ედუარდ მილს პერსელი
| ედუარდ მილს პერსელი | |
| ინგლ. Edward Mills Purcell | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 7, 1997 (84 წანერი) |
| ღურაშ აბანი: |
კემბრიჯი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ფიზიკაშ დარგის (1952) |
ედუარდ მილს პერსელი (ინგლ. Edward Mills Purcell; დ. 30 მარაშინათუთა, 1912, ტეილორვილი, ილინოისი, ააშ — ღ. 7 მელახი, 1997, კემბრიჯი, მასაჩუსეტსი, ააშ) — ამერიკალი ფიზიკოსი. 1946 წანას ზოხორინელო მიოგორუ ბირთვული მაგნიტური რეზონანსის ქვანთური (თხევადი) დო მონგარი (მყარი) მატერიეფს. ჸათეშ გეშათ გინოჩეს ნობელიშ პრემია ფიზიკაშ დარგის, 1952 წანას. პერსელიქ პრემია მიპალუ სტენფორდიშ უნივერსიტეტიშ პროფესორი ფელიქს ბლოხიწკჷმა ართო.
ბირთვული მაგნიტური რეზონანსის (ბმრ) მენცარობაშო კაბეტი შანულობა უღჷ. თინა ფშხირას გიმირინუაფუ ფიზიკას დო ქიმიას, მატერიეფიშ ქიმიური სტრუქტურაშ დო აკოდგინალუაშ დეტალურო ორკვიებელო. ბმრ-ის რე გერსხილი მაგნიტო-რეზონანსული ტომოგრაფია, ნამუთ მერჩქინელი რე XX ოშწანურაშ ართ-ართ შანულამ სამედიცინო მეჭირინაფათ.
ედუარდ მილს პერსელიქ დებადჷ ილინოისიშ შტატიშ ნოღა ტეილორვილის. გურაფულენდჷ ელექტრონული ინჟინერიას, პერდიუშ უნივერსიტეტის. უკულ გურაფა გაგინძორჷ ჰარვარდიშ უნივერსიტეტის, სოდეთ თხილუ ოდოქტორე დისერტაცია ფიზიკას. მაჟირა მოსოფელიშ ლჷმაშ ბორჯის მუშენდჷ მასაჩუსეტსიშ ტექნოლოგიაშ ინსტიტუტის. უკულ კინ ჰარვარდიშა დირთჷ.
ედუარდ მილს პერსელი რდჷ ამერიკაშ ფიზიკაშ ჯარალუაშ პრეზიდენტი. ნინალენდჷ ამერიკაშ პრეზიდენტეფიშ დუაიტ ეიზენჰაუერიშ, ჯონ ფიცჯერალდ კენედიშ დო ლინდონ ჯონსონიშ ომენცარე ალმაჩამალო.