ასარხადონი

	ასარხადონი; 𒀭𒊹𒉽𒋧𒈾
	; ასარხადონიშ გომორძგუაშ სტელა. იდვალუაფჷ პერგამონიშ მუზეუმს
ნეო-ასურული იმპერიაშ მაფა
პოსტის გერინაშ ბორჯი
	ჯვ. წ. 681 – ჯვ. წ. 669
წიმოხონი	სინახერიბი
მონძე	ასურბანიფალი (მუჭოთ ასურეთიშ მაფა); შამაშ-შუმ-უკინი (მუჭოთ ბაბილონეთიშ მაფა)
ნაღურა	ჯვ. წ. 669 (44 წანერი); ჰარანი (ასეიანი შანლიურფი, თურქეთი)
მუმა	სინახერიბი
ნანა	ნაკია
ალმასქუ	ეშარ-ჰამატი
სქუალეფი	შერუა-ეტირატი; ასურბანიფალი; შამაშ-შუმ-უკინი

ასარხადონი (აქად. 𒀭𒊹𒉽𒋧𒈾, აშურ-ახა-იდინა, დ. დოხოლაფირო ჯვ. წ. 713 — ღ. ჯვ. წ. 669 წანაშ 1 გერგობათუთა) — ნეო-ასურული იმპერიაშ მაფა ჯვ. წ. 681-669 წანეფს, სარგონიდეფიშ დინასტიაშ წჷმმარინაფალი.

უნჩაში ქომოლსქუაშ აშურ-ნადინ-შუმიშ ღურაშ უკულ, სინახერიბიქ მონძეთ ქჷმწარინუ მაჟირა ქომოლსქუა არდა-მულისუ. მარა ჯვ. წ. 684 წანას, უჩინებუ ბაძაძეფიშ გეშა, სინახერიბიქ მონძეთ გეგმაცხადჷ უკულაში სქუა ასარხადონი. უკმაყოფილე არდა-მულისუქ, ჯვ. წ. 681 წანას დოჸვილჷ სინახერიბი დო მინდომუ ხვისტაშ ხეშა აშაჸოთამა. მარა მალას ასარხადონქ აკოშაყარუ მუში მოხუჯე აკოანჯარაფილი ნძალეფი, გემშართჷ ნინევიაში დო დუდი ასურეთიშ მაფათ გეგმაცხადჷ.

მართუალაშ გოძვენას ასარხადონქ მანწყუ წჷმოძინელი ლესქერობეფი მიდიას, სპარსეთის, ელამს, არაბეთიშ ჩქონს, ანატოლიას, კავკაციას დო ლევანტის. თიქ დამარცხჷ კუშიტეფიშ იმპერია დო ქიდიჸუნუ ეგვიპტე დო ლიბია, მუში ვასალეფო გინაშქუ მიდიარეფი დო სპარსალეფი. ღურაშახ ასარხადონქ იმპერია მუში სქუალეფს გურთუ: ასურეთი ქუდუტუ ასურბანიფალს დო ბაბილონეთი შამაშ-შუმ-უკინის.

ქოძირით თაშნეშე

ნეო-ასურული იმპერია

რესურსეფი ინტერნეტის

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.