ჰერმან კარლ ფოგელი
| ჰერმან კარლ ფოგელი | |
| გერმ. Hermann Carl Vogel | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 13, 1907 (66 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ვალზიშ პრემია (1890) |
.svg){kind=small}
ჰერმან კარლ ფოგელი (გერმ. Hermann Carl Vogel; დ. 3 პირელი, 1841, ლაიფციგი, საქსონიაშ ომაფე — ღ. 13 მარაშინათუთა, 1907, პოტსდამი, გერმანიაშ იმპერია) — გერმანალი ასტროფიზიკოსი.
ფოგელი რდჷ სპექტროსკოპიული რკვიებეფიშ პიონერი ასტრონომიას. ჸათე ინსტრუმენტით თიქ აკეთჷ პლანეტეფიშ ატმოსფეროშ ანალიზი, 1871 წანას დადგინჷ ბჟაშ როტაციული პერიოდი დოპლერიშ ეფექტიშ გიმორინაფათ, გიმიგონჷ მურიცხეფიშ რადიალური სიჩქარეშ ზიმუაშ ფოტოგრაფიულ-სპექტროსკოპიული მეთოდი, 1889 წანას დანტკიცჷ ნამდა ალგოლი რდჷ ბინარული მურიცხი, 1892 წანას აკადგინჷ 51 მურიცხიშ რადიალური სიჩქარეშ მუნაჩემეფი. ფოგელიშ ტექნიკა უკულ ფართას გავითარეს დო გიმირინეს შვეიცარიალი ასტრონომეფქ მიშელ მაიორიქ დო დიდიე კელოქ, ნამუეფქჷთ მიოგორეს ეგზოპლანეტას, ნამუთ 51 პეგასის გართანდჷ. ჸათეშ გეშათ ჟირხოლო მენცარქ მიპალუ ნობელიშ პრემია ფიზიკაშ დარგის 2019 წანას.
ჰერმან კარლ ფოგელი გურაფულენდჷ ლაიფციგიშ უნივერსიტეტის. უკულ გურაფა გაგინძორჷ იენაშ უნივერსიტეტის, სოდეთ მიპალუ დოქტორიშ ხარისხი. ოდოქტორე დისერტაციაშ თემა რდჷ ნირსეულეფი დო მურიცხეფიშ გვართეფი. ფოგელი 1870-იან წანეფიშე მუშენდჷ პოტსდამიშ ობსერვატორიას დო 1882-1907 წანეფს რდჷ თიში დირექტორი.
რესურსეფი ინტერნეტის[რედაქტირაფა | წყუშ რედაქტირაფა]
- ჰერმან კარლ ფოგელი ენციკლოპედია ბრიტანიკას
- კუნტა ბიოგრაფია Archived 11 April 2021 ვებ-ხასჷლას Wayback Machine.