ლიგურია
| |
გერბი
|
შილა
|
| ქიანა |  იტალია
|
| სტატუსი | რეგიონი |
| მიშმურს | 4 მუნიციპალიტეტი |
| ფორჷნს | 234 კომუნა |
| ადმინ. ცენტრი | გენუა |
| შხუ ნოღა | გენუა |
| შხუ ნოღეფი | სპეცია, სავონა, სან-რემო |
| დორსხუაფაშ თარიღი | 1948 |
| მადუდე | პრეზიდენტი: ჯოვანი ტოტი |
| მახორობა (2019) | 1 550 640 |
| მეჭედალა | 286,3 კოჩი/კმ² |
| ფართობი | 5 416,21 კმ² |
| სიმაღალა ზუღაშ დონეშე - უმაღალაშ ჭურჭული |
250 მ |
| |
| ბორჯიშ ორტყაფუ | UTC+1 |
| კოდი ISO 3166-2 | IT-42 |
| ოფიციალური ვებ-ხასჷლა | |
|
Liguria |
ლიგურია (იტალ. Liguria) — ოორუე-ბჟადალ იტალიაშ წყარპიჯიშ რეგიონი გენუაშ ჸუჯწკჷმა. ლიგურია იტალიაშ მასუმა არძაშე მორჩილ რეგიონს წჷმარინუანს. რეგიონიშ ნანანოღა რე გენუა. იკათუანს იტალიური რივიერაშ კურორტეფს, ნამუეფით პოპულარული რე ტურისტეფს შქას მუში უსქვამაში პლაჟეფით, მორჩილი ნოღეფით დო ჯგირი საგესქუოთ.
გეოგრაფია
[რედაქტირაფა | წყუშ რედაქტირაფა]ლიგურიას ბჟადალშე საფრანგეთი უხურგანს, ოორუეშე — პიემონტიშ რეგიონი, ბჟაეიოლშე — ემილია-რომანია დო ტოსკანა. გჷნოზინდილი რე ლიგურიაშ ზუღაშ წყარპიჯის დო სქირონიშ ინწრო ღოზის წჷმარინუანს, ნამუსჷთ უხურგანს ზუღა, ალპეფიშ დო აპენინიშ გვალეფი, ნამუეფშე კანკალეშ კონკა სიმაღალას 2000 მეტრშახ ონწჷ.
ლიგურიაშ ფართობი ხვალე 5 422 კმ² რე, ნამუთ ედომუშამი იტალიაშ ფართობიშ 1.18% რე. თაჸურეშე, 3 524,08 კმ² გვალამი რე (65%) დო 891,95 კმ² — ბექი-ზუგამი (35%). ლიგურიაშ ორთაშბური ტყაჩირეფი რეგიონიშ 12%-ს იკათუანს ( 60 000 ჰა) დო აკმოდირთჷ ართი ერუანული ტყაჩირიშ, ამშვი კაბეტი პარკიშ, ჟირი მორჩილი პარკიშ დო სუმი ორთაშ ტყაჩირიშე.
კონტინენტური შელფი ძალამ ინწრო რე დო ოფიორე კირდეეფი ბონას ზუღაშა ინმურს მუში 315 კმ-იანი წყარპიჯიშ ღოზიშ მანგას. დიდი წყარმალუეფიშ ნადუეფწკჷმა, გჷნოზინდილი რე მორჩილი პლაჟეფი, მარა სოთინ ვა რე ტომბა ლუბეფი დო ორთაშობური ნიშორინუ, გენუაშ დო სპეციაშ მოხ.
ქეჩხოფიშ ფარგა გჷნოზინდილი წყარპიჯიშ ღოზიშ მელე, ნამუთ ზუღაწკჷმა ართო ბატა კლიმატის გთმოპიჯანს ედომუშამი წანაშ მეძენას. ზოთონჯიშ ოშქაშე ტემპერატურა რე 7 — 10 °C (45 to 50 °F), ზარხულიშ — 23 — 24 °C (73 to 75 °F). ძალამი ხვეიანო გჷმურს ნოლექეფი, ნამუშ ბაძაძი წყარპიჯწკჷმა ძალამ არხოს მადვალი გვალეფი რე, ნამუთ ოროგრაფიულ ეფექტის აკმოქიმინჷნს. გენუაშ დო ლა-სპეციაშ ნოლექეფიშ ოშქაშე წანმოწანური მაძირაფალი 2 000 მმ რე, დოსქიალდირ აბანეფს — იძირებე ოლექეფიშ ნორმალური, სქირონაშქაზურაშური ნორმა 500 — 800 მმ-ით წანმოწანას.
ადმინისტრაციული დორთუალა
[რედაქტირაფა | წყუშ რედაქტირაფა]ლიგურიაშ რეგიონი ადმინისტრაციულო 4 პროვინციათ ირთჷ:
| პროვინცია | ფართობი (კმ²) | მახორობა | მეჭედალა (ადამ./კმ²-ის) |
|---|---|---|---|
| გენუაშ პროვინცია | 1,838 | 884,945 | 481.5 |
| იმპერიაშ პროვინცია | 1,156 | 220,217 | 190.5 |
| სპეციაშ პროვინცია | 881 | 222,602 | 252.7 |
| სავონიშ პროვინცია | 1,545 | 265,194 | 185.2 |
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- ოფიციალური ვებ-ხასჷლა Archived 2009-03-12 ვებ-ხასჷლას Wayback Machine.
- Map of Webcams in Liguria Archived 2011-10-01 ვებ-ხასჷლას Wayback Machine.
- (ინგლისური) ტურისტული რზაგემაწურაფალი
| |||||||