აპოპი

ვიკიპედია-შე
Jump to navigation Jump to search
აპოპი (
O29
p p
)
Egypt.Ra-Apep.01.jpg
ღორონთი რა (კვარჩხანშე) მოჭითე კატუშ გჷმოხანტუალათ გეთმიორჯგინანს აპოპის (მარჯგვანშე).
მითოლოგია: ეგვიპტური
ბერძენული მუკნაჭარა: Ἄπωφις
შხვა კულტურეფს: Typhon
სქესი: ქომოლი
გოლინაშ სფერო: უკუმელაშ დო ბოროტებაშ ღორონთი
ნანა: ნეიტი
გჷმოხანტუალეფი
აპოპი დო ღორონთი ატუმი

აპოპი — არძაშე უარჸოფური დემონი ეგვიპტურ მითოლოგიას დო თი დემონეფშე ართ-ართი, ნამუეფით რას სერიშ 12 სათიშ გოძვენას, თიში ღურღუმს შარლუაშ ბორჯის ოლიმუდჷ. გჷმიხანტუაფუდჷ გიგანტური გვერიშ სახეთ. აპოპი პირამიდეფიშ ტექსტეფს მოშინაფილი ვარე. თინა მაართაშე სარკოფაგეფიშ ტექსტეფს მუკმორჩქინდუ (დოხოლ. მაართა გინმალი პერიოდშე). რდჷ ერია-მორიაშ მაართაფონი ნძალეფიშ დო უბადობაშ სიმბოლო. დახე არძა ჯვეშეგვიპტური სოლარული ჰიმნი იკათუანს შელორსეფს აპოპიშ სააწმარენჯოთ. თიშ უმკუჯინალო, ნამჷ-და რა თის ირ სერს გეთმიორჯგინანდჷნ, დუდს გიშმეღანდჷ წკურუმს დო ბჟაეიოლიშ ჰორიზონტის ეშმებარჩხალუდჷ, აპოპიშ საბოლოო გერჯგინა უშულებუ რე. გეჸვენჯი სერს თინა კინ მუთმოხვადჷ ღორონთი რაშ ტაბაკის — ბჟადალიშ არძაშე შორიშ გვალას, სოდე, ეგვიპტარეფიშ წჷმორინაფათ, რა ღურღუმშა ინმურს, სოდე აპოპი მილარე დო სოდე დუდშე იჭყაფუ თინეფიშ ბურსაფი. ეგვიპტარეფი აპოპის, ჯოხოშ მოხ, მაგიური, ოჭყალი ჯოხოეფით ხოლო მიშინუანდეს — „აკაქოსალი“, „აკოცჷმილი ჭყანათ“ დო შხვ.

ლიტერატურა[რედაქტირაფა | წყუშ რედაქტირაფა]

  • ხვედელიძე, მანანა (2013). ძველი ეგვიპტის ენციკლოპედია. ქართი: ქარჩხაძის გამომცემლობა. ISBN 978-99414-52-00-0.