ანა ფრანკი
| ანა ფრანკი | |
 ანა ფრანკი 1942 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | |
| ღურაშ აბანი: | |
| ერუანობა: | |
| საქვარუა: |
დღარეფიშ ავტორი |
| Magnum opus: |
ანა ფრანკიშ დღარეფი |
| ჟანრი: |
ბიოგრაფია, ავტობიოგრაფია |
| ნინა: | |
|
| |
ანელიზ მარია ფრანკი (გერმ. Annelies Marie Frank; დ. 12 მანგი, 1929, მაინიშ ფრანკფურტი, გერმანია — ღ. მელახი, 1945, ბერგენ-ბელზენი, მასუმა რაიხი) — გერმანალი ბაღანა, ნამუქჷთ ღურუ ბერგენ-ბელზენიშ ოკონცენტრაციე ბანაკის, "ანა ფრანკიშ დღარეფი"-შ ავტორი.
ბიოგრაფია[რედაქტირაფა | წყუშ რედაქტირაფა]
ანა ფრანკიქ დებადჷ ფრანკფურტის, ურიეფიშ ფანიას. გერმანიაშ თრობაშა ნაცისტეფიშ მულაშ უკული, ფრანკეფიშ ფანიაქ ოცხოვრებშა ამსტერდამიშა გეგნორთჷ. ანა დო თიში და მარგო გურაფულენდეს ამსტერდამიშ სკოლას. ნიდერლანდეფიშ ოკუპაციაშ უკულ, ნაცისტეფქ ნიდერლანდეფს მახორუ ურიეფიშ თხოზინი ქიდიჭყეს. ანა დო მუში და ბიბლიოთეკაშ უკახალენ ოთახის ტყობუდეს, ჸუდეს, სოდეთ ანაშ მუმა ოტო ფრანკი მუშენდჷ. ჸათე პერიოდის დიჭყჷ ანაქ დღარეფიშ ჭარუა. დღარეფს ეჭარილი რე ანაშ ფანიაშ ტრაგიკული რინა, 1942 წანაშე 1944 წანაშახ. 1944 წანაშ 4 მარაშინათუთას ანაშ ფანია გესტაპოქ ოჭოფჷ დო ოკონცენტრაციე ბანაკიშა გეგნიჸონჷ. 1944 წანაშ 1 გერგობათუთას, ანა დო მარგო ოსვენციმიშ ოკონცენტრაციე ბანაკიშე ბერგენ-ბელზენიშ ბანაკიშა გეგნიჸონეს, სოდეთ ჟირხოლოქ, ანაქ დო მარგოქ, ტიფით დოღურეს, 1945 წანას. ჭითა ჯვარიშ მუნაჩემეფით თინეფიშ ღურაშ თარიღი დოხოლაფირო მელახი რე, ნიდერლანდეფიშ თარობაშ მუნაჩემეფით 31 მელახი. ადრეიან მუნაჩემეფით ანაშ ღურაშ თარიღი ფურთუთა რდჷ. ფრანკეფიშ ფანიაშე ხვალე ანაშ მუმაქ, ოტო ფრანკიქ გინოსქიდჷ დო მალას ამსტერდამიშა დირთჷ დო ჸუდეს სოდეთ ანა ტყობუდჷ, მიოგორუ ანაშ ნაჭარა დღარეფს. ოტო ფრანკიქ დღარეფი გჷმაბჟინუ 1947 წანას. უკულიან წანეფს ანა ფრანკიშ დღარეფქ 70 ნინაშა ითანგჷ. ანა ფრანკიშ დღარეფს შხვადოშხვა ფილმეფიშ სიუჟეტიქ გიარსხუ.
ლიტერატურა[რედაქტირაფა | წყუშ რედაქტირაფა]
- Lee, Carol Ann (2000). The Biography of Anne Frank – Roses from the Earth. London: Viking Press. ISBN 978-0-7089-9174-9.
- Prose, Francine (2009). Anne Frank: The Book, the Life, the Afterlife. New York: HarperCollins. ISBN 978-0-06-143079-4.
- Frank, Anne (1989). The Diary of Anne Frank, The Critical Edition. Netherlands State Institute for War Documentation. New York: Doubleday. ISBN 978-0-385-24023-9.