მარტვილი

ვიკიპედია-შე
Jump to navigation Jump to search
ნოღა
მარტვილი
ჭყონდიდიშ ოხვამე
ჭყონდიდიშ ოხვამე
ქიანა საქორთუოშ შილა საქორთუო
რეგიონი სამარგალო-ჟიმოლენი შონეშ აკანი
მუნიციპალიტეტი მარტვილიშ მუნიციპალიტეტი
კოორდ. 42°24′50″ ოორ. გ. 42°22′40″ ელ. გ. / 
ნოღა 1964  წანაშე
ფართობი 16,85 კმ²
მახორობა 4425[1] კოჩი (2014)
ერუანული
აკოდგინალუა
99,6 % ქორთუეფი
ბორჯიშ ორტყაფუ UTC+4
ტელ. კოდი +995 418[2]
ოფოსტე ინდექსი 3100[3]

GEO-SZS-MRT.svg

Locator Dot2.gif
მარტვილი

მარტვილი ორენი სამარგალო-ჟიმოლენი შონეშ აკანი

Locator Dot2.gif
მარტვილი

მარტვილი თაშნეშე გეგეჭკორი (ქორთ. მარტვილი) — ნოღა საქორთუოს, სამარგალო-ჟიმოლენი შონეშ აკანს, მარტვილიშ მუნიციპალიტეტიშ ადმინისტრაციული ცენტრი. გეგაფილი რე ოდიშიშ რზენს, ინჩხია-ღალიშ კვარჩხანი პიჯის. ზუღაშ ეშე 170 მ. 1936 წანას გიოდვეს გეგეჭკორი, რევოლუციონერ საშა გეგეჭკორიშ ჯოხოშ მაშინალო, ნამუთ 1990 წანაშახ ჯოხოდჷნ. 4,425 მახორუ (2014 წ.; 99.6 % ქორთუ). ზუგიდიშახ მეუძუ 80 კმ ქართიშახ – 279 კმ უხოლაში ონიშოლი – ფუთი (70 კმ), უხოლაში რკინაშარაშ გიოდგინუ – აბაშა (33 კმ), უხოლაში აეროპორტი – კოპიტნარი (ქუთეში; 40 კმ).

ნოღა მარტვილიშ ჯოხოდვალათ მაართათ მოშინელი რე XVII ოშწანურაშ 40-აიანი წანეფშე. მუში ჯვეში კოლხური ჯოხო რე ჭყონდიდი, ნამუთ მოურს ნოღაშ გოხოლუა სუკის, I ო.-ს ქირსეშ მოჩქვაფილი ანდრია პირველწოდებულიშ ხეთ ჭყონიშ ჯალეფით ეგაფილი ოხვამეშენინ, სოდეთ ამდღანერი მარტვილიშ ოხიდა რენ. ეიშახ ექ გინოდგვე კაპუნია. ამდღანერი ოხვამე დოკიდილი რე VII ოშწანურაშ I გვერდის, მარტვილეფიშ (ბერძნულოთ: წამებური) ჯოხონობაშა. IX-X ოშწანურეფს ქიდარცხუეს ჭყონდიდიშ ეპარქია, კათედრალით მარტვილს. X ოშწანურას აფხაზეთიშ მაფა გიორგი II-ქ ოხვამე გაახალუ: ქოგეუძინეს გალენი კიდალეფი დო ახალაშოთ დოკიდეს გუმბათიშ ჸალი ხოლო.

ირიშენ ჩინებური ჭყონდიდური ეპისკოპოსი რდჷ გიორგი ჭყონდიდელ-მწიგნობართუხუცესი (XI-XII ოო.).

ამდღა მარტვილი ჭყონდიდიშ ეპარქიაშ ცენტრი დო მიტროპოლიტიშ რეზიდენცია რე.

სქოლიო[რედაქტირაფა | წყუშ რედაქტირაფა]

  1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.
  2. საქორთუოშ ოტელეფონე კოდეფი — „სილქნეტი“
  3. საქორთუოშ ოფოსტე ინდექსეფი — „საქართველოს ფოსტა“


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.