სიცილია

სიცილია (სიცილიურო დო იტალიურო: Sicilia) — იტალიაშ ავტონომიური რეგიონი. სიცილიას იტალიაშ შხვა რეგიონეფიშ გეშე არძაშ უმოსი ტერიტორია უკებუ 25,708 კმ² დო ჸუნს ხუთი მილიონი მახორუ. სიცილია რე სქირონაშქა ზუღაშ უდიდაში კოკი. სარდინიაწკჷმა ართო სიცილია ოფიციალურო იკოროცხუ კოკურ იტალიაშ რეგიონო.

ოვარაჭე შარეფწკჷმა სიახოლაშ გეშა, ისტორიულო სიცილიას უკებუდუ სტრატეგიული აბანი. თე ტერიტორია მირჩქინუაფუდუ დიდი საბერძენოშ (ბერძ.: Μεγάλη Ελλάς, ლათ.: Magna Graecia) მუხურო, ციცერონიშ ეჭარუათ სირაკუზა რდჷ ჯვეში საბერძნეთიშ უდიდაში დო უსქვამაში ნოღა.

ამდღა სიცილია იტალიაშ რეგიონი რე, მარა ჯვეშო თინა რდჷ დუდიშული სიცილიაშ ომაფე, ნამუთ იმართუდუ პალერმოშე. დუდშე სიცილიაშ ბუნტეფშახ, ომაფე მართუნდჷ კოკის, იტალიაშ კაშ ჩქონს დო მალტას. უკული თიქ გინირთჷ ჟირ სიცილიაშ კათ, ნამუსჷთ მართჷნდეს ბურბონეფი დო ნამუშ ნანანოღა რდჷ ნეაპოლს. იტალიაშ აკოზგუმონჯუაშ უკული გემშართჷ იტალიაშა დო ამდღა რე ავტონომიური რეგიონი.

სიცილიას უღუ მუშ დიდარი კულტურა, სამუარხე, არქიტექტურა დო ქოთ მუში ნინა. სიცილიაშ ეკონომიკა უმოსო გეპონუ აგროკულტურას (უმოსო ფორთოხალი დო ლიმონიშ პლანტაციეფი); თაქიან ატმოსფერო დო ტატალა მითმიტყურუანს ბრელ ტურისტის.

რესურსეფი ინტერნეტის

Sito della Regione Siciliana Archived 2011-05-14 ვებ-ხასჷლას Wayback Machine.
Sicilia per il Turismo Archived 2011-07-22 ვებ-ხასჷლას Wayback Machine.
Arca dei Suoni Archivio sonoro digitale on-line del CRICD - Centro Regionale per l'Inventario, la Catalogazione e la Documentazione dei Beni Culturali della Regione Siciliana