აბუ ჰამიდ ალ-ღაზალი

ვიკიპედია-შე
გეგნორთი: ნავიგაცია, გორუა
ალ-ღაზალი

აბუ ჰამიდ მუჰამად იბნ მუჰამად ალ-ღაზალი (არაბ. ابو حامد محمد بن محمد الغزالى;‎‎ დ. 1058, ტუსი, ირანი — ღ. 19 ქირსეთუთა 1111, ტუსი) — არაბულნინამი თეოლოგი დო ფილოსოფოსი. სუფიზმიშ უდიდაში წჷმმარინაფალი დო თეორეტიკოსი. წჷმოულობათ სპარსალი. გონათუა ნიშაბურს დო ბაღდადის მიღჷ. მუსლიმანური სამართალიშ მარწაფალი რდჷ. თიშ თხობელუეფს შქას შანულამი რე „ფილოსოფოსეფიშ ვაწოროგეჸვენჯობა“, „ფილოსოფოსეფიშ დებულებეფი“, „რელიგიაშ მენცარობეფიშ გოთელარაფა“. ალ-ღაზალს მიოჩქუდჷ, ნამჷ-და ღორონთი — დაჭყაფუ რეალურო არსებული ჭეშმარიტება რე დო თიშა მეჭირინაფა ასკეტიზმიშ შარათ გჷმოწიმინდელი ადამიერიშო შილებე ინტუიციაშ მეშქაშობათ. თინა ანტკიცენს, ნამჷ-და მოლინეფს შქას უციო ბაძაძშედეგობური რსხუ ვა არსებენს, მარა მალამუსენდჷ, ნამჷ-და გონით წოროულუობაშო ჟიგემარენჯი ინტუიციათ ვადიხაშურ მოლინეფიშ ურთიართობაშ აღქმა ხოლო მიხერხებუაფჷ. ალ-ღაზალიშ იდეეფქ გოლინა იღვენუ შხვადოშხვა მუსლიმანურ ფილოსოფიაშა, შქა ოშწანურეფიშ ურიულ ფილოსოფიაშა დო ევროპულ მისტიკურ გურაფეფშა.

ალ-ღაზალიშ თეიზმიშ სააწმარენჯოთ გიშმეშჷ არაბი მოარზოვე იბნ რუშდი. ბჟაეიოლური მისტიციზმიშ, სუფიზმიშ მეშქაშობათ ალ-ღაზალიქ გოახალჷ დო გამანგარჷ ისლამიშ ორთოდოქსალური მონძღვარობა, თეშ გეშა თინა ჩინებული რე „რელიგიაშ გჷმათელარაფალი“, „მაჟირა მაჰმად წიმიმორაგადე“.

ლიტერატურა[რედაქტირაფა | წყუშ რედაქტირაფა]

  • კილაძე ნ., ქორთული სხუნუეფიშ ენციკლოპედია, ტ. 10, ხს. 581, ქართი, 1986 წანა.
  • კილაძე ნ., ალ-ღაზალი და მისი „თაჰაფუთ ალ-ფალასიფა“. თბ., 1970.
  • Петрушевский И. П., Ислам в Иране в 7—15 вв., Л., 1966;
  • Wensinck A. J., La pensée de Ghazãli, P., 1940;
  • Smith М. М., Al-Ghazālī, the Mystic..., L., 1945;