ადრიანე

	პუბლიუს ელიუს ტრაიანუს ადრიანე; ლათ. Publius Aelius Traianus Hadrianus
	; ადრიანეშ ბიუსტი
რომიშ იმპერატორი
პოსტის გერინაშ ბორჯი
	11 მარაშინათუთა, 117 წანა – 10 კვირკვე, 138 წანა
წიმოხონი	ტრაიანე
მონძე	ანტონინუს პიუსი
ნაღურა	კვირკვე 10, 138 (62 წანერი); ბაია, იტალია
ნთხორუ აბანი	1. პოცუოლი; 2. დომიციაშ ბაღეფი; 3. ადრიანეშ მავზოლეუმი
მუმა	პუბლიუს ელიუს ადრიანუს აფრი
ნანა	დომიცია პაულინა
ალმასქუ	ვიბია საბინა
სქუალეფი	ლუციუს ელიუს კეისარი (სქუალაფირი); ანტონინუს პიუსი (სქუალაფირი)
რელიგია	ელინისტური რელიგია

პუბლიუს ელიუს ტრაიანუს ადრიანე (ლათ. Publius Aelius Traianus Hadrianus; დ. 24 ღურთუთა, 76 — ღ. 10 კვირკვე, 138) — რომიშ იმპერატორი 117-138 წანეფს, ანტონინუსეფიშ დინასტიაშ წჷმმარინაფალი. "ხუთი ჯგირი იმპერატორი"-შე ართ-ართი რე. ადრიანე შინელი რე რომიშ იმპერიაშ ომენოღალე დო ოურდუმე რეკონსტრუქციათ. თიქ ქიმიოტუ წიმოხონი ტრაიანეშ ექსპანსიური, ტერიტორიული გოფართინაფაშ პოლიტიკა მესოპოტამიას, ასურეთის, სომხეთის, დაკიას დო უმოსი შანულობა ქიმეჩჷ იმპერიაშ სანძღოეფიშ გამანგარებას დო იმპერიას მახორუ შხვადოშხვა კათეფიშ გოართოიანაფას.

ადრიანეშ პოლიტიკას რომიშ სენატი ავტორიტარულო თვალუნდჷ. სენატის ფშხირას უღუდჷ კონფლიქტი იმპერატორიწკჷმა.

ადრიანე შარალენდჷ იმპერიაშ მასშტაბით დო მუ პერსონალურო გინმოჭყვიდუნდჷ შხვადოშხვა პროექტეფიშ საქვარეფს. თიქ, რომიშ პროვინცია ბრიტანეთის ეიოგჷ ფორტიფიკაციეფი, ნამუეფსჷთ ადრიანეშ კიდას უძახუდეს. ადრიანეშ იმპერატორობაშ ბორჯის რეკონსტრუქცია უკეთეს რომიშ პანთეონს, ეიოგეს ვენერაშ დო რომაშ ოხვამე, გაახალეს ალექსანდრიაშ სერაპეუმი. ადრიანე ბერძენული კულტურაშ მოჸოროფე რდჷ. თიში ინიციატივათ ათენს ქიგედგეს ადრიანეშ თაღი. ადრიანეშ ბორჯის ათენქ მიპალუ რომიშ იმპერიაშ კულტურული ნანანოღაშ შანულობა.

იმპერატორობაშ ეკონია ბორჯის, ადრიანექ მოჯალაგუ ბარ-კოხბაშ არყება. 138 წანას ადრიანექ გისქუალუ ანტონინუს პიუსი დო ქჷმწარინუ თინა მუში მონძეთ.

ლიტერატურა[რედაქტირაფა | წყუშ რედაქტირაფა]

Everitt, Anthony (2009). Hadrian and the triumph of Rome. New York: Random House.
Henderson, Bernard W. (1923). Life and Principate of the Emperor Hadrian. London: Methuen.
Ish-Kishor, Sulamith (1935). Magnificent Hadrian: A Biography of Hadrian, Emperor of Rome. New York: Minton, Balch and Co.

ადრიანე ანტონინუსეფიშ დინასტია დებადჷ: 76 ღურჷ: 138
წიმოხონი: ტრაიანე	რომიშ იმპერატორი 117 –138	გეჸვენჯი: ანტონინუს პიუსი

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.