ემილ დიურკჰაიმი
| ემილ დიურკჰაიმი | |
| ფრანგ. Émile Durkheim | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 15, 1917 (59 წანერი) |
| ღურაშ აბანი: |
პარიზი, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
პარიზიშ უმაღალაში ნორმალური სკოლა |
დავიდ ემილ დიურკჰაიმი (ფრანგ. David Émile Durkheim; დ. 15 პირელი, 1858, ეპინალი, საფრანგეთი — ღ. 15 გერგობათუთა, 1917, პარიზი, საფრანგეთი) — ფრანგი სოციოლოგი, შინელი რე მუჭოთ სოციოლოგიაშ აკადემიური დისციპლინაშ დუმარსხუაფალი. თის, თაშნეშე მიშინუანა მუჭოთ თეხანური სოციალური მენცარობეფიშ არქიტექტორს, მაქს ვებერი დო კარლ მარქსიწკჷმა ართო.
დიურკჰაიმიშ რკვიებეფი ორხველუდჷ ჯარალუეფს დო თინეფიშ სოციალურ-ინტეგრაციულ როლს თეხანურ მოდერნისტულ ერას, სოდეთ ტრადიციული დო რელიგიური ურთიართობეფი შანულობას ოდინუანა დო სოციალური ინსტიტუტეფი უმოს დიდი გოლინას ეთმეჭოფუნა. დიურკჰაიმიშ სტატისტიკურ მოდელეფქ, ჯარალუეფიშ მენცარულ რკვიებეფქ, ისტორიულ ობზერვაციეფქ მიშეღჷ დიდი თია სოციოლოგიაშ მუჭოთ მენცარობაშ დორსხუაფაშა.
დიურკჰაიმიშ თარი სოციოლოგიური ნახანდი რე "ხანდაშ გორთუალა ჯარალუეფს", ნამუქჷთ 1893 წანას გიშართჷ დო ნამუთ რდჷ დიურკჰაიმიშ ოდოქტორე დისერტაციაშ თემა. უკულ, 1895 წანას თის მაჸუნუ შანულამი ნახანდიქ "სოციოლოგიური მეთოდიშ კანონეფი". ჸათე წანას დიურკჰაიმიქ დარსხუ სოციოლოგიაშ პირველი ევროპული დეპარტამენტი დო გინირთჷ ფრანგული სოციოლოგიაშ პირველ პროფესორო.
დიურკჰაიმიშ 1897 წანაშ მონოგრაფია "სუიციდი", ნამუთ სუიციდეფიშ შენთხოვეფიშ რკვიება რე კათოლიკურ დო პროტესტანტულ პოპულაციეფს, თეხანური სოციალური რკვიებეფიშ მაგალითიე დო ოინალჷ სოციალური მენცარობეფიშ ფსიქოლოგიაშე დო პოლიტიკური ფილოსოფიაშე გარჩიებას.
1898 წანას დიურკჰაიმიქ დარსხუ "L'Année sociologique" დო რდჷ თიში პირველი რედაქტორი.
1912 წანას გიშართჷ დიურკჰაიმიშ წინგიქ "რელიგიური რინაშ ელემენტარული ფორმეფი". წინგის წუმორინაფილიე რელიგიაშ თეორია, ეჭარილი რე დარებადი ანალიზი აბორიგენული დო თეხანური ჯარალუეფიშ კულტურეფიშ.
დიურკჰაიმიშ მენცარული რკვიებეფიშ თარი ღანკი რდჷ სოციოლოგიაშ, მუჭოთ ზოხორინელი მენცარობაშ დორსხუაფა. დიურკჰაიმიქ გაუჯგუშჷ პოზიტივიზმიშ თეორია, გაფართინუ ეპისტემოლოგიური რეალიზმი დო ხეშეუნწყუ ჰიპოთეთიკურ-დედუქციური მოდელიშ გიმორინაფას სოციალურ მენცარობას.
დიურკჰაიმი რდჷ პროპონენტი სტრუქტურული ფუნქციონალიზმიშ, ნამუთ მეთოდოლოგიური მერინა რე მუჭოთ სოციოლოგიას, თაშნეშე ანთროპოლოგიას.
დიურკჰაიმიშ მეჯინათ სოციალური მენცარობა ოკო რდას ჰოლისტიკური დო თიქ ოკო გიმირკვიას ჯარალუეფი დო ვართ ინდივიდუალური რჯებეფი.
გიშნაგორა პუბლიკაციეფი
[რედაქტირაფა | წყუშ რედაქტირაფა]- მონტესკიეშ კონტრიბუცია სოციალური მენცარობაშ გოვითარაფაშო (1892)
- ხანდაშ გორთუალა ჯარალუეფს (1893)
- სუიციდი (1897)
- სოციოლოგია დო თიში მენცარული არეალი (1900)
- პრიმიტიული კლასიფიკაცია (1903)
- რელიგიური რინაშ ელემენტარული ფორმეფი (1912)
- მის ოკოდჷ ლჷმა? (1914)
პუბლიკაციეფი, ნამუეფქჷთ ავტორიშ ღურაშ უკულ გიშართჷ
[რედაქტირაფა | წყუშ რედაქტირაფა]- გონათაფა დო სოციოლოგია (1922)
- სოციოლოგია დო ფილოსოფია (1924)
- მორალური გონათაფა (1925)
- სოციალიზმი (1928)
- პრაგმატიზმი დო სოციოლოგია (1955)
რესურსეფი ინტერნეტის
[რედაქტირაფა | წყუშ რედაქტირაფა]- ემილ დიურკჰაიმი ენციკლოპედია ბრიტანიკას
- ემილ დიურკჰაიმი - ნახანდეფი პროექტ „გუტენბერგის“
- ემილ დიურკჰაიმი ფილოსოფიაშ ინტერნეტ ენციკლოპედიას
- DD – Digital Durkheim