ჰერმან ბროხი
| ჰერმან ბროხი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 30, 1951 (64 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
|
| ჟანრი: |
რომანი, ნოველა, ესე |
| ნინა: | |
| ჯილდოეფი: |
გუგენჰაიმიშ სტიპენდია (1940, 1941) |
ჰერმან ბროხი (გერმ. Hermann Broch; დ. 1 გერგობათუთა, 1886, ვენა, ავსტრია-უნგრეთიშ იმპერია — ღ. 30 მესი, 1951, ნიუ-ჰეივენი, კონექტიკუტი, ააშ) — ავსტრიალი ჭარუ დო ნოველისტი. მერჩქინელი რე მოდერნისტული ლიტერატურაშ ართ-ართ შანულამ წჷმმარინაფალო. თიში ლიტერატურული ნაწარმებეფიშე ეიოშანალი რე რომანეფი ლუნატიკეფი (1930–1932) დო ვირგილიუსიშ ღურა (1945).
დებადჷ ვენას, დინდარი ურიეფიშ ფანიას. ბაღანობაშე მუში მუმაშ ტექსტილიშ ქარხანას მუშენდჷ დო გურაფულენდჷ ტექსტილიშ მანუფაქტურაშ ტექნიკური კოლეჯის. 1927 წანას ჰერმან ბროხიქ ქარხანა გეგმოჩჷ დო გემშართჷ ვენაშ უნივერსიტეტიშა, სოდეთ მათემატიკას, ფილოსოფიას დო ფსიქოლოგიას გურაფულენდჷ. 40 წანერი რდუნ თეში დიჭყჷ ლიტერატურული კარიერა. 45 წანერი რდუნ თეში, 1930-32 წანეფს გიშართჷ რომანქ ლუნატიკეფი - სუმი ტომო. წინგიშ თარი თემა გერმანული ჯარალუაშ ღირვანობეფიშ დეგრადაცია რე.
ანშლუსიშ უკულ, ბროხი ნაცისტეფქ ოჭოფეს დო ჯიხას ქუდახუნეს. ჭიჭე ხანიშ უკულ, მაჸალეეფიშ ჯეიმზ ჯოისიშ დო თორნტონ უაილდერიშ მოხვარათ ჯიხა ქიდიტუ დო ემიგრაციაშა მიდართჷ, დიო ბრიტანეთიშა დო უკულ ამერიკაშა. ამერიკას რინაშ ბორჯის გიშაშქჷ ბროხიქ ვირგილიუსიშ ღურა დო თხობელუეფიშ კათელი მართალი. ჰერმან ბროხი 1950 წანას ნომინირაფილი რდჷ ნობელიშ პრემიაშა. ბროხიქ ღურუ 1951 წანაშ 31 მესის, 64 წანერქ. დასაფულებური რე ნოღა კილინგუორთიშ სასაფლას.
რესურსეფი ინტერნეტის[რედაქტირაფა | წყუშ რედაქტირაფა]
- ჰერმან ბროხი ენციკლოპედია ბრიტანიკას
- ჰერმან ბროხიშ არქივი იელიშ უნივერსიტეტის