ტრანსპორტი
ტრანსპორტი (ლათ. trans - მელე, დო portare - ნთირუა) — მეშქაშობეფიშ ართობურობა, ნამუეფიშ ნიშლობა ადამიერეფიშ, ოღალიშ დო ინფორმაციაშ ართი აბანშე მაჟირაშა გინოღალა რე. ოტრანსპორტე ინდუსტრია სუმ თარ კომპონენტო ირთუ: ინფრასტრუქტურათ, მანქანეფო დო მართუათ. ინფრასტრუქტურა იკათუანს ტრანსპორტიშო ოხვილური უყარუ კონსტრუქციეფს, თინეფს შქას ოავტომობილე რზეფს, რკინაშარეფს, ოჰეერე რზეფს, არხეფს, ოლინეფს ვარ-და ტერმინალეფს, მუჭომეფით რე აეროპორტეფი, რკინაშარაშ, ოავტომობილე დო ოზუღე დგჷმილეფი. მანქანეფი, ნამუეფით თე რშვილს ყარენს რე ავტომობილეფი, ავტობუსეფი, მახინწალეფი, ფურინჯეფი დო შხვა. მართუა იკათუანს თე მანქანეფიშ დო კონსტრუქციეფიშ ოპერირაფას დო თიწკჷმა მერსხილ პროცედურეფს, მუჭომეფით რე ფინანსირაფა, პოლიტიკა დო იურიდიული ნინალა.
გიშმართჷნა დიხაშჟინი, წყარიშ დო ოჰეერე ტრანსპორტის. დიხაშჟინი ტრანსპორტშა მიშმურს ორკინაშარე ტრანსპორტი, ოავტომობილე დო მილოლინე ტრანსპორტი, წყარიშ ტრანსპორტშა - ოზუღე დო ოწყარმალე, ოჰეერეშა - ოავიაციე ტრანსპორტი.
შანულობაშ მეჯინათ ტრანსპორტი ირთუ ოართე (ნამუთ ონინალჷ მახორობას), კერზო (დინოხოწარმე გინოღალეფი) დო პიჯული რგებულობაშ ტრანსპორტო.
ზოგადი ტერმინეფი
[რედაქტირაფა | წყუშ რედაქტირაფა]გინოღალეფი - ლოგისტიკა - მეშარე - ჯარალობური ტრანსპორტი - ოტრანსპორტრ მანქანეფაკოგაფა - ორზოლი - ორზოლრთაფა
ოტრანსპორტე ინფრასტრუქტურა
[რედაქტირაფა | წყუშ რედაქტირაფა]აეროდრომი - აეროპორტი - ავტომაგისტრალი - ავტოდგჷმილი - არხი - გაზოლინე - გვირაბი - ვაგზალი - წყარმალუ - ნაფთობოლინე - ნოშმიორინე - ონიშოლი - რკინაშარა - ტერმინალი - შოშე - ხინჯი
ოტრანსპორტე მეშქაშობეფი
[რედაქტირაფა | წყუშ რედაქტირაფა]- ოჰეერე ტრანსპორტი : ვერტფურინჯი, ფურინჯი, ხვამარდი
- წყარიშ ტრანსპორტი : გემი, კატარღა, კატერი, ნიში
- რკინაშარაშ ტრანსპორტი : მახინწალი, მეტრო, ტრამვაი
- ორზალე ტრანსპორტი : ავტობუსი, ავტომობილი, ველოსიპედი, მოტოციკლი, ორზოლე ავტომანქანა, ტაქსი, ტროლეიბუსი
- ოკაბელე ტრანსპორტი : ესკალატორი, ლიფტი, ფუნიკულიორი
გინოღალეფი
[რედაქტირაფა | წყუშ რედაქტირაფა]გინოღალეფი — ორზოლიშ ვარ-და მეშარეეფიშ გინოყარაფი შხვადოშხვა გვარობაშ ოტრანსპორტე მეშქაშობათ.
რე ორზოლი დო ომეშარე გინოღალეფი. თინა იხორციელებჷ რკინაშარაშ, ოავტომობილე, ოზუღე, ოწყარმალე, ოჰეერე, საოჭიო დო მილოლინე ტრანსპორტით. გინოღალას ოკათუ თაშნეშე ქიანაშ ართოიანი ოტრანსპორტე რშვილიშ ტერიტორიულ-ომეურნე ართულეფი, გიმეგუმნართეფი (რკინაშარაშ გუმნართეფი, ოწყარმალე, ონიშე, ოზუღე ონიშე, ომენოღალე ავიაციაშ ტერიტორიული ომართუალეეფი დო შხვა). შხვადოშხვა გვარობაშ გინოღალა რე.
- აბანური გინოღალა ართი ტერიტორიაშ ომეურნე გიმენგჷმნართიშ ფარგალეფს იხორცილებეუ (სამანგ.: რკინაშარაშ ართნერი გიმნართჷშა მიშმალი დგჷმილეფს შქას, ართ ონიშეშა მიშმალი დგჷმილეფს შქას დო შხვა).
- ბონი გინოღალეფს ოკათჷ მუსხირენი ტერიტორიულ-ომეურნე გიმეგუმნართი.
- ესვარილი გინოღალას ოკათჷ მუსხირენი ტერიტორიულ-ომეურნე გიმეგუმნაღთი დო შხვა გვარობაშ ტრანსპორტი.
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 2, ხს. 614, ქართი, 1977 წანა.