ჰარი კროტო
| ჰარი კროტო | |
| ინგლ. Harry Kroto | |
 ჰარი კროტო 2010 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 30, 2016 (76 წანერი) |
| ღურაშ აბანი: |
ლუისი, ბჟაეიოლი სასექსი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ქიმიას (1996) |
.svg){kind=small}
სერ ჰაროლდ უოლტერ კროტო (ინგლ. Sir Harold Walter Kroto; შინელი რე მუჭოთ ჰარი კროტო ინგლ. Harry Kroto, დ. 7 გჷმათუთა, 1939, უისბიჩი, კემბრიჯიშირი, ინგლისი — ღ. 30 პირელი, 2016, ლუისი, ბჟაეიოლი სასექსი, ინგლისი) — ინგლისარი ქიმიკოსი, ფულერენეფიშ ძირაფაშ დო მენცარული რკვიებაშ გეშა გინოჩეს ნობელიშ პრემია ქიმიაშ დარგის 1996 წანას (რობერტ კერლი დო რიჩარდ სმოლიწკჷმა ართო). კროტო გურაფულენდჷ ბოლტონიშ სკოლას, უკულ შეფილდიშ უნივერსიტეტის, სოდეთ 1961 წანას მიპალუ ბაკალავრიშ ხარისხი ქიმიას. 1964 წანას თხილუ ოდოქტორე დისერტაცია მოლეკულურ სპექტროსკოპიას. გურაფაშ თებაშ უკულ მუშენდჷ რკვიებეფიშ ერუანულ ცენტრის, ოტავას, კანადას. 1966-1967 წანას იმუშუ ბელიშ ლაბორატორიას ხოლო, ნიუ-ჯერსიშ შტატის. 1967 წანაშე ჰარი კროტო ინგლისის რე. 1967 წანას დიჭყჷ მუშობა სასექსიშ უნივერსიტეტის. 1975 წანაშე კროტო რდჷ სასექსიშ უნივერსიტეტიშ რსული პროფესორი. 2004 წანას კროტოქ სასექსიშ უნივერსიტეტი ქიდიტუ დო ომუშებუშა გეგნორთჷ ფლორიდაშ შტატიშ უნივერსიტეტიშა. ჰარი კროტო რდჷ შხვადოშხვა პრემიეფიშ დო ჯილდოეფიშ ლაურეატი. ნობელიშ პრემიაშ გარდა მიპალუ მაიკლ ფარადეიშ პრემია, დალტონიშ მენდალი დო კოპლიშ მენდალი. 1996 წანას გინოჩეს რაინდიშ ტიტული. ჰარი კროტო რდჷ შეფილდიშ უნივერსიტეტიშ, სტოკჰოლმიშ უნივერსიტეტიშ, სასექსიშ უნივერსიტეტიშ, ჰელსინკიშ უნივერსიტეტიშ, ნოტინგემიშ უნივერსიტეტი, აბერდინიშ უნივერსიტეტიშ, მანჩესტერიშ უნივერსიტეტიშ დო შხვა ომენცარე ინსტიტუტეფიშ საპატიო დოქტორი. კროტო რდჷ მენცარობაშ პოპულარიზატორი დო რელიგიაშ დიდი კრიტიკოსი.
რესურსეფი ინტერნეტის
[რედაქტირაფა | წყუშ რედაქტირაფა]
- Harry Kroto personal website
- Sir Harold W. Kroto at Florida State University
- About Harry Kroto at University of Sheffield
- Videos from Vega Science Trust
- Richard E. Smalley, Robert F. Curl, Jr., and Harold W. Kroto (June 2016).