დინორეშა გინულა

ჰენრი ნორის რასელი

ვიკიპედიაშე
ჰენრი ნორის რასელი
ინგლ. Henry Norris Russell
დაბადებაშ თარიღი:

25 გჷმათუთა, 1877

დაბადებაშ აბანი:

ოისტერ-ბეი, ნიუ-იორკი, ააშ

ღურაშ თარიღი:

ფურთუთა 18, 1957 (79 წანერი)

ღურაშ აბანი:

პრინსტონი, ნიუ-ჯერსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

პრინსთონიშ უნივერსიტეტი

ალმა-მატერი:

პრინსთონიშ უნივერსიტეტი

ომენცარე ხემანჯღვერი:

ჩარლზ ოგასტეს იანგი

ჯოხოშინელი მოგურაფეეფი:

ჰარლოუ შეპლი
დონალდ ჰოვარდ მენზელი
ლაიმენ სპიტცერი

ჯილდოეფი დო პრემიეფი:

ამერიკაშ ხელუანობეფიშ დო მენცარობეფიშ აკადემიაშ მაკათური (1921)
ასტრონომიაშ ომაფე ჯარალუაშ ორქოშ მენდალი (1921)
ლალანდიშ პრემია (1922)
ჰენრი დრეიპერიშ მენდალი (1922)
ბრიუსიშ მენდალი (1925)
რუმფორდიშ მენდალი (1925)
ფრანკლინიშ მენდალი (1934)
ჟანსენიშ მენდალი (1936)
ლონდონიშ ომაფე ჯარალუაშ ურცხოალი მაკათური (1937)
ედინბურგიშ ომაფე ჯარალუაშ საპატიო მაკათური (1938)
ჰენრი ნორის რასელიშ ლექცია (1946)

ჰენრი ნორის რასელი (ინგლ. Henry Norris Russell; დ. 25 გჷმათუთა, 1877, ოისტერ-ბეი, ნიუ-იორკი, ააშ — ღ. 18 ფურთუთა, 1957, პრინსტონი, ნიუ-ჯერსი, ააშ) — ამერიკალი ასტრონომი. 1913 წანას ზოხორინელო აკიმუშუ ჰერცშპრუნგ-რასელიშ დიაგრამა, ნამუსჷთ დიდი შანულობა უღჷ მურიცხული ევოლუციაშ რკვიებაშო. რასელიშ აზრით მურიცხეფი უმოსო წყარბადიშე აკმოდირთუდჷ. მარა მაართა მენცარი, ნამუქჷთ ჸათე თეორია წჷმარინუ რდჷ სესილია პეინ-გაპოშკინა. დუდშე ჰენრი ნორის რასელის ვაჯერდჷ პეინ-გაპოშკინაშ თეორიაშ, მარა უკულიან რკვიებეფით პეინ-გაპოშკინაშ თეორიაქ დენტკიცჷნ.

ჰენრი ნორის რასელი გურაფულენდჷ ასტრონომიას პრინსტონიშ უნივერსიტეტის, სოდეთ თხილუ ოდოქტორე დისერტაცია ჩარლზ ოგასტეს იანგიშ ხემანჯღვერობათ. 1903-1905 წანეფს მუშენდჷ კემბრიჯიშ ობსერვატორიას არტურ რობერტ ჰინკსიშ ასისტენტო. 1905 წანას პრინსტონიშა დირთჷ დო რდჷ პრინსტონიშ უნივერსიტეტიშ ასტრონომიაშ ინსტრუქტორი (1905-1908 წანეფს), ასისტენტ-პროფესორი (1908-1911), პროფესორი (1911–1927) დო რკვიებეფიშ პროფესორი (1927–1947). 1912-1947 წანეფს ჰენრი ნორის რასელი მუშენდჷ პრინსტონიშ უნივერსიტეტიშ ობსერვატორიაშ დირექტორო. ჸათაქ თიში ასისტენტი რდჷ შარლოტა მურ-სიტერლი.

ჰენრი ნორის რასელი რდჷ შხვადოშხვა პრესტიჟული ჯილდოეფიშ დო პრემიეფიშ ლაურეატი. თიში ჯოხონობაშ რე ართი ასტეროიდი. რასელიქ ღურუ 1957 წანაშ 18 ფურთუთას, 79 წანერქ. დასაფულებური რე პრინსტონიშ სასაფლას.

რესურსეფი ინტერნეტის[რედაქტირაფა | წყუშ რედაქტირაფა]