მოლდოვა

ვიკიპედია ხასჷლაშე
გეგნორთი: ნავიგაცია, გორუა
Flag of Moldova.svg Coat of arms of Moldova.svg
LocationMoldova.svg
მოლდოვა
ნანანოღა კიშინიოვი
უდიდაში ნოღა კიშინიოვი
ოფიციალური ნინეფი მოლდავური (რუმინული)
თარობა ოპარლამენტე რესპუბლიკა
პრეზიდენტი ნიკოლაე ტიმოფტი
პრ. მინისტრი იურიე ლეანკა
ფართობი 33,844 კმ²(139-ა)
მახორობა 4,128,047 (121-ა)
ვალუტა ლეუ (MDL)
ქიანაშ კოდი MDA
ოტელეფონე კოდი +373

მოლდოვა, ოფიციალურო მოლდოვაშ რესპუბლიკა — სახენწჷფო ბჟაეიოლ ევროპას, რუმინეთი დო უკრაინა შქას. ნანანოღა რე კიშინიოვი.

ჯოხოდვალა

  • ოფიციალური: მოლდოვაშ რესპუბლიკა.
  • ოდაბადური: Moldova; Republica Moldova.
  • ეტიმოლოგია: მოლდოვა ჯოხო მეძობელი რუმინეთიშ ართ-ართ უდიდაშ რეგიონს, ნამუქუთ ოეგებიეთ ჯოხო წყარმალშე მიღჷ. რე მოსაზრება, ნამდა თე წყარმალიშ ჯოხოდვალა ეინწყჷმუ მადანიშ (გერმანულო Molde) თი მიშნაკათეფეფით, ნამუთ თე წყარმალს მოუღუ.

გეოგრაფია

მოლდოვა იდვალუაფუ ობჟათე-ბჟაეიოლ ევროპას. ბჟაეიოლშე ომძღჷ უკრაინა, ბჟადალშე - რუმინეთი. ქიანაშ ფართობი რე 33.700 კვ.კმ. რუმინეთიწკჷმა მოლდოვაშ სანძღოეფი მეჸუნს წყარმალეფს - პრუტის დო დუნაის. ქიანაშ უმაღალაში კონკა რე დეალულ ბელენეშტი - 430 მ.

სახენწჷფო

  • სახენწჷფო სისტემა: გოვითარაფადი დემოკრატია.
  • სახენწჷფოშ მადუდე: პრეზიდენტი.
  • კანონიშდუმადვალუ ორგანო: ართპალატამი პარლამენტი (101 მაკათური).

ტერიტორიული მონწყილობა

მოლდოვაშ ადმინისტრაციულ-ტერიტორიული ართულეფი რე: 9 ოლქი (judetul), 1 ავტონომიური ტერიტორიული ართული (unitate teritoriala autonoma - გაგაუზია) და 1 ტერიტორიული ართული (unitate teritoriala - დნესტრიშპიჯეთი).

დემოგრაფია

  • მახორობა: 4.439.000 (2003), თენეფშე 64% მოლდოვარი, 14% უკრაინალი, 13% რუსი.
  • ოფიციალური ნინა - მოლდავური (რუმინული). შხვა ნინეფი - რუსული, უკრაინული, გაგაუზური.
  • რელიგია - მართლმადიდებლობა.
  • ნანანოღა: კიშინიოვი (772.000). შხვა დიდი ნოღეფი: ტირასპოლი (210 ვითოში), ბელცი (175 ვითოში), ტიგინა (145 ვითოში).

ეკონომიკა

მოლდოვას მოხუჯური კლიმატური პიჯალეფი რე, მუთ ირზენს ოფუტეშ მეურნებაშ გოვითარაფაშ საშუალებას. თეშენი ქიანაშ ექსპორტიშ უმეტაშ თია უკინებუ კვებაშ პროდუქტეფს, დარანას (ღვინს), ტექსტილს, თუთუმს. უღუ ჭიჭე მუდანობათ მინერალური რესურსეფი - ფოსფორიტი, თაბაშირი, კირქუა. ენერგომატარებელეფს - გაზის, ნავთობის დო ქუანოშქერს უმოსო რუსეთიშე ღებულენს. მოლდოვაშ ვალუტა რე მოლდოვური ლეი (MDL).

უხოლაში ისტორია

1991 წანას მოლდოვაქ გაგმაცხადჷ ზოხორინელობა, მუსუთ მაჸუნუ სეპარატისტული ყარაფეფიშ გააქტიურებაქ ქიანაშ შხვადოშხვა რეგიონეფს. თიმ წანას დნესტრიშპიჯეთიშ სლავურ მახორობაქ გაგჷმაცხადჷ დნესტრიშპიჯეთიშ მოლდოვური რესპუბლიკა, ნამუშ სტატუსშეთ ამდღა ხოლო მეურს მორაგადაფეფი. 1994 წანას მოლდოვაშ პარლამენტიქ ქიმიღჷ კანონი გაგაუზიაშ ტერიტორიული ავტონომიაშე.

LocationEurope.png

ევროპაშ ქიანეფი

ავსტრია · აზერბაიჯანი · ალბანეთი · ანდორა · ბელარუსი · ბელგია · ბოსნია დო ჰერცოგოვინა · ბულგარეთი · გერმანია · დანია · გოართოიანაფილი ომაფე · ესპანეთი · ესტონეთი · ვატიკანი · თურქეთი · ირლანდია · ისლანდია · იტალია · კვიპროსი · ლატვია · ლიტვა · ლიხტენშტაინი · ლუქსემბურგი · მაკედონია · მალტა · მოლდოვა · მონაკო · ნიდერლანდეფი · ნორვეგია · პოლონეთი · პორტუგალია · რუმინეთი · რუსეთი · საბერძნეთი · სან მარინო · საფრანგეთი · საქორთუო · სერბეთი · მონტენეგრო · სლოვაკეთი · სლოვენია · სომხეთი · უკრაინა · უნგრეთი · ფინეთი · შვეიცარია · შვედეთი · ჩეხეთი · ხორვატია ·

რედაქტირება