ჰით ლეჯერი

ვიკიპედია-შე
Jump to navigation Jump to search
ჰით ლეჯერი
Heath Ledger (2).jpg
ლეჯერი 2006 წანაშ ბერლინიშ ოერეფოშქაშე კინოფესტივალს.
დაბადებაშ ჯოხო ჰით ენდრიუ ლეჯერი
დაბადებაშ აბანიპერთი, ბჟადალუ ავსტრალია
დებადჷ 1974, 4 პირელი
ღურჷ 22 ღურთუთა 2008 (28 წანერი)
ნიუ-იორკი, ააშ
საქვარუა არტისტი, მუსიკალური პროდიუსერი
ალმასქუ(ეფი) მიშელ უილიამსი
(2004–2007, 1 სქუა)

ჰით ენდრიუ ლეჯერი (დ. 4 პირელი, 1979 – გ. 22 ღურთუთა, 2008) — ავსტრალიარი არტისტი, ნამუთ ლაჸაფენდჷ მუჭოთ ფილმეფს, თაში ოტელევიზიე სერიალეფს.

ბიოგრაფია[რედაქტირაფა | წყუშ რედაქტირაფა]

თიშ უკული, მუთ ილაჸაფუ როლეფი ავსტრალიაშ ტელევიზიას დო კინოს 1990-იანეფის გოძვენასჷნ, 1998 წანას ლეჯერქ ოხორალო გინორთჷ ააშ-შა მუში კინოკარიერაშ ოვითარებუშა. თიში კარიერა აკმოდირთუ ვითოჩხორო ფილმო, თინეფ შქას: „ჩქიმი გოჯოგაფაშ ვითი სამანჯელი“ (1999), „პატრიოტი“ (2000), „მონსტრეფიშ წვია“ (2001), „აიარიშ ისტორია“ (2001), „ნედ კელი“ (2003), „პუხუამი გვალა“ (2005) დო „წკურუმია აიარი“ (2008).[1] არტისტალაწკჷმა ართო რდჷ მუსიკალური ვიდეოფიშ პროდიუსერი დო რეჟისორი დო ინჭაფუდ, ქიჸუკო კინორეჟისორქჷნ.[2]

ენის დელ მარიშ გოსახიერაფათ ფილმის „პუხუამი გვალა“, 2005 წანას ლეჯერქ მიღჷ ნიუ-იორკიშ ფილმიშ კრიტიკოსეფიშ ქართაშ ჯილდო კატეგორიას „საუჯგუშო არტისტი“, დო 2006 წანას - „საუჯგუშო არტისტიშ“ ჯილდო ავსტრალიური ფილმეფიშ ინსტიტუტიშე დო ნომინირაფილი რდჷ 2005 წანაშ ოსკარიშ დოჯილდაფეფიშ ცერემონიას კატეგორიას „ოსკარი საუჯგუშო არტისტი კოჩიშო“,[3] ხოლო ბრიტანული აკადემიაშ ფილმეფიშ დოჯილდაფას კატეგორიას „საუჯგუშო არტისტი თარი როლს“.[4] ღურაშ უკული თიქ მიღჷ „დუდიშული შურიშ რობერტ ალტმანიშ პრემია“ არტისტეფიშ დოსქილადირ მიშარინაწკჷმა ართო, თიშე ტარებული სამუშაშო რეჟისორიშ დო კასტინგიშ რეჟისორიშ აპლუას ფილმს „მა თექ ვავორექ“, ნამუსჷთ მიშაგონაფილი რდჷ ამერიკალი მაბირეშ დო ბირეფიშ ავტორიშ ბობ დილანიშ რინათ დო ბირეფით. ფილმს ლეჯერი ასახიერენს გჷმოგონილ არტისტ რობი კლარკის, ართ-ართ პერსონაჟის ეთი ამშვიშე, ნამუეფით ასახენა დილანიშ რინაშ დო პერსონაშ ასპექტეფსჷნ.[5] ლეჯერქ მიღჷ მიარე ჯილდო თიშე გოსახიერაფილი ჯოკერიშ როლიშო ფილმის „წკურუმია აიარი“, თენეფ შქას ოსკარი მაჟირახარისხუანი როლიშ საუჯგუშო სრულებაშო, საუჯგუშო არტისტიშ ოერეფოშქაშე ჯილდო 2008 წანაშ ავსტრალიური ფილმეფიშ ინსტიტუტიშ დოჯილდაფას, მუთჷთ თინაქ იჸუ მაართა არტისტიქ, ნამუქჷთ მიღჷ ჯილდო ღურაშ უკული,[6] ლოს-ანჯელესიშ ფილმიშ კრიტიკოსეფიშ ასოციაციაშ ჯილდო მაჟირახარისხუანი როლიშ საუჯგუშო სრულებაშო, 2009 წანაშ ორქოშ გლობუსი მაჟირახარისხუანი როლიშ საუჯგუშო სრულებაშო[7] დო 2009 წანაშ ბრიტანული აკადემიაშ ფილმეფიშ ჯილდო მაჟირახარისხუანი როლიშ საუჯგუშო სრულებაშო.[4]

ლეჯერქ ღურჷ ეჩდობრუო წანაშ ხანს[3][8] „გიშაჭარილი წამალეფიშ მუმაწამალარი კომბინაციაშ“ მოხვალამირი მეღებაშ გეშა.[9][10][11] ღურაშა ხვალე მუსხირენ თუთათ ადრე ათუ ლეჯერქ გინოღალეფი თიში ბოლო, ჯოკერიშ როლშო ფილმის „წკურუმია აიარი“.[12] ღურაშ მომენტიშო, 2008 წანას 22 ღურთუთაშო, თის გინოღალეფიშ დახოლებურო გვერდი აფუდჷ დარსულებური ტონიშ როლს, ტერი გილიამიშ ფილმშო „დოქტორ პარნასიშ აწოძირაფა“.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1999 ჩქიმი გოჯოგაფაშ 10 სამანჯელი 10 Things I Hate About You პატრიკ ვერონა
2000 პატრიოტი The Patriot გაბრიელ მარტინი
2003 ნედ კელი Ned Kelly ნედ კელი
2005 პუხუამი გვალა Brokeback Mountain ენის დელ-მარი
2006 კენდი Candy დონ კარტერი
2007 მა თექ ვავორექ I'm Not There ბობ დილანი
2008 წკურუმია აიარი The Dark Knight ჯოკერი
2009 დოქტორ პარნასიშ აწოძირაფა The Imaginarium of Doctor Parnassus ტონი შეპარდი

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. ჰით ლეჯერი - მასრულებერეფი“, Variety. კითხირიშ თარიღი: 2009-10-16. 
  2. ადამ დოუთრი. “'Parnassus'-შ ბუნაშ სახეეფიშ დილემა“, Variety, 2008-01-23. კითხირიშ თარიღი: 2008-01-23. 
  3. 3.0 3.1 ჰით ლეჯერი: თაიმსიშ ნეკროლოგი“, The Times, 2008-01-23. კითხირიშ თარიღი: 2008-04-27. 
  4. 4.0 4.1 დოჯილდაფაშ მუნაჩამეფიშ ბაზა. ფილმეფიშ დო ტელევიზიაშ ჯილდოეფიშ ბრიტანული აკადემია. კითხირიშ თარიღი: 2009-10-16.
  5. ჰით ლეჯერქ „დუდიშული შურიშ ჯილდო“ მიღუ“, ET Online, 2008-02-23. კითხირიშ თარიღი: 2008-08-08. 
  6. ლეჯერქ მიღჷ ჯილდო ავსტრალიური ფილმეფიშ ინსტიტუტშე. ABC Online. კითხირიშ თარიღი: 2008-12-06.
  7. Golden Globes: Heath Ledger's Family 'So Proud' of Globe Nod“, People, 2008-12-11. კითხირიშ თარიღი: 2008-12-11. 
  8. ჯეიმზ ბარონი. “28 წანაშ არტისტი ჰით ლეჯერი ღურელი ძირეს“, The New York Times, 2008-01-23. კითხირიშ თარიღი: 2008-04-27. 
  9. სეველ ჩანი დო ჯეიმზ ბარონი. “ჰით ლეჯერიშ ღურა უბედური მოხვალამა რდჷ“, The New York Times, 2008-02-06. კითხირიშ თარიღი: 2008-08-17. 
  10. ლეჯერიშ ღურა გიმიჭანუ დოზაშ მოხვალამირი გინოძინაქ“, CNN, 2008-02-06. კითხირიშ თარიღი: 2008-08-17. 
  11. ჰით ლეჯერქ ღურუ დოზაშ მოხვალამირი გინოძინათ: 28 წანერ არტისტის ზისხირს უღუდჷოქსიკოდონი, დამაჸანებელეფი დო დარულაფუ საშუალებეფი“, msnbc.com, 2008-02-06. კითხირიშ თარიღი: 2008-03-17. 
  12. დევიდ ჰალბფინგერი. “ბეტმენიშ ხარგუა: რეჟისორი აწმარინჯუ უკმელას დო ღურას“, The New York Times, 2008-03-09, pp. 1, 16. კითხირიშ თარიღი: 2008-03-10.