ჰესპერიდეფი

ვიკიპედიაშე
ჰესპერიდეფიშ ბაღი

ჰესპერიდეფი — უძგალაში ბჟადალს მახორუ ფშვენიერი ცირასქუალეფი, ნამუეფით ჰესპერიდეფიშ ბაღის ორქოშ უშქურეფს ყარულენა. ათე ორქოშ უშქურეფი მუთუნ დროს დიარას გეაქ აჩუქჷ ჰერას, თიქ ხოლო ათე ბაღშა მიდაჯღონჷ დო ყარულებო მეურჩქინჷ უდურულაფჷ ორჩხოლი ლადონა. თექი რენა მეჰამაფილი ნიმფეფი - ჰესპერიდეფი - ერებოსიშ (წკვარამიშ), ნიქსიშ ანუ სერიშ, ფორკოსიშ დო კეტოშ, ატლანტიშ დო ჰესპერიაშ (ჰესპერიდიშ), წუხუაშ მურიცხი ჰესპეროსიშ ვარდა ზევსიშ დო ჰერაშ ცირეფი. ათე ნიმფეფიშ რიცხვი სუმიშე შკვითშა ითირუ. თინეფს ჯოხონა ჰესტია, ეგალა (აიგლა), არეთუსა, ერითეა, ჰესპერია… ჯვეში ავტორეფი თინეფს დიხაუჩაშ უძგალაში ბჟადალი ძგოპის ოხორუანა, უკული შინანა ლიბიას, მავრიტანიას, ატლანტიშ ოკიანეშ კოკეფიშ ბუნას. ჰესიოდეშ ჩინებათ თინეფს ფშვენიერი ბაღი ოკიანეშ მელე რე. უშქურეფს ყარულენა ატლანტაშ დო თიშ ჯიმასქუა ჰესპერისიშ ცირეფი დო დრაკონი.

ლიტერატურა[რედაქტირაფა | წყუშ რედაქტირაფა]

  • აკაკი გელოვანი, მითოლოგიური ლერსიკონი, ხას. 606, „სხუნუეფიშ საქორთუო“, ქარ., 1983
ვიკიოწკარუეს? რე ხასჷლა თემაშენ: