პესცენიუს ნიგერი

	პესცენიუს ნიგერი; ლათ. Pescennius Niger
	;
რომიშ იმპერიაშ უზურპატორი
პოსტის გერინაშ ბორჯი
	9 პირელი, 193 წანა – მესი, 194 წანა
წიმოხონი	დიდიუს იულიანუსი
მონძე	სეპტიმიუს სევერუსი
ნაღურა	194 (53-59 წანერი);
მუმა	ანიუს ფუსკუსი
ნანა	ლამპრიდია

გაიუს პესცენიუს ნიგერი (ლათ. Gaius Pescennius Niger; დ. დოხოლაფირო 135 — ღ. 194) — რომიშ იმპერიაშ უზურპატორი ხუთი იმპერატორიშ წანაშ პერიოდის, 193-194 წანეფს.

პესცენიუს ნიგერიქ ოურდუმე დო პოლიტიკური წჷმოძინას მიოჭირინუ იმპერატორი კომოდუსიშ მართუალაშ ბორჯის. პესცენიუსის უკინებუდჷ ადმინისტრაციული პოსტი ეგვიპტეს, უკულ მონაწილენდჷ ოურდუმე კამპანიეფს დაკიას. 180-იან წანეფს ნინალენდჷ კონსულო. 191 წანას გიშაგორილქ იჸუ სირიაშ ლეგატო. კომოდუსიშ იმპერატორობაშ ეკონია პერიოდის, პესცენიუს ნიგერიქ მიპალუ პოპულარობა რომიშ ბჟაეიოლი პროვინციეფს, თაშნეშე რომიშ ურბანული მახორობას.

კომოდუსიშ გეჸვენჯიშ, პერტინაქსიშ ღურაშ უკულ, იმპერატორიშ პოსტი აუქციონს ქიჸიდუ დინდარი სენატორქ დიდიუს იულიანუსიქ. 193 წანაშ აფუნს რომიშ აზიური პროვინციეფიშ ლეგიონეფქ იმპერატორო გეგმაცხადეს პესცენიუს ნიგერი. მალას სეპტიმიუს სევერუსიქ, ნამუთ იმპერატორობაშ არძაშე უმოსო ნძალიერი დო შანულამი პრეტენდენტი რდჷ, აკოშაყარუ ლეგიონეფი დო ქიდიჭყჷ ლჷმა პესცენიუს ნიგერიშ მეხჷ. 194 წანას, ისოსიშ ლჷმას, სევერუსიშ ლეგიონეფქ ორჯგინეს ნიგერიშ ნძალეფს. პესცენიუს ნიგერიქ ინტუ, მარა ოჭოფეს დო დუდი მეკვათეს. დოჸვილეს თაშნეშე, ნიგერიშ ალმასქუ დო სქუალეფი. თიში ქონებას კონფისკაცია გუკეთეს.

ლიტერატურა[რედაქტირაფა | წყუშ რედაქტირაფა]

ენციკლოპედია ბრიტანიკა

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.