ვიოლინო

ვიოლინო

ვიოლინო რე ხემამი-სიმეფამი მიოგამალი. თინა არძოშე ჭიჭე დოჭიფეხონარამიე ხემამი ინსტრუმენტეფც. აკმოდირთუ ოთხი სიმიშე. ვიოლინო უჯვეშაში მიოგამალიე. თინა დიდი ხანიშ აშაბანც ივითარებაფუაფუდ. ხვალე მა-17, მა-18 ოშწანურეფც ოეკონიეთ იჸონდინჷ ვიოლინოშ საუჯგუშო ართმურთეფქ. თე ბორჯის იტალიაშ ნოღეფც ბრეშას დო კრემონას ვიოლინოეფც ორთუდეს თიშნერი დიდორსანტეფი, მუნერეფით ორდეს: ამატი, სტრადივარიუსი, გვარნერი დო მაჯინი.თინეფიშით ღოლამირი მიოგამალეფი ამდღარშახ საუჯგუშოთიე მერჩქინელი ედომშამი საგებიოს.

ვიოლინოს 4 სიმი უღუ. თოთკაკალია სიმს მუში ჯოხო უღუ: სოლ, რე, ლა, მი.

ვიოლინო ზჷმათ შხვადოშხვანერიე: ჭიჭე ზჷმაშ ობაღანე ვიოლინო „გვერდიე“, „სუმი ნანთხალიე“, მა-18 ოშწანურას ორდჷ ძალამი ჭიჭე ვიოლინო,თის ჯოხოდ „პოშეტა“. თინა ქურთუკიშ ჯიბესჷთ ალენტირედჷ. საქორთუოს ვიოლინოქ მაართაშ მიშეღეს 1841 წანას. საქორთუოს ბრელი ჯოხოგოლაფირი მევიოლინე ჸუნც: ანდრია ყარაშვილი (პირველი ქორთუ მევიოლინე), ლუარსაბ იაშვილი, ლეო შიუკაშვილი დო თინეფიშ ენარდეფი:მარინე იაშვილი, ლიანა ისაკაძე დო შხვეფი.

ჯოხოშინელი (ვირტუოზი) მევიოლინეეფი

• არქანჯელო კორელი
• ანტონიო ვივალდი
• ჯუზეპე ტარტინი
• ჟან-მარი ლეკლერი
• ნიკოლო პაგანინი
• ლუდვიგ შპორი
• ლეონიდ კოგანი
• იაშა ხეფეცი
• ოლე ბული
• ალესანდრო როლა
• შლომო მინცი
• იცხაკ პერლმანი

ინტერესუანი ფაქტეფი

• XVII ოშწანურაშ 60–ამ წანეფც ქართალეფშო ვიოლინო უკვეჩინებული რდჷ, თე ინსტრუმენტის მუში ნახანდის ჟან შარდენი მითმიშინუანც.

ქოძირით თაშნეშე

• მევიოლინე