ალან პერლისი
| ალან პერლისი | |
| ინგლ. Alan Perlis | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 7, 1990 (67 წანერი) |
| ღურაშ აბანი: |
ნიუ-ჰეივენი, კონექტიკუტი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
კარნეგი-მელონიშ უნივერსიტეტი |
| ალმა-მატერი: |
კარნეგი-მელონიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ტიურინგიშ პრემია (1966) |
ალან ჯეი პერლისი (ინგლ. Alan Jay Perlis; დ. 1 პირელი, 1922, პიტსბურგი, პენსილვანია, ააშ — ღ. 7 ფურთუთა, 1990, ნიუ-ჰეივენი, კონექტიკუტი, ააშ) — ამერიკალი ინფორმატიკოსი, პერდიუშ უნივერსიტეტიშ, კარნეგი-მელონიშ უნივერსიტეტიშ დო იელიშ უნივერსიტეტიშ პროფესორი, ტიურინგიშ პრემიაშ მაართა ლაურეატი. მიშეღჷ დიდი თია პროგრამირაფაშ ნინეფიშ გოვითარაფაშა.
ბიოგრაფია
[რედაქტირაფა | წყუშ რედაქტირაფა]ალან პერლისიქ დებადჷ 1922 წანაშ 1 პირელს, ნოღა პიტსბურგის, ურიეფიშ ფანიას. გურაფულენდჷ კარნეგიშ ტექნოლოგიაშ ინსტიტუტის (ასეიან კარნეგი-მელონიშ უნივერსიტეტი), სოდეთ მიპალუ ბაკალავრიშ ხარისხი 1943 წანას. მაჟირა მოსოფელიშ ლჷმაშ ბორჯის მსახურენდჷ ამერიკაშ არმიას. ჸათე პერიოდის დეინტერესჷ მათემატიკათ. უკულ პერლისიქ გურაფა გაგინძორჷ მასაჩუსეტსიშ ტექნოლოგიაშ ინსტიტუტის. 1949 წანას პერლისიქ მიპალუ მაგისტრიშ ხარისხი. 1950 წანას თხილუ ოდოქტორე დისერტაცია. გურაფაშ თებაშ უკული მონაწილენდჷ Whirlwind კომპიუტერიშ გოვითარაფაშ პროექტის. მალას პერლისიქ ომუშებუშა გეგნორთჷ პერდიუშ უნივერსიტეტიშა. 1956 წანაშე მუშენდჷ კარნეგიშ ტექნოლოგიაშ ინსტიტუტის, სოდეთ რდჷ მათემატიკაშ დო კომპიუტერული მენცარობეფიშ დეპარტამენტიშ დირექტორი. 1962 წანაშე პერლისი რდჷ კომპიუტერული ტექნიკაშ ასოციაციაშ პრეზიდენტი. 1966 წანას ალან პერლისიქ მიპალუ ტიურინგიშ პრემია, პროგრამირაფაშ ტექნიკაშ დო კომპილატორიშ გოვითარაფაშ გეშა. 1971 წანას პერლისიქ ომუშებუშა გეგნორთჷ იელიშ უნივერსიტეტიშა, სოდეთ ღურაშახ მუშენდჷ. 1977 წანას პერლისიქ გინირთჷ ამერიკაშ ინჟინერიაშ ერუანული აკადემიაშ მაკათურო. 1985 წანას პერლისის გინოჩეს კომპიუტერული ტექნიკაშ პიონერიშ პრემია.
რესურსეფი ინტერნეტის
[რედაქტირაფა | წყუშ რედაქტირაფა]- ალან პერლისი ენციკლოპედია ბრიტანიკას
- Alan J. Perlis Papers, 1942–1989. Charles Babbage Institute, University of Minnesota, Minneapolis