ჯვეში დო ჯოხოგოლაფირი რე ჯვეში მოსოფელიშ შკვითი სამანცარობა, ჯვეში მოსოფელიშ მოშარეფიშ შარაგემაწურაფალი, ნამუეფსჷთ ოინებჷდეს უძირუდესკონ არძაშე ჯოხოგოლაფირი, მასშტაბური დო ჯგირო ჩინებული ხურომონძღვარული აკნაქიმინეფი.

ისტორია

თე ერკებულიშ უჯვეშაში ვერსია, ჯვ. წ. II ოშწანურას, გაჭყჷ ანტიპატე სიდონალქ. მუჭოთ ჩქჷ, ტე ერკებული გერსხჷ ელინისტ მოშარეეფს შქას პოპულარულ შარაგემაწურაფას დო ხვალე მიოწურუანს აკნაქიმინეფშა, ნამუეფჷთ იდვალუაფჷნა სქირონაშქა ზუღაშ მუკი-მუკი დიხეფს, სოდე თიმბორჯიან მოშარეეფს მენარკო უშქურანჯო შეულებჷდეს შარალუან. თე ერკებულშა მშაღალირი ობიექტეფი სამანცარობეფი რდჷ თი კრიტერიუმით, ნამჷ-და თინეფი არძაშე პოპულარული ოქინაეფუეფი რდეს თიმ პერიოდის. ეიოშანალი, ნამჷ-და თე ერკებულს ხვალე ადამიერეფიშით აკნაგეფი ნაქიმინეფი რდჷ მიშაღალირი, თიშ გეშა, ნამჷ-და ორთაშობური სამანცარობეფი თიმ პერიოდის პოპულარული ვა რდჷ.

ჯვეში მოსოფელიშ შკვითი სამანცარობა

გიმე მოჩამილი რე ანტიპატეშ ვერსია:

სამანცარობა	თარიღი	აკმაგაფალი	აკოცჷ	სამანჯელი	ასეიანი ორენი
ხეოფსიშ პირამიდა	ჯვ. წ. 2550	ეგვიპტალეფი	ასეშა გედგუ	ასეშა გედგუ	გიზაშ ნეკროპოლისი, ეგვიპტე 29°58′45.03″ ოორ. გ. 31°08′03.69″ ელ. გ. /
ბაბილონიშ მუკობუნაფილი ბაღეფი	ჯვ. წ. 600	ბაბილონარეფი	ჯვ. წ. I ოშწანურა	დიხაშნწალუა	ჰილა ვარ-და ნინევია, ერაყი 32° ოორ. გ. 44° ელ. გ. /
ზევსიშ ნაწახნაკა ოლიმპიას	ჯვ. წ. 435	ბერძენეფი	V-VI ოშწანურა	დაჩხირი	ოლიმპია, საბერძნეთი 37°38′16.3″ ოორ. გ. 21°37′48″ ელ. გ. /
არტემიდეშ ოხიდა ეფესოს	ჯვ. წ. 550	ლიდიარეფი, ბერძენეფი	ჯვ. წ. 356	დაჩხირი	სელჩუკი, თურქეთი 37°56′59″ ოორ. გ. 27°21′50″ ელ. გ. /
ჰალიკარნასიშ მავზოლეუმი	ჯვ. წ. 351	კარიალეფი, ბერძენეფი	1494	დიხაშნწალუა	ბოდრუმი, თურქეთი 37° ოორ. გ. 27° ელ. გ. /
როდოსიშ კოლოსი	ჯვ. წ. 292-280	ელენისტური საბერძნეთი	ჯვ. წ. 224	დიხაშნწალუა	როდოსი, საბერძნეთი 36.451111,28.227778(Colossus of Rhodes)36°27′04″ ოორ. გ. 28°13′40″ ელ. გ. /
ალექსანდრიაშ ოსინთუ	ჯვ. წ. III ოშწანურა	ელენისტური ეგვიპტე	1303-1480	დიხაშნწალუა	ალექსანდრია, ეგვიპტე 31°12′50″ ოორ. გ. 29°53′08″ ელ. გ. /

