ლეო ბაკელანდი

ლეო ბაკელანდი
	ლეო ბაკელანდი
	ინგლ. Leo Baekeland
	; ლეო ბაკელანდი 1916 წანას
დაბადებაშ თარიღი:	14 გერგობათუთა, 1863
დაბადებაშ აბანი:	გენტი, ბელგია
ღურაშ თარიღი:	ფურთუთა 23, 1944 (80 წანერი)
ღურაშ აბანი:	ბიკონი, ნიუ-იორკი, ააშ
მენოღალობა:	ბელგია; ააშ
ომენცარე სფერო:	ქიმია
სამუშაშ აბანი :	გენტიშ უნივერსიტეტი; კოლუმბიაშ უნივერსიტეტი
ალმა-მატერი:	გენტიშ უნივერსიტეტი
ჯილდოეფი დო პრემიეფი:	ჯონ სკოტიშ მენდალი (1910); უილიამ ჰენრი ნიკოლსიშ მენდალი (1910); უილარდ გიბსიშ პრემია (1913); პერკინიშ მენდალი (1916); ფრანკლინიშ მენდალი (1940); მენცარობეფიშ ერუანული აკადემიაშ მაკათური
ხეშმოჭარუა:

ლეო ჰენდრიკ ბაკელანდი (ინგლ. Leo Hendrik Baekeland; დ. 14 გერგობათუთა, 1863, გენტი, ბელგია — ღ. 23 ფურთუთა, 1944, ბიკონი, ნიუ-იორკი, ააშ) — ბელგიარი დო ამერიკალი ქიმიკოსი. შინელი რე გჷმოგონებეფით: ფოტოქარღადით (Velox) დო ბაკელიტით. ბაკელიტიშ - ეფი დო უნივერსალური პლასტმასიშ გჷმოგონებათ, გიჭყჷ თეხანური პლასტმასიშ ინდუსტრიაქ. ლეო ბაკელანდის პლასტმასიშ ინდუსტრიაშ მუმას ხოლო უძახჷნა.

ლეო ბაკელანდიქ დებადჷ ბელგიას. გურაფულენდჷ ქიმიას გენტიშ უნივერსიტეტის. 21 წანერი რდუნ თეში მიპალუ დოქტორიშ ხარისხი. გურაფაშ თებაშ უკულ მუშენდჷ გენტიშ უნივერსიტეტიშ ასოცირაფილ პროფესორო.

1889 წანას ბაკელანდიქ ამერიკაშა მიდართჷ, სოდეთ მუშობა ქიდიჭყჷ ართ-ართ ფოტოგრაფიკულ კომპანიას. უკულიან წანეფს მუში კერზო კომპანია ქუდარსხუ. 1893 წანას გიმიგონჷ ფოტოქარღადი, ნამუსჷთ "Velox" ქიგიოდვჷ.

1907 წანას ბაკელანდიქ გიმიგონჷ ბაკელიტი, ნამუსჷთ უღუდჷ დიდი შანულობა პლასტმასიშ ინდუსტრიაშო.

1917 წანაშე ბაკელანდი რდჷ კოლუმბიაშ უნივერსიტეტიშ პროფესორი.

ბაკელანდი რდჷ შხვადოშხვა პრემიეფიშ დო ჯილდოეფიშ ლაურეატი. 1910 წანას მიპალუ ჯონ სკოტიშ მენდალი, 1913 წანას უილარდ გიბსიშ პრემია, 1916 წანას პერკინიშ მენდალი დო 1940 წანას ფრანკლინიშ მენდალი. ღურაშ უკულ, 1978 წანას ბაკელანდი მიშეჸონეს ერუანული გჷმმაგონებელეფიშ დიდობაშ დარბაზიშა.

ლეო ბაკელანდიქ ღურუ 1944 წანაშ 23 ფურთუთას, ინსულტით, 80 წანერქ. დასაფულებური რე სლიფი-ჰოლოუშ სასაფლას.

რესურსეფი ინტერნეტის