ვენეტო

ვიკიპედია-შე
Jump to navigation Jump to search
ვენეტო
იტალ. Veneto, ლათ. Venetia
Sunset gondola Basilica Della Salute .png
გერბი
Coat of Arms of Veneto.png
შილა
Flag of Veneto.svg
ქიანა იტალიაშ შილა იტალია
სტატუსი რეგიონი
მიშმურს 7 პროვინცია
ფორჷნს 563 კომუნას
ადმინ. ცენტრი ვენეცია
ედპ (2019)
ედპ ართ შურ მახორუშე
166 119 მილიონი
33 900
მახორობა (2018) 4 905 854
მეჭედალა 267,42 კოჩი/კმ²
ფართობი 18 345,35 კმ²
სიმაღალა ზუღაშ დონეშე
 - უმაღალაშ ჭურჭული

 180
ვენეტო რუკას
ბორჯიშ ორტყაფუ UTC+1
კოდი ISO 3166-2 IT-34
ოფიციალური ვებ-ხასჷლა
Commons-logo.svg Veneto

ვენეტო (იტალ. Veneto, ლათ. Venetia) — რეგიონი იტალიაშ ოორუე-ბჟაეიოლშე, ნამუსჷთ უკებჷ წყარმალუ პოშ დელტა, თაშნეშე ალპეფიშ დო დოლომიტიშ გვალეფი, ტობა გარდა. რეგიონიშ მახორობა4 905 854 ადამიერი რე (2018) დო თეჸურე იტალიაშ რეგიონეფს შქას მა-5 აბანს რე.

ვითოშწანურაშ უმოსი ხანიშ აშაბანს ვენეტო ზოხორინელი სახენწჷფო რდჷ — ვენეციაშ რესპუბლიკა, ნამუთ 1866 წანას, ავსტრიალი დო ფრანგი მართუალობეფიშ ბირგულუაშ უკული საბოლათ იტალიაქ ქჷმკირსხჷ. რეგიონიშ ნანანოღა რდჷ დო რე ვენეცია, ნამუსჷთ ოშწანურეფიშ გოძვენას მართუნდჷ მოსოფელიშ ართ-ართ უშხუაში დო უღვენაში ოზუღე რესპუბლიკას დო ოვაჭარე იმპერიას. ღვენი კულტურული მონძალაშ გეშა, შანულამი მუდანობაშ ვენეტოალს მუნეფი დუდი უნიკალური იდენტობაშ ადამიერეფო მიორჩქჷდეს დო ვარს რაგადანდეს თინეფიშ იტალიურ ერწკჷმა მერხველაფაშენ, რეგიონული თარობაქ — თიზჷმა შორშა მიდართჷ, ნამჷ-და თიშ მახორუეფი ოფიციალურო გოთანჯჷ მუჭთ უბრალეთ „კათა“.[1]

ართ ბორჯის ვენეციაშ რესპუბლიკაშ გური, ვენეტო ასე იტალიაშ არძაშე ღვენამი, არძაშე გოვითარაფილი დო ინდუსტრიალიზაფირი რეგიონი რე. რეგიონს ქიანაშ ღვენამი ისტორიული, ორთაშობური, ხელუანობაში, კულტურული, მუსიკალური დო კულინარიული მონძალა უღუ. კინე თე ბორჯის თინა იტალიაშ არძაშე ოძირაფე რეგიონი რე 60 მლნ ტურისტით ირწანას (2007).[2] იტალიურიშ მოხ, მახორობაშ უმენტაშობა ვენეტურ ნინაშათ რაგადანს. ხანგჷნძე ისტორიაშ გოძვენას, ვენეტო მასობურ მიგრაციეფს გინმიღანდჷ დო ასე ხოლო, იტალიაშ მასშტაბით რეგიონი ლიდერენს იმიგრანტეფიშ მეღებათ, 2008 წანას თიქ 454 453 ურცხოალი იმიგრანტი მიღჷ, ნამუეფიშ უმენტაშობა რუმინალი დო მაროკოალი რდჷ.[3]

ადმინისტრაციული დორთუალა[რედაქტირაფა | წყუშ რედაქტირაფა]

ვენეტოშ რეგიონი ადმინისტრაციულო 7 პროვინციათ ირთჷ:

ვენეტოშ პროვინციეფი
პროვინცია აბრევიატ. ფართობი (კმ²) მახორობა მეჭედალა
(ადამ./კმ²)
ბელუნო BL 3 678 213 059 57,9
პადუა PD 2 141 905 112 422,8
როვიგო RO 1 789 245 598 137,3
ტრევიზო TV 2 477 865 194 349,3
ვენეცია VE 2 463 841 609 341,7
ვერონა VR 3 121 889 862 285,1
ვიჩენცა VI 2 722 848 642 311,8

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Consiglio Regionale Veneto - Leggi Regionali. Consiglioveneto.it. კითხირიშ თარიღი: 2010-04-24.
  2. Statistical Report 2007 - Chapter 1.2 - Production sectors. Statistica.regione.veneto.it. კითხირიშ თარიღი: 2009-05-06.
  3. Statistiche demografiche ISTAT. Demo.istat.it. კითხირიშ თარიღი: 2010-04-24.