ანტიპატეშ დუდპირველი ერკებულს ალექსანდრიაშ ოსინთაფუ თირელი რდჷ ბაბილონიშ კიდალათ. ჟილეშე მოცამილი ერკებული უკვე მა-6 ოშწანურაშ ბორჯიშიანი ვარიანტი რე. თე სამანცარობეფშე ასეშა ხვალე აკა - ხეოფსიშ პირამიდაქ დოსქიდჷ გიზას, ეგვიპტე. მუკობუნაფილი ბაღეფიშ ჸოფაქ ვედინტკიცინჷ. უჯვეშაში დოკუმენტური მასალაშ მეჯინათ, დოსქილადირი ხუთი სამანცარობა ორთაშობური კატაკლიზმეფქ ქეიკიბირჷ. ეფესოშ ოხიდა დო ზევსიშ ნაწახნაკა დაჩხირქ მოჯალაგჷ, დოსქილადირი — დიხაშნწალუაქ.

ბოლობორჯიანი სამანცარობეფი

ძჯვეში მოსოფელიშ შკვითი სამანცარობაშ ტრადიციათ ანდა შხვა ერკებულით ქოჸოფე, ნამუეფჷთ ადამიერეფიშით საინჟინრო მენაჭირინუეფიშ მოხ ორთაშობურ სამანცარობეფსჷთ იკათუანს. მარა თე ერკებულეფი უმოსო ვაფორმალური რე დო თინეფშე მუთუნნერი კონსენსუსი ვა რე.

ქძ. თაშნეშე შქა ოშწანურეფიშ ოქიანუშ შკვითი სამანცარობა

ალმახანური სამანცარობეფი

ომენოღალე ინჟინერეფიშ ამერიკაშ ჯარალუაქ გეგმაქიმინჷ ალმახანური მოსოფელიშ შკვითი სამანცარობაშ ერკებული ^[1]:

ტურისტული მოსოფელიშ სამანცარობეფი

გეჸვენჯი ერკებული აკოქიმინელი რე ჰილმან უონდერსიშით, მუჭოთ არძაშე პოპულარული შკვითი ტურისტული ოქინაფუ-სამანცარობა:^[2]

ორთაშობური სამანცარობეფი

შხვა ერკებულეფიშ მოგვენო, ვა რე კონსენსუსი მოსოფელიშ შკვითი ორთაშობური სამანცარობაშენ, ანდანე ვა რე აპიჯალა თიშ გეშა, დო მუშმაიდა ოკო რდას თე რკებულინ. თეჯგურა ერკებულეფშე ართ-ართი გოჭყაფილი რე CNN-იშით ^[3]:

წყარგიმენი სამანცარობეფი

თე ერკებულიშ გოჭყაფაშ წყუ უჩინებუ რე, მარა ძალამ შხირას ფიგურირენს მასმედიას დო ეშანუაშ მოღე რე:^[4] ^[5]

ახალი შკვითი სამანცარობა

2006 წანას, იუნესკოქ გჷმაბჟინუ მოსოფელიშ ახალი შკვითი სამანცარობაშ ერკებული.

მოსოფელიშ ახალი შკვითი სამანცარობაშ ერეფოშქაშე გიშაგორუეფი

სქოლიო

↑ სამოქალაქო ინჟინერთა ამერიკის საზოგადოების შვიდი საოცრება. დოარქივაფილი რე ორიგინალშე 2010-04-02-ს. კითხირიშ თარიღი: 2009-05-09.
↑ Hillman Wonders
↑ CNN-ის ბუნებრივი საოცრებები
↑ Underwater Wonders of the World. დოარქივაფილი რე ორიგინალშე 2009-04-21-ს. კითხირიშ თარიღი: 2006-10-18.
↑ წყალქვეშა საოცრებების მეორე სია. დოარქივაფილი რე ორიგინალშე 2007-09-28-ს. კითხირიშ თარიღი: 2006-10-18.

[1] სამოქალაქო ინჟინერთა ამერიკის საზოგადოების შვიდი საოცრება. დოარქივაფილი რე ორიგინალშე 2010-04-02-ს. კითხირიშ თარიღი: 2009-05-09.

[2] Hillman Wonders

[3] CNN-ის ბუნებრივი საოცრებები

[4] Underwater Wonders of the World. დოარქივაფილი რე ორიგინალშე 2009-04-21-ს. კითხირიშ თარიღი: 2006-10-18.

[5] წყალქვეშა საოცრებების მეორე სია. დოარქივაფილი რე ორიგინალშე 2007-09-28-ს. კითხირიშ თარიღი: 2006-10-18.

[1]

[2]

[3]

[4]

[5]