ალექსეი ნავალნი

ვიკიპედიაშე
ალექსეი ნავალნი
Алексей Анатольевич Навальный
დაბ. თარიღი 4 მანგი, 1976
დაბ. აბანი ოფ. ბუტინი, მოსკოვიშ ოლქი, სსრრ
ღურ. თარიღი ფურთუთა 16, 2024 (47 წანერი)
ღურ. აბანი ხარპი (დაბა), იამალ-ნენეფიშ ავტონომიური ოკრუგი, რუსეთი
ერუანობა რუსი
პარტია პროგრესიშ პარტია
საქვარუა პოლიტიკოსი
მუმა ანატოლი ნავალნი
ნანა ლიუდმილა ნავალნაია
ალმასქუ/ეფი იულია ნავალნაია
სქუალეფი დარია დო ზახარ ნავალნეფი
საიტი :navalny.com

ალექსეი ნავალნი (რუს. Алексей Анатольевич Навальный; დ. 4 მანგი, 1976, ოდინცოვკაშ რაიონიშ ოურდუმე ნოღა ბუტინი,[1][2] მოსკოვიშ ოლქი,სსრრ[3][4][5] — ღ. 16 ფურთუთა, 2024, ხარპი, იამალ-ნენეფიშ ავტონომიური ოკრუგი, რუსეთი) — რდჷ რუსი პოლიტიკოსი დო ოჯარალე მოღალე[1][2], იურისტი,[6] ინვესტ-აქტივისტი.[7][8] „კორუფციაწკჷმა ბურჯაფიშ ფონდიშ“ დჷმარსხუაფალი. 2013 წანაშ 17 გერგობათუთაშე დუდენდჷ ლიბერალურ „პროგრესიშ პარტიას“.[9] კომპანია „აეროფლოტიშ“ დირექტორეფიშ სხუნუშ ჸოფირი მაკათური.[10] სახაროვიშ პრემიაშ ლაურეატი (2021). მოსკოვიშ მერიშ 2013 წანაშ გიშაგორუეფს მაჟირა აბანშა გიშართჷ 632 697 ხონარით (ხონარეფიშ 27,24%). გომორძგუა მაართა ტურს სერგეი სობიანინს დუთმჷ.[11]

ალექსეი ნავალნი რუსეთის, თაშნეშე რუსულ დო ოერეფოშქაშე მასმედიას ჩინებული რდჷ მუჭოთ კორუფციაშ, რუსეთიშ პრეზიდენტი ვლადიმერ პუტინიშ დო თიში თარობაშ კრიტიკოსი.

2020 წანაშ 20 მარაშინათუთას, ნავალნი კომატოზურ დგომარობათ ომსკიშ ოსქილადეს ქჷდანჯირუეს დო ფიჟვეფიშ ხელუანური ვენტილაციაშ აპარატის ქემურსხუეს. თიში ბუნაშ გჷნაცხადით, თინა მოწამალეს. 22 მარაშინათუთას, გეგნიჸიონეს ოკურნალეთ გერმანიაშა.[12] 2020 წანაშ 7 ეკენიას, გეგშართჷ კომაშე.[13]

2021 წანაშ 11 ღურთუთას, რუსეთის საჯიშ არსულაფაშ ფედერალურ ბიუროქ სასამართალოს მიკართჷ, ნამჷ-და ნავალნიშ პიჯობური ბრალი, ნამუთ მან ივ როშეშ საქმეშენ მიღჷნ, რეალურით დუთირუდესკონ. 17 ღურთუთას, ნავალნი მოსკოვიშ აეროპორტის ოჭოფეს, მუჟანსჷთ თინა გერმანიაშე ირთუდჷნ. ჭოფუაშე მაჟირა დღას, პოლიციაშ გჷმნართის მანჯებულჷ სასამარათლე პროცესიქ თინა 30-დღათ ქუდახუნჷ. სასამართალოქ სუმ წანმოწანა დო გვერდი ქემუსაჯჷ. საჯის მარკჷ 10 თუთაქ, ნამუთ თიქ დინოხხვილიშუას მანჯჷნ დო საბოლათ 2 წანა დო 8 თუთაქ მიესაჯჷ. თეშ მოხ, რუსეთის ოპოზიციონერიშ სააწმარნეჯოთ ქვირთოსანუაშ ბირგულით გონწყეს საქმე, ნამუთ კინე მუში ფონდეფიშე ფარაშ ლოლუას ოწაწუდჷ.[14]

