გიორგი მარგველაშვილი

ვიკიპედია ხასჷლაშე
გეგნორთი: ნავიგაცია, გორუა
გიორგი მარგველაშვილი
Standard of the President of Georgia.png
გიორგი მარგველაშვილი
საქორთუო
საქორთუოშ პრეზიდენტი
საქორთუო
თეჟამიანი პოსტი
დეკინჷ 17 გერგობათუთა 2013
პრემიერ-მინისტრი   ბიძინა ივანიშვილი
ირაკლი ღარიბაშვილი
წიმოხონი მიხეილ სააკაშვილი

პოსტის გერინაშ ბორჯი
25 გჷმათუთა 2012 – 18 კვირკვე 2013
პრეზიდენტი მიხეილ სააკაშვილი
პრემიერ-მინისტრი ბიძინა ივანიშვილი
ირაკლი ღარიბაშვილი
წიმოხონი ხატია დეკანოიძე
მონძე თამარ სანიკიძე

დუნაბადი 4 ეკენია, 1969 (1969-09-04) (ხანი 44)
ქართი
მენოღალობა საქორთუო
ერუანობა ქორთუ
სქუალეფი ანა მარგველაშვილი
განათება ქართიშ სახენწჷფო უნივერსიტეტი
პროფესია ფილოსოფოსი
რელიგია მართლმადიდებელი
ხეშმოჭარუა Margvelashvili Signature.svg

გიორგი მარგველაშვილი (დ. 4 ეკენია, 1969, ქართი) — საქორთუოშ პრეზიდენტი 2013 წანაშე. ქორთუ პოლიტიკოსი, ფილოსოფოსი.

ბიოგრაფია[რედაქტირაფა]

გიორგი მარგველაშვილქ დებადჷ ქართის, ინჟინერ თეიმურაზ მარგველაშვილიშ (დ. 1938) დო ფსიქოლოგ მზეანა გომელაურიშ (დ. 1933) ფანიას.

გათუ ქართიშ N1 საჯარო სკოლა. 1987-1992 წანეფს გურაფულენდჷ ივანე ჯავახიშვილიშ ჯოხონობაშ ქართიშ სახენწჷფო უნივერსიტეტის. 1993-1994 წანეფს გურაფულენდჷ ცენტრალური ევროპაშ უნივერსიტეტის (Central European University), დიპლომიშ უკულიან კურსის სოციოლოგიას (პრაღა, ჩეხეთი).[1] მუშენდჷ: 1992-1995 წანეფს ტურისტულ კომპანიას საგვალო ტურიზმიშ გიდო; [1]1994-1995 წანეფს „ბიზნეს დღიურებიშ“ მარკეტინგიშ დეპარტამენტიშ უნჩაშო; 1996-1997 წანეფს რდჷ ქართიშ ზოხორინელი უნივერსიტეტიშ ლექტორი ფილოსოფიას დო კულტურას.[2] 1995-2000 წანეფს ოერეფოშქაშე ურთიართალეფიშ ერუანულ დემოკრატიული ინსტიტუტიშ აბანობური ხემანჯღვერალაშ - პროგრამაშ კონსულტანტი. 1998 წანას მიაჩჷ დოქტორიშ ხარისხიქ ფილოსოფიას.

2000-2006 დო 2010-2012 წანეფს საქორთუოშ ოჯარალუ საქვარეფიშ ინსტიტუტიშ რექტორი რდჷ. 2006-2010 წანეფს საქორთუოშ ოჯარალუ საქვარეფიშ ინსტიტუტიშ ორკვიე დეპარტამენტიშ უნჩაში.[3]

პოლიტიკა[რედაქტირაფა]

პრეზიდენტ გიორგი მარგველაშვილიშ ინაუგურაცია, 2013 წანაშ გერგობათუთა

2011 წანაშე აქტიურო მიშელჷ პოლიტიკაშა. გჷშმეშჷ ბიძინა ივანიშვილიშ დო „ქორთული ოცნებაშ“ ალმარინჯეთ. ოპარლამენტე ეშაგორუეფს კოალიციაშ გომორძგუაშ უკული, 2012 წანაშ 25 გჷმათუთას დარინეს განათებაშ მინისტრო. 2013 წანაშ 11 მესის კოალიცია ქორთულ ოცნებაქ პრეზიდენტალაშ კანდიდატო წჷმარინუ[4]. ეშაგორუეფს კათინიშ გეშა გიორგი მარგველაშვილქ ქიდიტუ მინისტრიშ პოსტი 2013 წანაშ 18 კვირკვეს. 27 გჷმათუთაშ ოპრეზიდენტე ეშაგორუეფს თიქ ხონარეფიშ 62% ეჭოფჷ დო ეშაგორილქ იჸუ საქორთუოშ პრეზიდენტო.

დორხველი რინა[რედაქტირაფა]

ოდაბადური ქორთულიშ მოხ უჩქჷ ინგლისური დო რუსული.[5] მუში ჰობი რე ფელური დო ცხენენდობა. ჸუნს ოსურსქუა ანა, ნამუთ დაბადებული რე 1993 წანას დო გურაფულენს საქორთუოშ ოჯარალუ საქვარეფიშ ინსტიტუტის. მუში მაჸალე ოსური რე არტისტი დო ხანტუ მაკა ჩიჩუა.[6]

რესურსეფი ინტერნეტის[რედაქტირაფა]

სქოლიო[რედაქტირაფა]