ჰელმუტ შმიდტი
| ჰელმუტ შმიდტი Helmut Schmidt | ||
 შმიდტი 1977 წანას | ||
| გფრ-შ კანცლერი | ||
|---|---|---|
| პოსტის გერინაშ ბორჯი | ||
| 16 მესი, 1974 – 1 გჷმათუთა, 1982 | ||
| პრეზიდენტი | გუსტავ ჰაინემანი ვალტერ შეელი კარლ კარსტენსი | |
| წიმოხონი | ვილი ბრანდტი | |
| მონძე | ჰელმუტ კოლი | |
| პოსტის გერინაშ ბორჯი | ||
| 7 კვირკვე, 1972 – 16 მესი, 1974 | ||
| კანცლერი | ვილი ბრანდტი | |
| წიმოხონი | კარლ შილერი | |
| მონძე | ჰანს აპელი | |
| პოსტის გერინაშ ბორჯი | ||
| 7 კვირკვე, 1972 – 15 ქირსეთუთა, 1972 | ||
| კანცლერი | ვილი ბრანდტი | |
| წიმოხონი | კარლ შილერი | |
| მონძე | ჰანს ფრიდერიხსი | |
| პოსტის გერინაშ ბორჯი | ||
| 22 გჷმათუთა, 1969 – 7 კვირკვე, 1972 | ||
| კანცლერი | ვილი ბრანდტი | |
| წიმოხონი | გერჰარდ შრედერი | |
| მონძე | გეორგ ლებერი | |
| პოსტის გერინაშ ბორჯი | ||
| 14 მელახი, 1967 – 22 გჷმათუთა, 1969 | ||
| წიმოხონი | ფრიც ერლერი | |
| მონძე | ჰერბერტ ვენერი | |
| დუნაბადი | 23 ქირსეთუთა, 1918 ჰამბურგი, ვაიმარიშ რესპუბლიკა | |
| ნაღურა | 10 გერგობათუთა, 2015 (96 წანერი) ჰამბურგი, გერმანია | |
| ნთხორუ აბანი | ოლსდორფიშ სასაფლა | |
| პოლიტიკური პარტია | გსდპ | |
| ალმასქუ | ლოკი გლაზერი | |
| სქუალეფი | 2 | |
| გონათაფა | ჰამბურგიშ უნივერსიტეტი | |
| საქვარუა | პოლიტიკოსი, ეკონომისტი | |
| ხეშმოჭარუა |  | |
ჰელმუტ ჰაინრიხ ვალდემარ შმიდტი (გერმ. Helmut Heinrich Waldemar Schmidt; დ. 23 ქირსეთუთა, 1918 — ღ. 10 გერგობათუთა, 2015) — გერმანალი პოლიტიკოსი, სოციალ-დემოკრატიული პარტიაშ მაკათური, გფრ-შ კანცლერი 1974-1982 წანეფს.
მაჟირა მოსოფელიშ ლჷმაშ მიმალობას, შმიდტი ნინალენდჷ ვერმახტის. ლჷმენდჷ დიო ბჟაეიოლიშ ფრონტის დო უკულ ბჟადალს, არდენიშ ოპერაციას მონაწილენდჷ. შმიდტიქ დუდი გიმირჩქინჷ დო ჸათეშ გეშათ მიპალუ რკინაშ ჯვარიშ ოურდუმე ორდენი. მაჟირა მოსოფელიშ ლჷმას გერმანიაშ მარცხიშ უკულ, შმიდტიქ ქაკათჷ გერმანიაშ სოციალ-დემოკრატიული პარტიას (გსდპ) დო გურაფულენდჷ ეკონომიკას ჰამბურგიშ უნივერსიტეტის. 1949-1953 წანეფს მუშენდჷ ჰამბურგიშ მუნიციპალიტეტის. 1953 წანას გიშაგორილქ იჸუ ბუნდესტაგიშ მაკათურო. შმიდტიქ გსდპ-შ დინახალე შანულამი პოპულარობა მიპალუ დო 1968 წანას გინირთჷ გსდპ-შ ვიცე-დუდმახვენჯო. ვილი ბრანდტიშ კაბინეტის თის უკინებუდჷ შხვადოშხვა პოსტეფი. რდჷ დუდთხილუაშ მინისტრი (1969-1972), ეკონომიკაშ მინისტრი (1972), ფინანსეფიშ მინისტრი (1972-1974). ჸათე ბორჯის, გსდპ სათარობო კოალიციას რდჷ ლიბერალური დუდიშული დემოკრატიული პარტიაწკჷმა. 1974 წანაშ მესის ბრანდტიქ გეგნოდირთჷ დო ახალი კანცლერო გიშაგორილქ იჸუ ჰელმუტ შმიდტიქ. შმიდტის კანცლერიშ პოსტი ბრუო წანაშ გოძვენას, 1982 წანაშ 1 გჷმათუთაშახ უკებუდჷ.
კანცლერობაშ ბორჯის, შმიდტიქ გინირთჷ ბჟადალი ევროპაშ ართ-ართი შანულამი დო გოლინიანი პოლიტიკოსო. თინა ოცადუდჷ გდრ-წკჷმა დო შხვა კომუნისტური სახენწჷფოეფიწკჷმა ურთიართალაშ გაუჯგუშებას. შმიდტი რდჷ ევროპაშ პოლიტიკური გოართოიანაფაშ მოხუჯე ამერიკაწკჷმა პარტიონორობათ. 1978 წანას, შმიდტიქ მიშეღჷ კაბეტი თია ევროპაშ სავალუტო სისტემაშ დორსხუაფაშა. 1980-იან წანეფიშე გერმანიას სერიოზული პრობლემა რდჷ რეცესია, ნამუთ მოსოფელიშ მასშტაბით იბურჯანდჷ. სოციალური პროგრამეფიშ გურშენ, სოციალ-დემოკრატეფქ ვემირიგეს დუდიშული დემოკრატეფიწკჷმა. ჸათეშ გეშათ დუდიშული დემოკრატიული პარტიაქ კოალიციაშე გეგშართჷ. შედეგო, შმიდტიქ მიოდინუ უმენტაშობა ბუნდესტაგის დო 1982 წანაშ 1 გჷმათუთას, კანცლერიშ პოსტიშე გეგნოდირთჷ.