ორდოიანი რინა დო კარიერა[რედაქტირაფა | წყუშ რედაქტირაფა]

ნავალნი რუსული დო უკრაინული გოჭყაფაში რე. მირდჷ ობნინკის, მოსკოვიშ ობჟათე-ბჟადალშე 100 კილომეტრის მეძენას, მარა ბაღანობას ზარხულს ბებწკჷმა მანჯენდჷ უკრაინას, სოდე დიგურჷ უკრაინული ნინა.[15] თიშ მასქერეფს, ანატოლი ნავალნის დო ლუდმილა ნავალნაიას, მოსკოვიშ ოლქიშ ოფუტე კობიაკოვოს კარაჩხეფიშ ორშუალი ქარხანა უღჷდეს, ნამუსჷთ თინეფი 1994 წანაშე ამუშენა.[16]

რესურსეფი ინტერნეტის[რედაქტირაფა | წყუშ რედაქტირაფა]

ა. ა. ნავალნიშ ხონარიშ დინნაჭარა

2013 წანაშ 19 მარაშინათუთაშ
„Эхо Москвы“-შ ინტერვიუშე
ვა გუგანწყინესო ფაილქ? ქძ. მედია მოხვარე.

სქოლიო[რედაქტირაფა | წყუშ რედაქტირაფა]

  1. 1.0 1.1 НАВАЛЬНЫЙ Алексей Анатольевич.Kommersant.ruИздательский дом «Коммерсантъ»
  2. 2.0 2.1 О Навальном. Официальный сайт Алексея Навального.
  3. Алексей Навальный — биография, фото, факты, новостиВедомости.
  4. Навальный, Алексей — российский общественный деятельЛента.ру.
  5. Алексей Навальный. БиографияАргументы и факты.
  6. Алексей Навальный на сайте адвокатской палаты г. Москвы
  7. Инвест-активизм. Что это такое? Archived 2013-04-17 ვებ-ხასჷლას archive.ph Error: unknown archive URLCategory:Webarchive თანგი უჩინებუ არქივეფი
  8. Навальный, АлексейLenta.ru. Rambler Media Group
  9. Навальный Алексей Анатольевич — Центральный Совет. Народный альянс
  10. Собств. корр. Навальный займется в «Аэрофлоте» бонусами и аудитомАрхивировано из первоисточника 17 апреля 2013. // lenta.ru.
  11. Антон Ключкин. Ой, Вань, гляди, какие выборы. // lenta.ru (22 июля 2013).
  12. ალექსეი ნავალნი გერმანიაშია“, ნეტგაზეთი. კითხირიშ თარიღი: 6 თებერვალი, 2021. 
  13. Russia's Navalny out of coma after poisoning“, BBC News, 7 სექტემბერი, 2020. კითხირიშ თარიღი: 6 თებერვალი, 2021. (en) 
  14. 2 წელი და 8 თვე ციხეში — რუსული სასამართლოს განაჩენი ნავალნის“, On.ge, 2 თებერვალი, 2021. კითხირიშ თარიღი: 6 თებერვალი, 2021. (ka) 
  15. Олексій Навальний як дзеркало російської революції“, day.kyiv.ua, 14 лютого, 2012. კითხირიშ თარიღი: 11 თებერვალი, 2021. (uk) 
  16. Непр(е)ступная фабрика Навальных. Специальный репортаж из родительского гнезда лидера оппозиции“, Новая газета - Novayagazeta.ru, 21 декабря, 2012. კითხირიშ თარიღი: 11 თებერვალი, 2021. (ru)