ალან სენდიჯი
| ალან სენდიჯი | |
| ინგლ. Allan Sandage | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 13, 2010 (84 წანერი) |
| ღურაშ აბანი: |
სან-გებრიელი, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ჰელენ უორნერიშ პრემია (1957) |
ალან რექს სენდიჯი (ინგლ. Allan Rex Sandage; დ. 18 მანგი, 1926, აიოვა-სითი, აიოვა, ააშ — ღ. 13 გერგობათუთა, 2010, სან-გებრიელი, კალიფორნია, ააშ) — ამერიკალი ასტრონომი. შინელი რე რკვიებეფით, ნამუეფით ორხველუდჷ ჰაბლიშ კონსტანტას. სენდიჯიქ, თაშნეშე დოხოლაფირო დადგინჷ ოქიანუშ ასაკი.
ალან სენდიჯი გურაფულენდჷ ილინოისიშ უნივერსიტეტის. ოდოქტორე დისერტაცია თხილუ კალიფორნიაშ ტექნოლოგიაშ ინსტიტუტის, ვალტერ ბაადეშ ხემანჯღვერობათ, 1953 წანას. სტუდენტობაშ პერიოდის სენდიჯი გიშარჩქინელი ამერიკალი ასტრონომიშ ედუინ ჰაბლიშ ასისტენტი რდჷ. გურაფაშ თებაშ უკული სენდიჯიქ მუშობა ქიდიჭყჷ პალომარიშ ობსერვატორიას. 1958 წანას სენდიჯიქ წჷმარინუ ჰაბლიშ კონსტანტაშ კალკულაცია, ნამუთ თიში აზრით რდჷ 75 კმ/სეკ/მპს, დო ნამუთ ასეიან მუნაჩემეფიწკჷმა ხოლოსი რე.
სენდიჯიშ აზრით ოქიანუ გოფართინაფაშ დო დაჭიჭარებაშ ეპიზოდეფს მიკმიშჷ დო ჸათე პროცესი იგინძორებუდჷ 80 მილიარდი წანას. სენდიჯი გლობულარულ კლასტერეფს ათარიღენდჷ 20 მლრდ. წანათ. თეხანური მუნაჩემეფით ოქიანუშ ასაკი დოხოლაფირო 13.7 მლრდ. წანა რე.
სენდიჯი რე ავტორი 500-შე უმოსი მენცარული სტატიაშ დო პუბლიკაციაშ. სენდიჯი ღურაშახ კარნეგიშ ობსერვატორიას მუშენდჷ.
მუში მენცარული კარიერაშ ბორჯის, სენდიჯიქ მიპალუ შხვადოშხვა პრემიეფი დო ჯილდოეფი. რდჷ ლონდონიშ ომაფე ჯარალუაშ დო ამერიკაშ მენცარობეფიშ ერუანული აკადემიაშ მაკათური.
რესურსეფი ინტერნეტის
[რედაქტირაფა | წყუშ რედაქტირაფა]- ალან სენდიჯი ენციკლოპედია ბრიტანიკას
- Bruce Medalist page on Allan Sandage Archived 2020-04-19 ვებ-ხასჷლას Wayback Machine.
- Allan Sandage directory page at the IAU
- Allan Sandage page at The Carnegie Observatories