ბარუხ სამუელ ბლამბერგი
| ბარუხ სამუელ ბლამბერგი | |
| Baruch Samuel Blumberg | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 5, 2011 (85 წანერი) |
| ღურაშ აბანი: |
მაუნთინ-ვიუ, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ბალიოლ-კოლეჯი |
| ალმა-მატერი: | |
| ჩინებული რე მუჭოთ: |
ჰეპატიტი B-შ ვაქცინაშ პიონერი |
| ჯილდოეფი დო პრემიეფი: |
ნობელიშ პრემია (1976) |
ბარუხ სამუელ ბლამბერგი (ინგლ. Baruch Samuel Blumberg; დ. 28 კვირკვე, 1925, ბრუკლინი, ნიუ-იორკი, ააშ — ღ. 5 პირელი, 2011, მაუნთინ-ვიუ, კალიფორნია, ააშ) — შინელი რე მუჭოთ ბარი ბლამბერგი — ამერიკალი ექიმი დო გენეტიკოსი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის.
ბიოგრაფია
[რედაქტირაფა | წყუშ რედაქტირაფა]ბარუხ სამუელ ბლამბერგიქ დებადჷ 1925 წანაშ 28 კვირკვეს, ბრუკლინს, ნიუ-იორკის. გურაფულენდჷ იუნიონ-კოლეჯის, კოლუმბიაშ უნივერსიტეტის დო ოქსფორდიშ უნივერსიტეტიშ ბალიოლ-კოლეჯის, სოდეთ თხილუ ოდოქტორე დისერტაცია. 1950-იან წანეფშე დიჭყჷ ზისხირიშ დოგურაფა, უმოსო ოინტერესჷდჷ გენეტიკურ ვარიაციეფ. 1964 წანას ძირუ დო დიგურუ B ჰეპატიტიშ ანტიგენტი ავსტრალიაშ აბორიგენეფიშ ზისხერს. ბარუხ ბლამბერგიშ გიმორკვიებათ B ჰეპატიტიქ შილებედჷ იუკო ჩხონჩხიშ კიბოშ მიზეზიქ ხოლო. ბლამბერგიშ ჯგუფიქ აკიმუშუ სკრინინ ტესტი B ჰეპატიტიშ ვირუსიშო დო გიმიგონჷ ვაქცინა. ბლამბერგი 1999-2002 წანეფს მუშენდჷ ნასას ხოლო დო უკებუდ ნასაშ ასტრობიოლოგიურ ინსტიტუტიშ დირექტორიშ პოზიცია. 1992 წანას ბლამბერგი რდჷ B ჰეპატიტიშ ასოციაციაშ ართ-ართ დუმარსხუაფალი. 2002 წანას The New York Timesწკჷმა ინტერვიუს, ბლამბერგიქ თქუ ნამდა ადამიერიშ გინოსქილიდაფა რდჷ ართ მიზეზი, ნამუქით დაჭყაფუ მედიცინაშ გურაფა. 1976 წანას ბლამბერგის გინოჩეს ნობელიშ პრემია ფიზიოლოგიაშ დო მედიცინაშ დარგის, დანიელ კარლტონ გაიდუზეკიწკჷმა ართო. ბარუხ ბლამბერგი ჩინებულ რე მუჭოთ ჰეპატიტი B-შ ვაქცინაშ პიონერი. ღურჷ 5 პირელს, 2011 წანას, კალიფორნიაშ ნოღა მაუნთინ-ვიუს.
რესურსეფი ინტერნეტის
[რედაქტირაფა | წყუშ რედაქტირაფა]
