ნოღა
| შილა
|
გერბი
|
|
|
|
სპლიტი (ხორვატ. Split; იტალ. Spalato; ლათ. Spalatum; ჯვ.-ბერძენ. ასპალათოსი, Ασπάλαθος) — სიდიდათ მაჟირა ნოღა ხორვატიას, ზაგრებიშ უკული. ნოღა ადრიატიკაშ ზუღაშ წყარპიჯის იდვალუაფუ. ნოღა აკოგაფილი რე დიოკლეტიანეშ დოხორეშ მუკი-მუკი. ნოღა ქიანაშ დინოხოლენი ოტრანსპორტე ნოსქვის დო შანულამ ტურისტულ ცენტრის წჷმარინუანს.
სპლიტი რეგიონიშ ართ-ართი უჯვეშაში ნოღა რე. ნოღა 1700 წანაშ ისტორიას კოროცხჷნს, მუჟამსჷთ 305 წანას აკიგჷ დიოკლეტიანეშ დოხორექჷნ. მორო არქეოლოგიურ გონთხორუეფქ ოძირჷ, ნამჷ-და თე ტერიორიას დოხოლაფირო ჯვ. წ. IV ოშწანურაშე რდჷ ბერძენული კოლონია ასპალათოსი (Aσπάλαθος) დო თეიშახ რდჷ გორკვიაფილი ტიპიშ დოხორელი პუნქტეფი. ნოღაქ გიშაკერძაფილო 650 წანაშე გევითარჷ, მუჟამსჷთ თიქ რომიშ პროვინცია დალმაციაშ ჯვეში ნანანოღა სალონაშ მონძეთ გჷნირთჷნ. რომიშ იმპერიაშ აკოფაჩუაშ უკული სპლიტი ბიზანტიაშ იმპერიაშ გოლინაშ გიმე რდჷ, მოგვიანეთ ვენეციაშ რესპუბლიკაშ აკოდგინალუას.
