ჰაუარდ კარტერი
| ჰაუარდ კარტერი | |
| ინგლ. Howard Carter | |
 ჰაუარდ კარტერი 1924 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 2, 1939 (64 წანერი) |
| ღურაშ აბანი: |
კენსინგტონი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : |
ეგვიპტური ანტიკვარიატიშ ნინალა |
| ჯილდოეფი დო პრემიეფი: |
|
| ხეშმოჭარუა: |
|
.svg){kind=small}
ჰაუარდ კარტერი (ინგლ. Howard Carter; დ. 9 მესი, 1874, კენსინგტონი, ინგლისი — ღ. 2 მელახი, 1939, კენსინგტონი, ინგლისი) — ინგლისარი არქეოლოგი დო ეგვიპტოლოგი.
ჰაუარდ კარტერს უმაღალაში გონათაფა ვაუღუდჷ. ორდოიანი წანეფიშე დეინტერესჷ არქეოლოგიათ. მონაწილენდჷ შხვადოშხვა არქეოლოგიურ ექსპედიციეფს. 1899 წანაშე მუშენდჷ ეგვიპტური ანტიკვარიატიშ ნინალას, ჟინი ეგვიპტეშ მონუმენტეფიშ კურატორო. კარტერი ოკათუდჷ ბენი-ჰასანიშ დო დეირ-ელ-ბაჰრიშ არქეოლოგიურ გონთხორუეფს.
1907 წანას კარტერქ მუშობა ქიდიჭყჷ ლორდი კარნავრონიწკჷმა, ნამუთ ეგვიპტეშ არქეოლოგიური რკვიებეფიშ თარი მაფინანსებელი რდჷ. 1914 წანას ლორდი კარნავრონიშ ფინანსური მოხვარათ, კარტერქ დიჭყჷ არქეოლოგიური ექსპედიცია მაფეფიშ ვეს. ართ-ართი ექსპედიციაშ ბორჯის, 1922 წანას კარტერქ მიოგორუ ეგვიპტეშ ფარაონიშ ტუტანხამონიშ ონთხორუ აკარდამას.
ჰაუარდ კარტერი რდჷ შხვადოშხვა არქეოლოგიური რკვიებეფიშ ავტორი. 1926 წანას ეგვიპტეშ თარობაქ კარტერს გინოჩჷ ნილოსიშ ორდენი (მასუმა კლასი). კარტერი რდჷ იელიშ უნივერსიტეტიშ საპატიო დოქტორი დო ისტორიაშ ომაფე აკადემიაშ (ესპანეთი) საპატიო მაკათური. კარტერი, თაშნეშე რდჷ ეგვიპტოლოგიაშ პოპულარიზატორი, შარალენდჷ ბრიტანეთის, ესპანეთის, საფრანგეთის, ამერიკას დო ატარენდჷ ლექციეფს ეგვიპტეშ არქეოლოგიური რკვიებეფიშ გეშა.
ჰაუარდ კარტერქ ღურუ 1939 წანაშ 2 მელახის, ჰოჯკინიშ ლახარათ. ნთხორილი რე პატნი-ვეილიშ სასაფლას, ლონდონს.
გიშნაგორა პუბლიკაციეფი
[რედაქტირაფა | წყუშ რედაქტირაფა]- The Discovery of the Tomb of Tutankhamen (1923) (written together with A. C. Mace)
- The Tomb of Tutankhamun: Volume I — Search, Discovery and Clearance of the Antechamber (1923) (written together with A. C. Mace)
- The Tomb of Tutankhamun: Volume II — Burial Chamber & Mummy (1927)
- The Tomb of Tutankhamun: Volume III — Treasury & Annex (1933)