აარონ კლუგი
| აარონ კლუგი | |
| ინგლ. Aaron Klug | |
 აარონ კლუგი 1979 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 20, 2018 (92 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
პიტერჰაუსი |
| ალმა-მატერი: |
ვიტვატერსრანდიშ უნივერსიტეტი |
| ომენცარე ხემანჯღვერი: | |
| ჯილდოეფი დო პრემიეფი: |
ომაფე ჯარალუაშ მაკათური (1969) |
.svg){kind=small}
სერ აარონ კლუგი (ინგლ. Sir Aaron Klug; დ. 11 მარაშინათუთა, 1926, ჟელვა, ლიეტუვა — ღ. 20 გერგობათუთა, 2018, კემბრიჯი, ინგლისი) — ლიეტუვას დაბადებული ინგლისარი ბიოფიზიკოსი დო ქიმიკოსი, კრისტალოგრაფიულ-ელექტრონული მიკროსკოპიაშ გოვითარაფაშ დო ნუკლეინიშ ბჟე-ცილური კომპლექსიშ სტრუქტურაშ რკვიებაშ გეშა გინოჩეს ნობელიშ პრემია ქიმიაშ დარგის 1982 წანას.
ბიოგრაფია
[რედაქტირაფა | წყუშ რედაქტირაფა]აარონ კლუგიქ დებადჷ 1926 წანაშ 11 მარაშინათუთას, ლიეტუვაშ ნოღა ჟელვას, ურიეფიშ ფანიას. კლუგეეფიშ ფანიაქ 1928 წანას ოცხოვრებშა ობჟათე აფრიკაშ რესპუბლიკაშა გეგნორთჷ. აარონი გურაფულენდჷ დურბანიშ სკოლას. აარონქ ჸათე პერიოდის წეკითხჷ ამერიკალი მიკრობიოლოგიშ პოლ დე კრაიფიშ წინგი Microbe Hunters დო ბაღანობაშე მიკრობიოლოგიათ დეინტერესჷ. მალას მიკრობიოლოგიაშ გურაფა ქიდიჭყჷ, მარა უკულ მიოტუ დო ფიზიკაშ დო მათემატიკაშ გურაფაშა გინილჷ. აარონ კლუგიქ ვიტვატერსრანდიშ უნივერსიტეტის მიპალუ მენცარობაშ ბაკალავრიშ ხარისხი. უკულ გურაფა გაგინძორჷ კეიპტაუნიშ უნივერსიტეტის, სოდეთ მიპალუ მენცარობაშ მაგისტრიშ ხარისხი ფიზიკას. კეიპტაუნიშ უნივერსიტეტიშ უკულ აარონ კლუგიქ გურაფა გაგინძორჷ ბრიტანეთის, კემბრიჯიშ ტრინიტი-კოლეჯის, სოდეთ თხილუ ოდოქტორე დისერტაცია 1953 წანას. გურაფაშ თებაშ უკულ კლუგიქ მუშობა ქიდიჭყჷ ბირკბეკიშ კოლეჯის, სოდეთ მუშენდჷ კრისტალოგრაფიშ ჯონ დესმონდ ბერნალიშ ლაბორატორიას, შინელი ვირუსოლოგი როზალინდ ფრანკლინიწკჷმა. 1962 წანას კლუგიქ ომუშებშა გეგნორთჷ მოლეკულური ბიოლოგიაშ ლაბორატორიაშა. ჸათაქ კლუგიქ გიმირინუ რენტგენოსტრუქტურული ანალიზიშ, მიკროსკოპიაშ დო სტრუქტურული მოდელირაფაშ მეთოდეფი კრისტალოგრაფიულ-ელექტრონული მიკროსკოპიაშ გოვითარაფაშო. 1962 წანას კლუგიქ ომუშებშა გინილჷ კემბრიჯიშ პიტერჰაუსიშ კოლეჯიშა. 1986-1996 წანეფს აარონ კლუგი რდჷ მოლეკულური ბიოლოგიაშ ლაბორატორიაშ დირექტორი, კემბრიჯის. ართ პერიოდის კლუგი მუშენდჷ სკრიპსიშ რკვიებეფიშ ინსტიტუტის ხოლო. კლუგი რდჷ შხვადოშხვა ჯილდოეფიშ დო პრემიეფიშ ლაურეატი. 1969 წანაშე კლუგი რდჷ ლონდონიშ ომაფე ჯარალუაშ მაკათური, 1984 წანაშე ამერიკაშ მენცარობეფიშ აკადემიაშ მაკათური, 1995-2000 წანეფს რდჷ ლონდონიშ ომაფე ჯარალუაშ პრეზიდენტი. 1981 წანას კოლუმბიაშ უნივერსიტეტიქ კლუგის გეგნოჩჷ ლუიზა გროს-ჰორვიციშ პრემია. 2005 წანას ობჟათე აფრიკაშ რესპუბლიკაშ პრეზიდენტიქ კლუგის გინოჩუ პრესტიჟული მაპუნგუბვეშ ორდენი. 1982 წანას კლუგიქ მიპალუ ნობელიშ პრემია, 1985 წანას კოპლიშ მენდალი. 1988 წანას გინოჩეს რაინდიშ ტიტული. აარონ კლუგიშ ჯოხონობაშ რე სტრუქტურული ბიოლოგიაშ ცენტრი ბენ-გურიონიშ ჯოხონობაშ უნივერსიტეტის, ისრაელს. აარონ კლუგიქ ღურუ 2018 წანაშ 20 გერგობათუთას, კემბრიჯის, 92 წანერქ.
ლიტერატურა
[რედაქტირაფა | წყუშ რედაქტირაფა]- Shafrir, E. (1994). "Aaron Klug—a pioneer of crystallographic electron microscopy". Israel Journal of Medical Sciences. 30 (9): 734. PMID 8088991.
რესურსეფი ინტერნეტის
[რედაქტირაფა | წყუშ რედაქტირაფა]
- Aaron Klug tells his life story at Web of Stories
- Aaron Klug interviews with Harry Kroto
- Aaron Klug article by Bob Weintraub
- Aaron Klug interviewed by Alan Macfarlane 11 December 2007 (video)
- Listen to an oral history interview with Aaron Klug – a life story interview recorded for National Life Stories Archived 2014-04-25 ვებ-ხასჷლას Wayback Machine. at the British Library
- ხასჷლეფი, ნამუეფჷთ გჷმირინუანა დუბლიკატ არგუმენტეფს თანგეფიშ გიშაძახებაშო
- დუნაბადი 1926
- დუნაბადი 11 მარაშინათუთა
- ნაღურა 2018
- ნაღურა 20 გერგობათუთა
- ღურელი კათა
- ინგლისარეფი
- ინგლისარი ქიმიკოსეფი
- ინგლისარი ბიოფიზიკოსეფი
- ნობელიშ პრემიაშ ლაურეატეფი
- ნობელიშ პრემიაშ ლაურეატეფი ქიმიაშ დარგის
- ინგლისარი ნობელიშ პრემიაშ ლაურეატეფი
- ხასჷლეფი PMID-შ ჯადური რსხილეფით