სექსუალური მუშიდენტიფიკაცია

	სტატიეფი თემატიკაშე; სექსუალური ორიენტაცია
ბინარული კლასიფიკაცია
	ასექსუალობა · ბისექსუალობა
	ჰეტეროსექსუალობა · ჰომოსექსუალობა
ვაბინარული დო შხვა კლასიფიკაციეფი
	მონოსექსუალობა · პანსექსუალობა
	პოლისექსუალობა
	ანტისექსუალობა · ; აუტოსექსუალობა
	კინსიშ სკალა · კლეინიშ რცხილი
თემატურო მერსხილი სტატიეფი
	ადამიერიშ სექსუალობა ·
	სექსუალური მუშიდენტიფიკაცია
	ბინარული გენდერული სისტემა · ეგოდისტონური ორიენტაცია
	რომანტიული ორიენტაცია · ბიოლოგია დო სექსუალური ორიენტაცია
	სექსუალური ორიენტაციაშ სტატისტიკა
	სიტუაციური სექსუალური რჯება
	ჩხოლარეფიშ სექსუალური რჯება
	პარაფილია · ზოოფილია
	;
	ძ • ს • რ

სექსუალური იდენტობა — ადამიერიშ სექსუალობაშ ხუთი კომპონენტიშე ართ-ართი, ნამუშჷთ გჷთმითანჯუ ინდივიდიშ მუშიდენტფიკაცია თი კათაწკჷმა, ნამუეფსჷთ უღჷნა თი დო თე სექსუალური ორიენტაცია, მუშგინაფა მუჭოთ ინდივიდიში მოჩამილი სექსუალური ორიენტაციაშოთ.

სექსუალობაშ კომპონენტეფი

მარკვიალეფი ადამიერიშ სექუსლობაშ მუსხირენ კომპონენტის გიშმართჷნ:

ბიოლოგიური სქესი (ედომუშამი ართოიანობათ — გენეტიკური, გონადური, ჰორმნალური, გალენური დო დინოხოლენი გენეტალური სქესი),
გენდერული იდენტობა (ფსიქოლოგიური დორხველობა გოთანჯილი სქესიშოთ, ნამუშოთ უციო ვარე ბიოლოგიური სქესის უხუჯანდასჷნ), სექსუალური ორიენტაცია დო სოციალური გენფერული როლი (ინდივიდიშ რჯება ჯარალუას, ნამუთ უხუჯანს ინორსხილი კულტურულ ნორმეფს დო ტრადიციეფს, ნამუთ დჷთმადგინანს „ტიპიური ქომოლური“ ვარდა „ტიპიური ოსურული“ რჯებას).

სექსუალური იდენტობაშ ფორმირაფა

ადამიერიშ სექსუალური იდენტობაშ ნამდგაინ ართი ფაქტორიშ ქიმიჯიშ შედეგით ვეფორმირებუ, მარა კანაკლე მენცარი დო ვასპეციალისტი სექსუალური იდენტობაშ ზოხოიანი „ბაძაძის“გორუნს.

სამანგათ, მენცარეფი ჯონ მანი (ინგლ. John Money), მილტონ დაიმონდი (ინგლ. Milton Diamond) დო ენ ფაუსტო-სტერგინგი (ინგლ. Anne Fausto-Sterling) ოცადუდეს თი ბიოლოგიური პროცესეფიშ მეგორაფას დო ეჭარუას, ნამუთ სექსუალური იდენტობაშა გოლინას იღვენუანსჷნ. იკოროცხუ, ნამჷ-და რსებენს გოთანჯილი ფაქტორეფიშ დიდი ართოიანობა, მარა თე ოკითხირშენი ართი არზი ვარსებენს. შილებე, კანკალე ფაქტორშა, ნამუთ სექსუალური იდენტობაშა გოლინას იღვენუანსჷნ, დიო ხოლო ვარე მეგორაფილ-და.

გენეტიკური ფაქტორეფი

ქრომოსომეფი ბაღანაშ ბიოლოგიური სქესიშ ფორმირაფაშ გოთანჯუას გინმაჭყვიდირალს როლს ლაჸაფენს. ადამიერშო ნორმალური იკოროცხუ ქომოლკოჩეფშო XY კომბინაცია დო ოსურეფშო — XX, მარა თენა ვარე აკა შილებუანი ვარიანტი. შილებე მუკორჩქინდას ქრომოსომულ ანომალიეფქ, ნამუთ თიჯგურა კარიოტიპეფი გარჩქინას მუჭოთ რე XXY, XYY დო თ. უ. კანკალე ქრომოსომულ ანომალიაქ დაბადებაშ ბორჯის შილებე გალენურო ვეგიოხედასჷნ, მუჟამსჷთ დინოხოლენი თირუეფი შილებე მიშასჷნ, მარა შხვა ანომალიეფი ოხუ სასქესე ორგანოეფს დო ინტერსექსიშ დგომარობაშა დოჸუნს.