გვამიში დუდი
| ანუსი | |
|---|---|
| |
| ჯოღორიშ ანუსი | |
| ლათინური | Anus |
| სისტემა | მარცუაფალი კანკალეშა რეპროდუქტიული |
| არტერია | გიმენი რექტალური არტერია |
| ვენა | გიმენი რექტალური ვენა |
| ნერვი | გიმენი რექტალური ნერვი |
| ლიმფა | გალენი ინგვინალური ლიმფა ნოსქვეფი |
| წიმოხონი | პროქტოდეუმი |
ანუსი (მარგალური: გვამიში დუდი ვარდა უკახალენი ჭჷშ ხვერე;[1] ლათ. anus — რგვალი, მარწკინდი) — ოჭკომალიშ მარცუაფალი ტრაქტიშ ბოლოს რსებული რხვილი, ნამუშ საშუალებათ მუთმოხვადუ გიმნაველიშ?კ გიმოღალა. თიშ ქიმინჯალას აკონტროლენს ჟირი სფინქტერი: გალენი დო დინოხოლენი. დეფეკაციაშ აქტიშ მოხ, ანუსი ირო ფორილი რე.[2] გიმნაველი დო რსინი ორგანიზმიშე ჭჷეფიშშით ანუსიშე გიმიღალუაფუ — თენა რე ანუსიშ ბიოლოგიური დანიშულობა. ბონი ჭჷშ აკმანჭირალი ფუნქციაშ ჭყოლოფუათ (ჰიდრავლიკური მექანიზმი, თაშნეშე ჰემოროიდული სტრუქტურა აქტიურო ოკათჷ აირეფიშ დო დინოხიშ შეკებელო, ბონი ჭჷშ აკმანჭირალი ფუნქციაშ ჰერმეტიზაციას) ადამიერს შეულებუ დარეგულირას დეფეკაციაშ პროცესი. თიშ უკული, მუთ ფეკალიეფი გინმურს ანალურ არხშა თ.ჯ. ანალური სფინქტერეფიშ მელუშუაშ ხარჯიშა მუთმოხვადუ თინეფიშ ვონი წჷშე გალე გიმოღალა.
ბონ ჭჷს, ანუსიშ მუკე-მუკე მიარე ინფექციაშ გჷნმაღალარი ბაქტერია ხე, თეშენ საპონითო ტიბუ წყარით ანუსიშ შხირი ხვარჭალუა შანულამი რე დო უციო. მორო თით ხოლო გიბთოლიშწორუათ ოკო, ნამჷ-და ანუსიშ მუკი-მუკი კანი ძალამ ბატა დო მაგინაფუ რე, თეშენ ლექინას იღერზელუ — იჭყაფუ ხვატაფი, ჭუალა დო თ.უ. თეჯგურა შვანს უციო რე ორთაშობური ზეთიშ გჷმორინაფა, ნამუთ დალიბარენს დო დალამენს კანს. ანუსიშ გაღერზელება შილებე მიარე ფაქტორქ გჷმიჭანუასჷნ.
გინმატახუ ხანიშ დოჭყაფაშე ანუსიშ მუკე-მუკე თუმა ეშულაშ იჭყანს. ადამიერეფი, ნამუეფით თინეფიშ უმუშო დუდს უმოსი კომფორტულო გჷნაფენან, შხვადოშხვა საშუალებეფით ობურჯჷნა ვკორნებუ თუმას. გოფაჩლი მეთოდი მეთოდი — ოხოკალი საშუალებეფიშ გჷმორინაფა რე, მორო პროცესი შხირ შვანს კანიშ გაღერზელებას იჭანუანს, თეშ დუდშე იოჩილითაფარო ხოკუაშ თებაშე ხეთე უციო რე ნახოკა აბანს კანიშ დალამებერი კრემიშ დო ზეითუნიშ ზეთიშ სუმალა.
ანუსიშ გოფაჩლი ლახარეფი რე: ჰემოროი (ბუასილი), აბსცესი, ფისტულა, კიბო (ანალური), ხვატაფი.[3] უთხილუ ანალური სექსიშ ბორჯის, შილებე სქესობურივი რზათ გინმადვალუ ინფექციეფით დოინფიცირაფა, თეშენ უჯგუშ რე სპეციალურო ანალური სექსიშ მოჸოროფე ქომოლკოჩეფშო მოხუჯური პრეზერვატივეფიშ გჷმორინაფა.
