დენიელ კრეიგი

ვიკიპედია-შე
გეგნორთი: ნავიგაცია, გორუა
დენიელ კრეიგი
Daniel Craig 3, 2012.jpg
კრეიგი ფილმიშ „სკაიფოლი“ პრემიერას სიდნეის, 2012 წანაშ 16 გერგობათუთას
დაბადებაშ ჯოხო დენიელ რაფტონ კრეიგი
დაბადებაშ აბანი ჩესტერი, ჩეშირი, ინგლისი
დებადჷ 2 მელახი, 1968 (1968-03-02) (ხანი 49)
საქვარუა არტისტი
აკოქიმინჯალაშ წანეფი 1992–ასეშა
ალმასქუ(ეფი) ფიონა ლაუდონი (1992–1994)
რეიჩელ ვაისი (2011-ამდღარშა)

დენიელ რაფტონ კრეიგი[1] (დ. 1968 წანაშ 2 მელახის) — ინგლისარი არტისტი, არძაშე უმოსო ჩინებული 2006 წანაშე, ბრიტანალი ფულირი აგენტიშ, ჯეიმზ ბონდიშ, როლით.

ბიოგრაფია[რედაქტირაფა | წყუშ რედაქტირაფა]

კრეიგი ერუანული ახალური თეატრიშ ჸოფილი სტუდენტი რე, ნამუქჷთ ხოლო ლონდონიშ მუსიკაშ დო დრამაშ გილდიაშ სკოლა გათუ დო ოსცენე კარიერა დიჭყჷ. თიშ ორდოიან როლეფს შქას ოშინალი რე „ართიშ ნძალა“, „ბოში მაფა ართურიშ კარს“ დო „ელისაბედი“. ოტელევიზიე როლეფს შქას ჩინებული რე „შარპიშ არწი“ დო „ზორო“. ბრიტანულ ფილმეფქ „ჸოროფა ეშმაკი რე“, „ტრანშეა“ დო „მუდგარენ ხონარეფი“ ინდუსტრიაშ თოლჸუჯი მიკიჭოფუ, მუსჷთ მაჸუნ როლეფქ უმოს მასშტაბურ ფილმეფს - „ლარა კროფტი: ონთხორუეფიშ მარჩვალი“, „ჭყელი შარა“, „ფამ ჭვილი“ დო „მიუნხენი“.

ოერეფოშქაშე წჷმოძინა კრეიგიქ მიპალუ ჯეიმზ ბონდიშ როლს გიშაგორუას, მუთით თიქ პირს ბროსნანს დოთირუ. დუდშეიანი სკეპტიკური არზეფიშ უმიკუჯინუო , თიში დებიუტიქ ფილმის „კაზინო როიალი“ დადებითო იჸუ ფასებულქ დო მუღჷ BAFTA-შ ჯილდო მაჸონაფალი როლიშ საუჯგუშო არტისტიშო. ამდღარშო ათე ფილმი ბონდიშ არძა ფილმის შქას არძაშე მაღალი მიშმალუამი რე. „პოტიკი ნიგეში“, უკულ ფილმი, გიშართჷ ჟირი წანაშ უკული, „სკაიფოლი“ - 2012 წანაშ 23 გჷმათუთას,[2] მორო გიშართჷ გვიანო, MGM-იშ ფინანსური პრობლემეფიშ გეშა.[3] კრეიგიქ ბონდიშ როლს ხოლო გიშარჩქინდჷ 2012 წანაშ ზარხულიშ ოლიმპიური ლაჸაფეფიშ ცერემონიაშ გონწყჷმას, დიაფალ ელისაბედ II-შ მარქაფაშ სახეთ. ბონდიშ როლიშ მიღებაშ უკული კრეიგი შხვა ფილმეფსჷთ რჩქინდუდჷ. თინეფ შქას ოშინალი რე ეკონია პერიოდის რომანიშ „ძღაბი დრაკონიშ ტატუთ“ 2011 წანაშ ეკრანიზაცია.

ფილმოგრაფია[რედაქტირაფა | წყუშ რედაქტირაფა]

აღმოჩენილია ლუპი თარგ: თარგი:ტელეფილმის-შიაღმოჩენილია ლუპი თარგ: თარგი:ტელეფილმის-ში

წანა მარგალურო ოდაბადური ჯოხოდვალა როლი
1992 ართიშ ნძალა The Power of One სერჟანტი ჯეიპი ბოთა
1993 ზორო Zorro ლეიტენანტი იდალგო
1995 ბოშ მაფა ართურიშ კარს A Kid in King Arthur's Court მასტერ კეინი
1998 ჸოროფა ეშმაკი რე: ფრენსის ბეიკონიშ პორტრეტიშ მუნაღოზეფი Love Is the Devil: Study for a Portrait of Francis Bacon ჯორჯ დაიერი
1998 ელისაბედი Elizabeth ჯონ ბალარდი
1999 ტრანშეა The Trench სერჟანტი ტელფორდ ვინტერი
2000 მუდგარენ ხონარეფი Some Voices რეი
2001 ლარა კროფტი: ონთხორუეფიშ მარჩვალი Lara Croft: Tomb Raider ალექს ვესტი
2002 ჭყელი შარა Road to Perdition კონორ რუნი
2003 სილვია Sylvia ტედ ჰიუზი
2003 დიდა The Mother დარენი
2004 ფამ ჭვილი Layer Cake XXXX
2005 მიუნხენი Munich სტივი
2006 კაზინო როიალი Casino Royale ჯეიმზ ბონდი
2007 ორქოშ კომპასი The Golden Compass ლორდ ასრიელი
2008 მუთა მოლექინაფა Quantum of Solace ჯეიმზ ბონდი
2011 ძღაბი დრაკონიშ ტატუთ The Girl with the Dragon Tattoo მაიკლ ბლუმკვისტი
2012 სკაიფოლი Skyfall ჯეიმზ ბონდი
2015 სპექტრი Spectre ჯეიმზ ბონდი

პიჯული რინა[რედაქტირაფა | წყუშ რედაქტირაფა]

კრეიგი გურგინუას რე არტისტი რეიჩელ ვაისწკჷმა[4], მაჟირა ალმასქუწკჷმა. წოხოლენ ალმასქუ ფიონა ლაუდონიშე თის ჸუნს ცირასქუა ელა. 2006 წანას კრეიგიქ აკათჷ კინოხელუანუაშ დო მენცარობეფიშ აკადემიას.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. GRO Birth Registration Index. Ancestry.co.uk. კითხირიშ თარიღი: 17 February 2009.
  2. IMDB Release Info. imdb.com. კითხირიშ თარიღი: 14 October 2012.
  3. Hoyle, Ben. “'Best Bond ever' vanquishes his greatest foe – the critics“, The Times, 15 November 2006. კითხირიშ თარიღი: 15 November 2006. 
  4. Daniel Craig and Rachel Weisz get married. guardian.co.uk (26 June 2011). კითხირიშ თარიღი: 13 October 2012.