ხობწყარი (ქორთ. ხობისწყალი, ხობი) — წყარმალუ ბჟადალ საქორთუოს, ჩხოროწყუშ დო ხობიშ რაიონეფს. ოდუდეს ეჭოფუნს ეგრისიშ ქჷნდჷრს, მეურს კოლხეთიშ რზენს დო აკათუ უჩა ზუღას. წყარმალუშ სიგჷნძა რე 150 კილომეტრი, ღანჩოშ ფართობი — 1340 კვ. კმ. წყარიშ ოშქაშე ხარჯი რე 44 კუბ.მ/წმ (მიშაკათაფუშე 30 კმ-ს), მაქსიმალური — 333 კუბ.მ/წმ. წყარმალუ ირდუ ჭვემაშ წყარეფით, გიმირინუაფუ ოწყარალო. მუში თარი ნადუ რე წენწყარი (მარძგვანშე). ხობწყარს გერე ნოღა ხობი დო დაბა ჩხოროწყუ.
მაჟირა მოსოფელიშ ლჷმაშ პერიოდეფს ხობწყარიშ მიშაკათაფუწკჷმა კუნტახანურო დისლოცირებული რდჷ უჩა ზუღაშ ფლოტი. 2000-2005 წანეფს ხობწყარიშ მიშაკათაფუწკჷმა ოფუტე კულეშ ხოლოს ეგაფილქ იჸუ ნავთობტერმინალქ ტანკერეფშო.
