კალიგულა
| გაიუს იულიუს კეისარი ავგუსტუს გერმანიკუსი ლათ. Gaius Iulius Caesar Augustus Germanicus | ||
 კალიგულაშ რეკონსტრუირაფილი ბიუსტი | ||
 რომიშ 3-ა იმპერატორი | ||
|---|---|---|
| პოსტის გერინაშ ბორჯი | ||
| 18 მელახი, 37 წანა – 24 ღურთუთა, 41 წანა | ||
| წიმოხონი | ტიბერიუს იულიუს კეისარ ავგუსტუსი | |
| მონძე | ტიბერიუს კლავდიუს კეისარ ავგუსტუს გერმანიკუსი | |
| დუნაბადი | 31 მარაშინათუთა, 12 ანციუმი, რომიშ იმპერია | |
| ნაღურა | ღურთუთა 24, 41 (28 წანერი) რომი | |
| ნთხორუ აბანი | ავგუსტუსიშ მავზოლეუმი | |
| მუმა | გერმანიკუს იულიუს კეისარი კლავდიუსი | |
| ნანა | აგრიპინა უნჩაში | |
| ალმასქუ | 1) იულია კლავდილა (33—36) 2) ლივია ორესტილა (37—38) 3) ლილია პაულინა (38—39) 4) მილონია ცეზონია (39—41) | |
| სქუალეფი | იულია დრუზილა (ბოლო გურგინუაშე) | |
| რელიგია | ჯვეშრომაული რელიგია | |
კალიგულა, ნანდული ჯოხო — გაიუს იულიუს კეისარი ავგუსტუს გერმანიკუსი (GAIVS IVLIVS CAESAR AVGVSTVS GERMANICVS; დ. 31 მარაშინათუთა, 12 – ღ. 24 ღურთუთა, 41) — რომიშ 3-ა იმპერატორი 37-41 წანეფს. გაიუს იულიუს კეისარ გერმანიკუსიშ ჯოხოთ ბადებული კალიგულა მამართალეფიშ თი ფანიას ორხველუდჷ, ნამუსჷთ ასე იულიუს-კლავდიუსეფიშ დინასტიაშ ჯოხოთ მიშინუანა. თიში ბიოლოგიური მუმა რდჷ გერმანიკუსი, მარა თინა ბაბუშ ჯიმაქ, ტიბერიუსიქ ისქუალუ. მეტჯოხო „კალიგულა“ (შანენს „ჯარიშკოჩიშ ჩექმას“. ზიტყვა მოურს კალიგაშე, ოურდუმე ჩექმაშე) მუმალ იმპერატორს მუამუშიშ ჯარიშკოჩეფქ გიოდვეს, მუჟანსჷთ თინა გერმანიას მონწყილ კამპანიაშა წორო მეჸუნდჷნ.
მუჟანსჷთ გერმანიკუსიქ 19 წანას ანტიოქიას დოღურჷნ, თიშ ალმასქუქ, აგრიპინა უნჩაშიქ, ამშვ სქუაწკჷმა ართო რომშა მიდართჷ, სოდე თიქ ტიბერიუსის სააწმარენჯოთ ქეგუდირთ დო ინტრიგეფიშ რვილშა იჸუ მიშასხუნილქ. კონფლიქტიქ საბოლათ აგრპინაშ ფანიაშ მოჯალაგუათ გეთჷ. კალიგულა აკა ქომოლკოჩიქ გეგნოსქიდჷ. ოღურალე ინტრიგეფშე დუდაღებულქ 31 წანას ოჸია უგამჷ მეჭანაფას ქოკათაფუდკო იმპერატორს კოკი კაპრის, სოდე ტიბერიუსიქ ხუთი წანაშ კინოხ გინიხორჷნ. 37 წანას, ტიბერიუსიშ ღურაშ უკული, საიმპერატორე ხვისტაშა კალიგულაქ გეშართჷ.
41 წანაშ დაჭყაფუს, კალიგულა პრეტორიანალეფიშ გვარდიის ოფიცერეფიშ, სენატორეფიშ დო დოხორეშ კარიშ მოხელეეფიშით მონწყილ აკორაგადაფაშ შედეგო დოჸვილეს. აკორაგადაფილეფქ უშედეგეთ ეცადეს შანსიშ გჷორინაფა რესპუბლიკაშ კინე აკანწყუალო. კალიგულაშ ჸვილუაშ დღაშე პრეტორიანალეფქ თე ეკონიაშ ბიძია, კლავდიუსი, ახალ იმპერატორო გეგმაცხადეს.
| იულიუს-კლავდიუსეფიშ დინასტია | |
| იულიუს კეისარი | ოქტავიანე ავგუსტუსი | ტიბერიუსი | კალიგულა | კლავდიუსი | ნერონი | |
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |