ლერნეშ ჰიდრა

ჰერაკლე დო ჰიდრა. უფიციშ გალერეა. ანტონიო დელ პოლაიოლო

ჰიდრა (წყარიშ გვერი) — საზარე ორჩხოლი, ლერნეშ ჭყონჭყოშ მარენჯი, ტიფონიშ დო ექიდნეშ ერჩქი; ჰერაშ ნარდი. ჩხორო, ოში, ვარდა ვითოშდუდამი დო თიცალი ჟღამამი, ნამდა თიში ჩხონჩხიშ ზისხირით მოწამალერი საგანეფით უღურუეფით უდუსქილიდუ ჭყოლით იტანჯებუდეს.

ეჭარუა

ოკათური ტრადიციათ ჩხოროდუდამი რე, მარა ჰერაკლეს ევრიპიდე მიარედუდამს უძახჷ, მორო, ჭიჭე თუდო (1118) კინ მუს ოშდუდამო მიოჩქჷ.

მითი

ლერნეშ ჭყონჭყოშ ჰიდრას ჰერაკლექ ერკინჷ (მაჟირა გერგეზალა). ეიოსხაპალო გახაზირებული ქვერქვენწიას კუჩხი გეუნჭირჷ. გვერქ ქუგაკარკატჷ (ჭყონჭყოშე ქვერსემი კიბოიაქ გეშაღოღჷ დო გერგეზის მაბირძღჷ) ჰერაკლე ჰიდრას ბიგაშ გეშქუმალეფით მეჸუნელო სხუნუნდჷ დუდეფს. მარა გვერს ართ მესხუნილ დუდს ჟირი ეშეშჷ. თიში გერგეზიქ მაჸა;ე იოლაოსსი ქუდუძახჷ, დაჩხერი დარზამაფუ. იოლაოსიქ ჭალეს დაჩხერი მუნტჷ. ბორბონჩია ჟღერჟღელს მიჭირინუანდჷ ჰერაკლეს, გერგეზი სხუნილ აკანს ჟღერჟღელით ჭუნდჷ. ბოლოს ეკონია უღურჷ დუდს კირდე ქიგიოფორჷ დო ლჷმაქ გეთჷ. ათე ჰიდრა უდიდაში რდჷ, მორო, ჰიდრა შხვათ ბრელი რე.