დინორეშა გინულა

აბედათი

ვიკიპედიაშე
აბედათი
აბედათი
ქიანა საქორთუო
აკანი სამარგალო-ჟიმოლენი შონე
მუნიციპალიტეტი მარტვილიშ მუნიციპალიტეტი
ზუღაშ დონეშე 130
მახორობა 541 კოჩი (2014)

აბედათიოფუტე საქორთუოს, სამარგალო-ჟიმოლენი შონეშ აკანიშ მარტვილიშ მუნიციპალიტეტის, წყარმალუ აბაშაშ მარძგვან ოძგაშე, ზუღაშ დონეშე 130 მეტრა, მარტვილიშე 7 კმ. 2014 წანაშ ეჭარუაშ მუნაჩემეფით ოფუტეს ოხორანს 541 კოჩი. ოფუტეშ ჯვეში ჯოხოდვალა რე ჯოლო აბედათი.

ისტორიული არდგილეფი დო ტოპონიმეფი[რედაქტირაფა | წყუშ რედაქტირაფა]

  • ანჯაფარიაშ ნადოხორუ.
  • არგვანი (ლაგვანიშ დინარღვაფალ) - არდგილი.
  • აღუნური (ათე ბინეხიშ ჯიში ეჭარილი ვარე).
  • ბაირაღი - არდგილი რე, სოდეთ პატონსკუალეფიშ შილა გენოდგვედჷ, ათე დროშა უტუ მიქაშ ჯარს დუჭუ დო არყებული კათაშ (შილა-ბაირაღი) ქიგუდგჷმუნა.
  • ბაკურონი - არდგილი.
  • ბამბე - წყარი.
  • ბახვაში - ნოხორი არდგილი.
  • ბიჭინიაშ - ნადოხორუ არდგილი.
  • ბოგვერა - ოდიარე ჩანარიე.
  • ბჟერი გვალა - ჯვეშო ათე არდგილს რგვალი ქუა ჸოფედჷ, ათე ქუას ბჟა ჸოფედჷ ეშაკვათილი, ქირსიანეფს ათე ქუა აკურღვაფუნა (გუტახუნა), ათეშენ ჯოხო ბჟერი.
  • განგიაში - ტყა.
  • განთიადი - არდგილი, (კომუნისტეფიშ კანტორა).
  • გუგუჩია, ურკუზია გუძუბა - არდგილი.
  • გუგური - ენდემური ბინეხიშ ჯიში.
  • გუმარა ღე (გუმარამ ღალუ).
  • დადიაში ნაბზითუ, არდგილი.
  • გუქიტიაშ ნოხორი არდგილი.
  • დადიაშ ნადოხორუ არდგილი.
  • დერეჟანიშ გინართუ (შარაშე გინართუ) - არდგილი.
  • დიეკი - პატონსკუალეფს უღუდეს კოჩიშ ოწამებელი.
  • დინოხონი ჭაე.
  • დობერა.
  • დუტუში ნოხორი - არდგილი.
  • ენწერი ჸვანაშ - არდგილი.
  • ვებაში — ათაქ ჸოფედჷ ჯოღორეფიშ დარინალი.
  • ზანდური (ნაობინეხუ) ზანდური ათე ჯიში ენდემური რე.
  • იზდორეთი
  • კაეგიძე (ხუჯგინძე) - არდგ.
  • კაკუნო (კაკუნაშ ნაჸვანუ) - არდგილი.
  • კოზმახე (კოზმაშ გვარიშ ოსურიშ ნოხორი) - არდგილი.
  • კარტოზიაშ ნოხორი - არდგილი.
  • კუკიაჭაე (კუკიაშ ჭალე) - ხოლო მაჟიარე ათეცალ ჯოხოთ.
  • კუკუ ცური, კურკუზია ნაოხვამუ ჸოფედჷ ათაქ.
  • კურთაშ ბორკი (ოჸვანე) - არდგილი.
  • მარსიი ბეგი.
  • მასიათი.
  • მეიაგური - არდგილი.
  • მეინჯი (ფერდა არდგილი სოდეთ (ჯიმუმ, ძაღე) წყარ გითმურს
  • მესარონი (მირთაშ ოხვამერი)არდგილი.
  • მესხეფიში ნოხორი არდგილი.
  • მეშქანი (ოშაყარეში) ათაქ იშაყარუდეს არყებული ყაზახეფი.
  • მიკოტატაჩერი (მოწიმინდელი-მოხვახვალერ ) არდგილი.
  • ნადოხორუ (ათე ტოპონიმი ართდიხას ხოლო აბხვადუნა).
  • ნადუქანუ - არდგ.
  • ნაკაზარმუ - არდგ.
  • ნაკუ (კულაკეფიშ) არდგ.
  • ნამარანუ (ათეჯგუა აკაბუცხა ტოპონიმეფი ხოლო სუმი რე)
  • ნანდუ (დემეფიშ ნოხორი) არდგ.
  • ნანიაჭვირი, არდგ.
  • ნანწყვი (ათე არგილს ღორონთიშე ჭყელ ფანია ქინოჸუნაფუ).
  • ნაოხვამუ (ოხვამე რდჷ).
  • ნაოხვამუ გა.
  • ნააპუ (პაპაშ ნოხორი) არდგ.
  • ნარონი (გინარინა არდგილი ათე ტოპონიმი ართდიხას ხოლო აფხვადუნა)
  • ნაროუ არდგ.
  • ნარსიაშ სუკი.
  • ნატებერა (ათაქ ჸოფედჷ ჭყონიშ დო წიფურიშ ტყა).
  • ნატებუ (ოდიარე არდგილი).
  • ნაფაცხუ არდგ.
  • ნაქეროუ (ათაქ მოჸუნდეს ქერი)
  • ნაქვიშა არდგ.
  • ნაქობალუ (ქობალიშ )საჸვანე არდგ.
  • ნაღუმუ (ათაქ მოჸუნდეს ღუმუშ ღუმუ) არდგ.
  • ნაჩიაჩუ ჩილაჩებიშ გვარიშ არდგ.
  • ნაცხა (გინოჭვილი) არდგ.
  • ნაჯოგუ (ჯოგიშ) ოდიარე არდგილი.
  • ნახარდანუ - არდგილი
  • ნაჭკადური (ჭკადუშ არდგილი).
  • ნაჭკიდუ არდგილი.
  • ნაჭკირა (ოხონალო მოხაზირენბული) არდგილი.
  • ნეძიჯინჯი (ათაქ ოფედუ ნეძიშ ჯინჯი).
  • ნოჯიხევი (ნათურქუ) არდგილი.
  • ნოჭკადენი არდგილი.
  • უღონა (ლუღონა) არდგილი.
  • ოკაცე (აკაციაშ ტყა) არდგილი.
  • ობერგუი (ბერგით ოხანდალ) არდგილი.
  • ობიშხიაშ კარი.
  • ოთიფური (ამდღა ჸვანათ უძუნა).
  • ომუნჩქვეთი.
  • ოფირწეში.
  • ოჯაპე ტყა.
  • ოჯარეში არდგილი
  • ოჭანდარე - ტყა.
  • ოხონაი (ოხონალი) არდგილი.
  • პატონსკუაშ ტყა.
  • პატონსკუაშ გა.
  • რეგა - არდგილი
  • როდაში ნაჯუდუ (ნოხორი) - ოჸვანე.
  • როკონა (ჭუბურიშ როკამ არდგილი).
  • საანგურო (ათაქ ორდჷ ანგურაშ ქარხანა).
  • საკირე (ოკირე) ჯვეში ოკირე არდგილი
  • სასერო (სერიშ გატახალ არგილი ფერცულობას, მარაშინას დო ელიობას). დღახუეფს უჩქჷდეს შაყარუა (აკოკათუა, ჯვეშით არგუსოს ფერცულობა, ივანობას ელიობა უჩქჷდეს), სერიშ ტახუა, ჯარალუა დო ბურთუა უჩქჷდეს.
  • სიანდური (ჯგირ ოჸვანე) არდგილი.

ლიტერატურა[რედაქტირაფა | წყუშ რედაქტირაფა]

  • სამეგრელოს ტოპონიმიკური ატლასი, გივი ელიავა, გამომცემლობა არტანუჯი, თბილისი, 2022 წელი