არიადნა შენგელაია

არიადნა შენგელაია
დაბადებაშ ჯოხო	არიადნა შპრინკი
დაბადებაშ აბანი	ტაშკენტი, უზბეკეთი
დებადჷ	13 ღურთუთა, 1937 (1937-01-13)
საქვარუა	არტისტი
აკოქიმინჯალაშ წანეფი	1957-2002
ალმასქუ(ეფი)	ელდარ შენგელაია (1957-1980 წწ.)

არიადნა ვსევოლოდიშ ცირა შენგელაია (დ. 13 ღურთუთა 1937, ტაშკენტი, უზბეკეთი) — ქორთუ არტისტი, საქორთუოშ ოკათე არტისტი (1979). 2000 წანას მიაჩჷ რუსეთიშ ოკათე არტისტიშ წოდებაქ. ომორსხუე კინოფესტივალიშ ლაურეატი (1959). არიადნა შენგელაიაქ მაართა პრემია მიღჷ კიევიშ ომორსხუე კინოფესტივალს ტატიანა ლარინაშ როლიშ რსულებაშ გეშა ფილმს „ევგენი ონეგინი“ (1958).

1960 წანას გათუ ომორსხუე კინემატოგრაფიაშ სახენწჷფო ინსტიტუტიშ ოარტისტე ფაკულტეტი (ბ. ბელოკუროვიშ ოზურიე). რდჷ ქართიშ გრიბოედოვიშ ჯოხოდვალაშ დრამატული თეატრიშ არტისტი. კინოს მიარე როლი აფუ ნარსულებჷ. 1957 წანაშე 2002 წანაშახ ოკათუდჷ კინოემატოგრაფიას. დიო ხოლო კინემატოგრაფიაშ ინსტიტუტის გურაფაშ ბორჯის ლაჸაფენდჷ ფილმეფს „ევგენი ონეგინი“ დო „ეჟენი გრანდე“. 1950-იანი წანეფიშ დალიას დო 1960-იანი წანეფიშ დაჭყაფუს სხუნუეფიშ რსხუშ კინოშ ართ-ართი არძაშე პოპულარული არტისტი რდჷ. 1960 წანაშე მუშენდჷ კინოსტუდია „ქორთულ ფილმის“. თიში კინოდებიუტიქ აკოდირთჷ ფილმს „ეკატერინა ვორონინა“, სოდე არსულჷ ირინაშ როლი. შხვადოშხვა ბორჯის წოროხანდენდჷ რეჟისორეფწკჷმა ივანე პირიევწკჷმა, გიორგი დანელიაწკჷმა, ნადეჟდა კოშევეროვაწკჷმა, ფელიქს მირონერწკჷმა, ისიდორე ანენსკიწკჷმა, აბრამ როომწკჷმა, ნაუმ ტრახტენბერგწკჷმა, ელდარ შენგელაიაწკჷმა დო შხვეფწკჷმა. არიადნა შენგელაია ჩინებული რდჷ მუში წკანტილი არტისტული სისისქვამეთ დო ჯვეშბერძენული ჯოხოთ — არიადნათ. 1980 წანაშე მუშობა დიჭყჷ მაქსიმ გორკიშ ჯოხოდვალაშ კინოსტუდიას არტისტო. კინოს რსულებური როლეფშე ეიოშინალი რე: „ჭურჭეფი“, „ევგინი ონეგინი“, „თუთაშ ხვამილაფა“, „ჩე ქერვანი“, „ძოწიშ სამანჯე“ დო შხვა. ლაჸაფენდჷ თეატრისჷთ. ეიოშინალი რე კლეოპატრაშ როლი ბერნარდ შოუშ პიესას „კეისარი დო კლეოპატრა“ დო ანა ფრანკიშ როლი სპექტაკლის „ანა ფრანკიშ დღარი“. 1957-1980 წანეფს ეკუხედჷ ქორთუ რეჟისორს ელდარ შენგელაიას. არიადნა შენგელაიაშ მაართა გვარი რე შპრინკი.

