ბერბერეფი

ბერბერი-გეგია მაროკოს

ბერბერი ცირა ტრადიციული კოსტუმით, ალჟირი

ბერბერეფი (ბერბერ. ⵉⵎⴰⵣⵉⵖⵏ Imaziɣen) — კვიდრი ეთნიკური ბუნა ოორუე აფრიკას, ნილოსიშ ლეხერიშ ბჟადალშე. თინეფი გამწას ოროხანა ატლანტიშ ოკიანეშ წყარპიჯიშე ეგვიპტეს მადვალლუ სივაშ ოაზიშახ, სქირონაშქა ზუღაშე წყარმალუ ნიგერშახ. ისტორიულო, თინეფი ბერბერულ ნინაშა ვარდა თიში შხვაგვარობაშა რაგადანდეს, ნამუთ აფრაზიული ნინეფიშ ართ-ართი ჸა რე. ასეშო, ბერბერეფიშ დიდი ნორთი ბერბერულწკჷმა ართო არაბულ ნინაშა რაგადანა. კანკალე ქიანას, სამანგათ მაროკოს, ტუნისის დო ალჟირს ბერბერეფი გონათუას ფრანგულ ნინაშა ღებულენა. მაროკოს დო თიშით ოკუპირაფილ ბჟადალი საჰარას მახორუეფიშ გორკვიაფილ ნორთის თაშნეშე უჩქჷ ესპანური, ლიბიას — იტალიური. ევროპული ნინეფიშ თეჯგურა დგომარობა ბერბერული ოქიანუშ ევროპული ოკუპაციაშ დო კოლონიზაციაშ შედეგი რე. ასე, ბერბერულ ნინაშა მორაგადე კათეფიშ უდიდაში ნორთი მაროკოს დო ალჟირს ოხორანს, მორჩილი ნორთი — გოფაჩილი რე ტუნისის, ლიბიას, მავრიტანიას, მალის დო ნიგერს, თაშნეშე ევროპას არსებულ დიასპორეფს.

ბერბერი კათეფი

მიარემუდანამ ბერბერი კათეფს შქას, შილებე გეგშერთას მუსხირენი თარი ნორთიქ:

1. ამაცირგეფი —ოხორანა ოორეუ მაროკოს.
2. კათა შილუ — ოხორანა ობჟათე მაროკოს.
3. კაბილეფი — კათა ალჟირს (კაბილეფშე არძაშე ჩინებული რე ზინედინ ზიდანი).
4. შაუია — კათა ალჟირს, უმენტაშო ოხორანა ორესის (2 325 000 ადამიერი). თარი ნოღა — ბატნა. ჩინებული წჷმმარინაფალეფი — მასინისა, ალ-კაჰინა დო ლამინ ზერუალი — ალჟირიშ 4-ა პრეზიდენტი).
5. საჰარაშ ტიოზიშ ბერბერეფი, ნამუეფით ოხონა ტიოზის. თინეფშე არძაშე უმოსო ჩინებული რე: კათა ბენი-მეზაბი, ვარდა მოზაბიტეფი, ბერბერეფი, ნამუეფით ოხორანა ჰადამს, სოკნას (ფეცანიშ ხურგიწკჷმა), აუდშილას, სივას, კათა ტუარეგეფს.

ოდებელო დუთმოსქიდუ გუანჩეფიშ მერხველაფა ოკითხირე ბერბერეფშა, ნამუთ ნორთობურო ეშალაფირი რე, ნორთობურო ასიმილირაფილი რე კანარიშ კოკეფიშ ჯინჯიერ ესპანარ მახორობაწკჷმა.

რესურსეფი ინტერნეტის

• Amazigh/Berber Culture
• The New Mass Media and the Shaping of Amazigh Identity.
• Number Systems and Calendars of the Berber Populations of Grand Canary and Tenerife.
• Flags of the World -- Berbers/Imazighen.
• Imedyazen cultural association (in Berber).
• The Genographic Project: Maps ancient human movements via genetic markers Archived 2005-04-13 ვებ-ხასჷლას Wayback Machine.
• World Haplogroups Maps
• Culture Amazighe (Berbère) Archived 2021-02-25 ვებ-ხასჷლას Wayback Machine.

სქოლიო

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.