კლიფი

ვიკიპედია ხასჷლაშე
გეგნორთი: ნავიგაცია, გორუა
აბრაზიული ფლატე, ირლანდია

კლიფი (ინგლ. cliff) — ზუღაშ რეღმეფიშ ქიმინჯალათ გოჭყაფილი აბრაზიული ქირქე, ნამუთ გჷმიხანტუ ზუღაშ დო ტობაშ ოძგალეეფს. გჷშმასხუნუნა აქტიურ დო ღურელ კლიფეფს. აქტიურიე თიშნერი კლიფი, ნამუთ წორობორჯულ ბორჯის წყარიშ რეღმეფიშ გოლინათ აკოცჷმას წისაფულენც, ოდო ღურელი კლიფი ალმახანური ბორჯის რეღმეფიშ გოლინაშ თუდო ვა რე.

კლიფი აფხვადუნა მიარე ქიანას, თინეფ შქას ირლანდიას, ნორვეგიას, ესპანეთის, ისლანდიას, უკრაინას, ააშ-ს დო შხვ. კლიფი ზუღაშ ოძგალეშე კირდეეფცალო რე ერხინილი დო სიმაღალას შხირას ოშულ მეტრას უმონს. სამანგათ: ევროპაშ კონტინენტის რინელი კლიფეფი სიმაღალას ოშქარო 200-300 მ-აშ მანგი რე. ოშინალიე ირლანდიას დვალირ ზუღაშ კლიფი — სლივ-ლიგი, ნამუშ კვათირი კირდეეფი ზუღაშ დონეშე 598 მ სიმაღალას რე. ნამთინეშა კლიფეფს ამადგჷ არქეოლოგიური ქილინჯეფით.

კლიფიშ სინონიმიე აბრაზიული ოკუჩხალე. თის უხურგანს აბრაზიული ტერასა — ბენჩი.

ქოძირით თაშნეშე[რედაქტირაფა]

რესურსეფი ინტერნეტის[რედაქტირაფა]