ფილმოგრაფია

წანა		მარგალურო	ოდაბადური ჯოხოდვალა	როლი
1957	ფ	ეკატერინა ვორონინა	Екатерина Воронина	ირინა
1958	ფ	მატროსი კომეტაშე	Матрос с «Кометы»
1958	ფ	ევგენი ონეგინი	Евгений Онегин	ტატიანა ლარინა
1959	ფ	ჩე სერეფი	Белые ночи
1959	ფ	ფორტუნა	Фуртуна	ელინი
1960	ფ	ეჟენი გრანდე	Евгения Гранде	ეჟენი გრანდე
1960	ფ	მიჸორქ, რინა!	Люблю тебя, жизнь!	ლენა ტოპილინა
1960	ფ	ფრთხილად, ბებია!	Осторожно, бабушка!	ლენა
1961	ფ	ენგურის ნაპირებზე		მანოლი
1962	ფ	ხანგეფიშ სასამარათლე	Суд сумасшедших	მაიერი
1962	ფ	წყარპიჯის დათხიება	Увольнение на берег	ჟენია
1963	ფ	ჩე ქერვანი		მარია
1964	ფ	ძოწიშ სამანჯე	Гранатовый браслет	ვერა შეინა
1965	ფ	რომეო, ჩქიმი მეძობელი	Ромео, мой сосед	ნონა
1965	ფ	წანმოწანა მუჭოთ რინა	Год как жизнь
1965	ფ	ბორჯი ითებუ გოთანას		ბრიკი
1966	ფ	გოჸოთამა	Выстрел	თავადიშ ოსური
1968	ფ	ჯვარმოცუნაფილი კოკი		ლოტა
1969	ფ	ვენარღა!		გენერალიშ ალმასქუ
1970	ფ	დოლაფაშ კუნთხუ	Угол падения
1970	ფ	ფერენც ლისტი	Ференц Лист	კაროლინა
1971	ფ	გოია, ანუ რჩქინაშ მონკა რზა	Гойя, или Тяжкий путь познания	ჟოზეფა
1973	ფ	თუთაშ ხვამილაფა		კაროლინა
1973	ფ	დიმიტრი კანტემირი	Дмитрий Кантемир	კასანდრა
1973	ფ	დო თიწკჷმა მა ბთქვი ვარი...	И тогда я сказал нет…
1973	ფ	ჭკვერეფი დო პატიშმემაჩამალეფი	Таланты и поклонники
1973	ფ	ჭურჭეფი		მარგალიტა
1977	ფ	სინემა		ჩოლოყაშვილიშ ალმასქუ
1979	ფ	ჩქი ქჷმაპატით	Простите нас
1980	ფ	ღანკი		ნადიდე
1981	ფ	ორქოშ საწმისი
1981	ფ	მოკო, თიქ დოღურასჷნ
1982	ფ	პროფესია — გჷთმანაკვერალი	Профессия — следователь	მალიკა
1983	ფ	ექიმიშ მორწაფე	Ученик лекаря	მარია
1984	ფ	მი რე თიშე ჭყანიერი	Кто сильнее его
1985	ფ	ბუდულაიშ დორთა	Возвращение Будулая	ოურდუმე ექიმი
1986	ფ	გორგონეფიშ დუდი	Голова Горгоны	ანა
1987	ფ	ჭკირილი ქუალეფი	Раненые камни	ასიიათი
1987	ფ	თეჯგურა ისტორია	Вот такая история...	სერგეიშ ნანა
1991	ფ	აჯუბაშ უჩა მაფასქირი	Чёрный принц Аджуба	მალიკა
1992	ფ	სირჩქალე	Тишина	ელგა
1994	ფ	ჸუდე ქუას	Дом на камне
1995	ფ	ღარჷბი ცირასქუა	Барышня-крестьянка
1997	ფ	ჯადური პორტრეტი	Волшебный портрет
2002	ფ	ბაბი იარი	Бабий Яр	ხანა

რესურსეფი ინტერნეტის

• არიადნა შენგელაია — საქორთუოშ ბიოგრაფიული ლექსიკონი

არიადნა შენგელაია — კინოფილმეფიშ ინტერნეტ მუნაჩემეფიშ ბაზას (ინგლისური)

• არიადნა შენგელაია — kino-teatr.ru (რუს.)