ნოღა
| შილა
|
|
|
ფესი (არაბ. فاس; ფრანგ. Fès) — სიკაბეტათ მაჟირა ნოღა მაროკოს, კასაბლანკაშ უკული, ფეს-მექნესიშ რეგიონიშ ნანანოღა. 2014 წანაშ მუნაჩემეფით, ნოღაშ მახორობა 1,112,072 ადამიერს აკმადგინანს.
ფესი, ყოფილი ნანანოღა, ართ-ართი რწ ქიანას რინელი ოთხი „იმპერიული ნოღაშე“, შხვა ნოღა რწ რაბატი, მარაქეში დო მექნესი. ნოღა იკათუანს სუმ გინორთელ რაიონს — ფეს-ელ-ბალის (ჯვეში, კიდალაგოდგუმი ნოღა), ფეს-ჯდიდის (ახალი ფესი) დო ფრანგეფიშით დუნარსხუა უახოლაშ ნორთის ახალ ნოღას (Ville Nouvelle).
ფეს-ელ-ბალი იუნესკოშ მოსოფელიშ მონძალაშ ძეგლეფიშ ერკებულშა რე მიშაღალირი. ფესის მადვალუ ალ-კარაუინიშ უნივერსიტეტიქ 859 წანას დირსხუ დო მოსოფელს უჯვეშაშ, ასეშა მოქიმინჯე უნივერსიტეტო მირვქინუაფუ. ნოღაშა შხირას ბჟადალიშ „მექა“ დო აფრიკაშ „ათენი“ უჯოხონა.
ვიკიოწკარუეს
? რე ხასჷლა თემაშენ:
