შარლოტა მურ-სიტერლი
| შარლოტა მურ-სიტერლი | |
| ინგლ. Charlotte Moore Sitterly | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 3, 1990 (91 წანერი) |
| ღურაშ აბანი: |
ვაშინგტონი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
პრინსთონიშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
ენი ჯამპ კენონიშ პრემია (1937) |
შარლოტა ემა მურ-სიტერლი (ინგლ. Charlotte Emma Moore Sitterly; დ. 24 ეკენია, 1898, ერსილდონი, პენსილვანია, ააშ — ღ. 3 მელახი, 1990, ვაშინგტონი, ააშ) — ამერიკალი ასტრონომი.
გურაფულენდჷ მათემატიკას სუორტმორ-კოლეჯის. უკულ მუშობა ქჷდიჭყჷ პრინსტონიშ უნივერსიტეტის, სოდეთ გიშარჩქინელი ამერიკალი ასტრონომი ჰენრი ნორის რასელიწკჷმა მუშენდჷ. შარლოტა მურიქ, რასელიწკჷმა ართო გიმირკვიუ ჟირმურიცხეფი, მურიცხეფიშ მასეფი. უკულიან პერიოდის მურიქ ომუშებუშა მაუნთ-ვილსონიშ ობსერვატორიაშა გეგნორთჷ. ჸათაქ თიქ გიმირკვიუ ბჟაშ სპექტროსკოპია, აკეთჷ ბჟაშ სპექტრალური ღოზეფიშ ანალიზი დო აკეთჷ ბჟაშ შხვადოშხვა ქიმიური ელემენტეფიშ იდენტიფიკაცია. თაშნეშე, მურიქ მუში კოლეგეფიწკჷმა ართო გიმირკვიუ ბჟაშ შანეფიშ სპექტრი დო გჷმოთვალუ თინეფიშ (ბჟაშ შანეფიშ) ტემპერატურა დახოლებურო.
შარლოტა მურიქ 1931 წანას მიპალუ დოქტორიშ ხარისხი კალიფორნიაშ უნივერსიტეტიშე (ბერკლი). ოდოქტორე დისერტაციაშ თხილუაშ უკულ მურიქ კინ პრინსტონიშა დირთჷ. 1945 წანაშე ქაკათჷ სტანდარტეფიშ ერუანული ბიუროს. 1949 წანას შარლოტა მურიქ გინირთჷ მაართა ოსურო, ნამუქჷთ გიშაგორილქ იჸუ ასტრონომიაშ ომაფე ჯარალუაშ ასოცირაფილი-მაკათურო.
შარლოტა მურ-სიტერლი რდჷ ენი ჯამპ კენონიშ პრემიაშ, უილიამ მეგერსიშ პრემიაშ დო ბრიუსიშ მენდალიშ ლაურეატი. ართი პერიოდის უკინებუდჷ ამერიკაშ ასტრონომიაშ ჯარალუაშ ვიცე-პრეზიდენტიშ პოსტი. ღურუ 1990 წანაშ 3 მელახის, 91 წანერქ. თიში ჯოხონობაშ რე ართი ასტეროიდი.
რესურსეფი ინტერნეტის[რედაქტირაფა | წყუშ რედაქტირაფა]
- შარლოტა მურ-სიტერლიშ ბიოგრაფია
- შარლოტა მურ-სიტერლი encyclopedia.com-ის
- ბიოგრაფია სონომაშ უნივერსიტეტიშ ვებ-საიტის