ჰისენ ჰაბრე

ვიკიპედიაშე
ჰისენ ჰაბრე
ფრანგ. Hissène Habré
ჰისენ ჰაბრე ფრანგ. Hissène Habré
ჩადიშ 4-ა პრეზიდენტი
პოსტის გერინაშ ბორჯი
7 მანგი, 1982 – 1 ქირსეთუთა, 1990
წიმოხონიგუკუნი უედეი
მონძეიდრის დები

პოსტის გერინაშ ბორჯი
29 მარაშინათუთა, 1978 – 23 მელახი, 1979
წიმოხონიფელიქს მალუმი
მონძეპოსტიქ გეუქვუ, ჯიდინგარ დონო ნგარდუმი (1982 წანაშე)

დუნაბადი13 ეკენია, 1942 (1942-09-13) (81 წანერი)
ფაია-ლარგო, ჩადი
ერუანობატუბუ
ალმასქუფატიმა რაიმონდე
რელიგიაისლამი

ჰისენ ჰაბრე (ფრანგ. Hissène Habré; დ. 13 ეკენია, 1942, ფაია-ლარგო, ჩადი) — ჩადიშ ოურდუმე დო პოლიტიკური მოღალე. ქიანაშ პრეზიდენტი 1982 - 1990 წწ.

ჰისენ ჰაბრექ გონათუა პარიზის მიღჷ, ჩადშა დირთჷ 1971 წანას, თე პერიოდის ქიანას ომენოღალე ლჷმა მიშჷ ობჟათარი ქირსიანეფს დო ოორუალი არაბ მუსულმანეფს შქას. გეჸვენჯი წანას ჰისენ ჰაბრექ ტრიპოლიშა მიდართჷ დო გეგმოქიმინჷ პარტიზანული არმია, ნამუსჷთ ოორუეშ აკოანჯარაფილი ნძალეფი გიოდჷ. მალას თიშ ნძალეფქ გეგნოჭკირეშ ჩადიშ ხურგეფი. პრეზიდენტ გუკუნი უედეიქ მოხვარაშო ლიბიას მოუჭანუ, ნამუქჷთ ჰაბრე აინძულჷ უკახალე დორთედკო დო სუდანშა გეგნურთუმუდკონ, მარა მალას დირთჷ, გეჭოფუ ქიანაშ ბჟაეიოლი ნოღეფი, 7 მანგის - გეჭოფუ ნანანოღა ნჯამენა დო დუდი ქიანაშ პრეზიდენტო გეგმაცხადჷ. გუკუნი უედეიქ ოპოზიციური თარობა აკოქიმინჷ.

1983 წანას უედეაშ ხუჯიშ დაკინალო ლიბიაქ ჩადიშ მაანთხა ინტერვენცია ქოქიმინჷ. მარა საფრანგეთიშ დო ააშ-შ მოხვარათ ჰისენ ჰაბრექ გიმორძგუ, მუამარ კადაფიშ ჯარეფქ ქიანა ქჷდიტუეს.

ოურდუმე გჷნორთაფა[რედაქტირაფა | წყუშ რედაქტირაფა]

1989 წანას ქიანას ოურდუმე გჷნორთაფაშ ცადება რდჷ, ნამუსთ დუდენდჷ დინოხოლენი საქვარეფიშ მინისტრი ბრაჰიმ იტნო დო თიში ოურდუმე მარჩებელეფი: ჰასან ჯამუსი დო იდრის დები. იტნო ოჭოფეს, ჯამუსი დოჸვილეს, იდრის დებიქ ქიანაშე ინტუ დო მუმალ წანას იერიში წჷმიჭყჷ ჰაბრეშ ხეშუულებაშ სააწმარენჯოთ.

1990 წანაშ ბოლოს, იდრის დებიშ დებიშ დუდალათ მოქიმინჯე ჩადიშ ერუანული რსხებაშ ყარაფიშ აკოანჯარაფილ ნძალეფქ ბჟაეიოლ ჩადის მადვალუ ნოღა აბეშე გეჭოფეს. 1 ქირსეთუთას ჰისენ ჰაბრექ დიო კამერუნშა ინტუ, უკული - სენეგალშა გეგნორთჷ.

ბრალდვალუა[რედაქტირაფა | წყუშ რედაქტირაფა]

1991 წანას აკოქიმინელჷ კომისიაქ ჰაბრეშ ადმინისტრაციას 40 000 პოლიტიკური ჸვილუეფიშ დო 200 000 წამებაშ ფაქტიშ ქიმინუაშ გეშა გიოდჷ ბრალი. ადამიერიშ გოქუნელობეფიშ მათხილარ ბუნეფს ხეს უღუდეს 97 პოლიტიკური ჸვილუაშ, 142 წამებაშ დო 100 ადამიერიშ გოქარვაფაშ დეტალურო ეჭარილი ფაქტიშ ემახანტე მასალა. გოეროქ ხუჯი დუკინჷ თიში ზისხირიშ სამართალობურ რალუას ადამიერიშ გოქუნალობეფიშ დორღვიებაშო, მუთ ჰაბრეშ ექსტრადიციას ითოლისწორენს[1][2].

ლიტერატურა[რედაქტირაფა | წყუშ რედაქტირაფა]

  • ნაიჯელ ქოთორნი, ისტორიის 100 ყველაზე სასტიკი დესპოტი და დიქტატორი, თბ., 2011

სქოლიო[რედაქტირაფა | წყუშ რედაქტირაფა]