ფურინჯი

ვიკიპედია-შე
გეგნორთი: ნავიგაცია, გორუა
P-38 Lightning - ნაჟირალი ქვერქვენტიშ მაღვენჯი, ფიქსირაფილ-ფსუალეფამი კონფიგურაციათ.
ომაშარე (ომენოღალე) ფურინჯი ტუ-214
F-16 Fighting Falcon - ა.ა.შ.-იშ ფიქსირაფილ-ფსალეფამი ოურდუმე ფურინჯი
ჰელიოსი ფურინუაშ ფორჯის

ფურინჯი (მოჯვეშაფილი ჯოხოდვალა. (ჰ)აეროპლანი) თაშნეშე ოჰეერე ხვამალდიატმოსფეროს ოფურინალო დორხველური ჰეერშე მონკა ოფურჷნალი აპარატი, ნამუთ ჭყანიერი დჷნადგარიშ დო უყარუ ფსუაშ მოხვარათ აკმოქიმინუნს აეროდინამიურ ემაკინალ ჭყანას. გიშმართჷნა ოურდუმე (ოლჷმე ფურინჯეფი დო სპეციალური ავიაციაშ ფურინჯეფი) დო ომენოღალე ფურინჯეფს; ხრახნიანს დო რეაქტიულს; ბგერაშახიანს, ჟიბგერითის დო ჰიპერბგერითის; ოსქირონე დო ოხვამალდე ბაზირაფაშ, ჰიდროფურინჯეფს დო ფურინჯ-ამფიბიეფს.

თეხანური ფურინჯეფი დაჭყაფუს ეთმეჭოფჷნა ჯიმალეფი რაიტეფიშ გჷმოგონებაშე, ნამუეფით ავიაციაშ საირქიანო ფედერაციაშით აღიარაფილ რენა სტანდარტეფიშ დჷმადგინალო დო რეკორდეფიშ ემაჭოფალო ავიაციას, კინ მუ გჷმოგონაფა — „მაართა სტაბილურ დო კონტროლირებაფონ ჰეერშე მონკა ეიოჯუმალით ანჯარელ ფურინუათ.“[1] 1905 წანას თინეფიშ აკნაქიმინა Wright Flyer III-ქ შილებუ ედომუშამო კონტროლირებაფონი, სტაბილური ფურინუა ფორჯიშ შანულამი ხანგჷნძალათ. 1906 წანას უკვე აეროპლანიშ წარმება ლეგალურო გჷნართინეს ააშ-იშ პატენტით ნომერი 821,393.

ეტიმოლოგია[რედაქტირაფა | წყუშ რედაქტირაფა]

მაფურინე ობიექტეფიშ მაართა ჯოხოდვალაქ XIX ოშწანურას გორჩქინდჷ. ზიტყვა აეროპლანს უღუ ბერძენული წჷმოულობა ἀήρ (აერ), "ჰეერი"[2] და πλάνος (პლანოს), "ტანტალი".[3][4] თე ჟირი ანტიკური ბერძენული ზიტყვაშ ესვარუათ გიშმურს ἀερόπλανος (აეროპლანოს), მუთ "ჰეერს (ცას) ტანტალს" შანენს.[5] ინგლისის, ამერიკაშ აკოართაფილ შტატეფს, კანადას დო თაშნეშე მოსოფელიშ უმენტაშ ქიანას ოფურჷნალი აპარატეფიშ ეიოშინალო გჷმირინუაფუ ტერმინი "airplane".[6] დინნაჭარა "airplane" მაართათ 1907 წანას გჷმირინეს.[7]

ბჟაშ ენერგიაშა მოხანდე ფურინჯი[რედაქტირაფა | წყუშ რედაქტირაფა]

ბჟაშ ენერგიაშა მოხანდე ფურინჯეფი ენერგიას ღებულენა ფოტოელემენტიშე. 2010 წანაშ 8 კვირკვეს სოლარ იმპულსიშ ეკიპაჟი რდჷ მაართა, ნამუქჷთ ბჟაშ ენერგიაშა მოხანდე ფურინჯით სერით ფურინჷნ. [8]

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. François Benedetti (17 დეკემბერი, 2003). FAI News: 100 Years Ago, the Dream of Icarus Became Reality. დოარქივაფილი რე ორიგინალშე 13.01.2011-ს. კითხირიშ თარიღი: 20.05.2014.
  2. ἀήρ, Henry George Liddell, Robert Scott, A Greek-English Lexicon, on Perseus
  3. πλάνος, Henry George Liddell, Robert Scott, A Greek-English Lexicon, on Perseus
  4. aeroplane, Oxford Dictionaries
  5. ἀερόπλανος, Henry George Liddell, Robert Scott, A Greek-English Lexicon, on Perseus
  6. ლაურენს ჰარგრეივი was one of the aviators to use the term "aeroplane" from an early date. "Is the air ship found?" New York Times, 3 January 1892.
  7. Merriam-Webster's Online Dictionary Airplane word origin
  8. ბჟაშ ენერგიაშა მოხანდე ფურინჯიქ სერით ფურინჷ energymatters.com.au.