ავგეა

ვიკიპედია-შე
Jump to navigation Jump to search


ავგეა (ვარდა ავგიასი, ბერძენ. Αυγείας, δ) — ელიდაშ მაფა, ჰელიოსიშ (შხვა ვერსიეფით პოსეიდონიშ) ბოში, არგონავტეფიშ ლაშქუაშ მაკათური.

ავგეაქ მუმაშე მონძალუათ ქვერსემი ჯოგი დო რემა მიღჷ, ნამუეფსჷთ ოჩხოულეს დო თაულეფს მილურედჷ. ავგიასიშ ოჩხოულეეფი დო თაულეფი 30 წანას მითინს ვაუწიმიდჷ, ათეშ გურშენ აკოშაყარელი ქიანაში წვირეშ გურშენ ედომუშამი პელეპონესი მბელაფირი რდჷ. ერესთევსიშ დავალებათ ჰერაკლეს ურთულაში დავალება ოკო ურსულებუკო - თაულეფი ოკო უწიმინდუდკო. ჰერაკლექ ავგეას დეპიჯჷ, ნამდა ართ დღაშა გოწიმინდანდჷ თაულეფს, მანგიორო მაფას ჯოგეფიშ დო რემეფიშ ნავითალი ოკო მეუჩამუდკო. ჰერაკლექ იოლაოსი მიხვარუ, თაულეფს კიდალეფი აკურღჷ დო წყარმალუეფი ალფეოსი დო პენეოსი მიაშქჷ. აკოსერუაშა გერგეზიქ დავალება შიარსულჷ, მარა ავგეაქ პიჯალა ვაშიარსულჷ დო ჰერაკლე ხეცარიელო გოუტუ. ათენა რდჷ ჰერაკლეშ მაამშვა გერგეზალა, მორო ევრისთევსიქ თინა ვაუკოროცხჷ, შარი მიკუდჷ იოლაოსიშ მოხვარებაშენ დო ავგეაშო ნასარჯელუშ გუმონძალუაშ ცადებაშო.

ევრისთევსიშე დუდიშ დორსხაშ უკული ჰერაკლექ ავგეას ანჯუა ვააპატიუ, ელიდაშა გენშიჭკირჷ დო კონწარე ლჷმაში უკული საგანით დოჸვილ ავგეა, თიში ბოშეფი ხოლო გეშაჭყვიდჷ.

გჷმოთქუალა „ავგეაშ თაულეფი” ათე მითიშე მოურს დო მანგარო დამონკებულ აკანს დო ძნელო გიშათინალი, აკოფაჩილი საქვარეფს შანენს.

ლიტერატურა[რედაქტირაფა | წყუშ რედაქტირაფა]

  • უნივერსალური ენციკლოპედიური მაჩნე, გიშმაშქუმალარა „აი ია”, ტ.2, ქარ, 2008 წ.