გუსტავ ლე ბონი

ვიკიპედიაშე
გუსტავ ლე ბონი
ფრანგ. Gustave Le Bon

გუსტავ ლე ბონი 1888 წანას
დაბადებაშ თარიღი:

7 მესი, 1841

დაბადებაშ აბანი:

ნოჟან-ლე-როტრუ, საფრანგეთი

ღურაშ თარიღი:

ქირსეთუთა 13, 1931 (90 წანერი)

ღურაშ აბანი:

მარნ-ლა-კოკეტი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ანთროპოლოგია, ფსიქოლოგია, სოციოლოგია, მედიცინა, ინჟინერია, ფიზიკა

ალმა-მატერი:

პარიზიშ უნივერსიტეტი

ჯილდოეფი დო პრემიეფი:

გოდარიშ პრემია (1879)
საპატიო ლეგიონიშ ორდენიშ დიდი ოფიცერი (1929)

შარლ-მარი გუსტავ ლე ბონი (ფრანგ. Charles-Marie Gustave Le Bon; დ. 7 მესი, 1841, ნოჟან-ლე-როტრუ, საფრანგეთი — ღ. 13 ქირსეთუთა, 1931, მარნ-ლა-კოკეტი, საფრანგეთი) — ფრანგი მენცარი ნამუთ მოღალენდჷ მენცარობეფიშ შხვადოშხვა დისციპლინეფს: ანთროპოლოგიას, ფსიქოლოგიას, სოციოლოგიას, მედიცინას დო ფიზიკას. თიში არძაშე უმოსო შანულამი ნახანდი რე "აგვართაშ ფსიქოლოგია", ნამუქჷთ 1895 წანას გიშართჷ დო ნამუთ მერჩქინელი რე აგვართაშ ფსიქოლოგიაშ დარგის ართ-ართ გოლინიან დო მონუმენტურ ნახანდო.

დებადჷ ნოჟან-ლე-როტრუს, ოორუე საფრანგეთის. გურაფულენდჷ მედიცინაშ პარიზიშ უნივერსიტეტის. გურაფაშ თებაშ უკული ქაკათჷ საფრანგეთიშ არმიას დო მონაწილენდჷ საფრანგეთ-პრუსიაშ ლჷმას მუჭოთ ოურდუმე ექიმი. ლჷმაქ, თიში შედეგეფქ დო პარიზიშ კომუნაქ დიდი გოლინა იღვენუ ლე ბონიშ უკულიან არზუანობაშა. ლჷმაშ თებაშ უკული შარალენდჷ ევროპას, აზიას, ოორუე აფრიკას. ჸათე შარალუეფიშ ბორჯის ლე ბონიქ გიმირკვიუ შხვადოშხვა ხარხეფი, ცივილიზაციეფი დო აკეთ თინეფიშ ანთროპოლოგიური ანალიზი დო გიმიგონჷ პორტაბელური კეფალომეტრი.

1890-იან შანეფიშე ლე ბონიქ დეინტერესჷ ფსიქოლოგიათ დო სოციოლოგიათ. ლე ბონიშ იდეათ აგვართა, თიში ინდივიდუალური მაკათურეფიშ ჯამი ვარე.

ლე ბონიქ აკიმუშუ შხვადოშხვა ფსიქოლოგიური, სოციოლოგიური თეორიეფი დო ფიზიკაშ დარგის ატარენდჷ ექსპერიმენტეფს, ნამუეფით ორხველუდჷ მასა-ენერგიაშ ექვივალენტურობას.

მუში ცხოვრებაშ ბორჯის, ლე ბონის ფშხირას აკრიტიკენდეს დო აიგნორენდეს მუში კონსერვატორული დო რეაქციული იდეეფიშ გეშა.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: