ემპედოკლე
| ემპედოკლე | |
| ბერძნ. Ἐμπεδοκλῆς | |
 | |
| დაბადებაშ თარიღი: |
დოხოლაფირო ჯვ.წ. 494 |
|---|---|
| დაბადებაშ აბანი: |
აგრიჯენტო, სიცილია |
| ღურაშ თარიღი: |
დოხოლაფირო ჯვ.წ. 434 |
| ღურაშ აბანი: |
ეტნა ვარდა პელოპონესი |
| ომენცარე სფერო: | |
| ჩინებული რე მუჭოთ: |
კლასიკური ელემენტეფიშ კოსმოგონიური თეორიაშ დუმარსხუაფალი |
ემპედოკლე (ბერძნ. Ἐμπεδοκλῆς; დ. დოხოლაფირო ჯვ.წ. 494, აგრიჯენტო, სიცილია — ღ. დოხოლაფირო ჯვ.წ. 434, ეტნა ვარდა პელოპონესი) — ბერძენი სოკრატეშახჷ ფილოსოფოსი.
წჷმარინუ კლასიკური ელემენტეფიშ კოსმოგონიური თეორია, ნამუშ მეჯინათ არსებენდჷ ოთხი ელემენტი: დაჩხირი, ჰაერი, წყარი, დიხა დო თენეფშე აკმოდირთუდჷ არძონერი სტრუქტურა. ემპედოკლე ჸათე ოთხი ელემენტის "ჯინჯეფს" უძახუდჷ.
ემპედოკლეშ აზრით არსებენდჷ ნძალეფი "ჸოროფა" დო "ნჯარი". ჸოროფა ხეს უნწყჷნდჷ ელემენტეფიშ გოართოიანაფას, მუჟამსჷთ ნჯარი თინეფს აკმარღვანდჷ.
ემპედოკლექ წჷმარინუ ევოლუციური გოვითარაფაშ ფანტასტიკური თეორია. ემპედოკლეშ აზრით დუდშე ზოხორინელო გორჩქინდჷ შხვადოშხვა ორგანოეფქ, მაგალთო თოლეფქ, ჸუჯეფქ, თუმეფქ, კითეფქ, ხელეფქ დო უკული თინეფიშ გოართოიანაფათ იფორმირჷ რსული ორგანიზმეფქ.
ემპედოკლეს ჯერდჷ შურეფიშ ტრანსმიგრაციაშ - მეტემფსიქოზიშ. ემპედოკლე ანტკიცენდჷ ნამდა ადამიერეფი დუდშე რდეს ღორონთიელი შურეფი, დემონეფი, ნამუეფით სიჰამას ცხოვრენდეს, სოიშახ თინეფქ გლახა საქვარ ვაკეთესინჷ. ჸათეშ გეშათ თინეფქ დიხაუჩაშა ქეგთოლეს. ჸათაქ თინეფქ ოკო იცხოვრესკო 30,000 მეტემფსიქოზური ციკლი - შხვადოშხვა ადამიერეფიშ რსხულეფს. დო ჸათეშ უკულ თინეფი კინ დართუდეს მუნეფიშ ღორონთიელი სტრუქტურას.
ემპედოკლეშ ბიოგრაფიაშე ბრელი მუთუნი ვარე რჩქინელი. თიში ნახანდეფიშ უმენტაშობაქ თეხანური ბორჯიშა ვამაჭირინუ. ემპედოკლეშ ღურაშ შხვადოშხვა ვერსია არსებენს. ართი პოპულარული ვერსიათ თის ვულკანი ეტნაშა ქინუსხაპაფჷ დო ჸათაშ დუჸვილუ დუდი.
რესურსეფი ინტერნეტის[რედაქტირაფა | წყუშ რედაქტირაფა]
- ემპედოკლე ენციკლოპედია ბრიტანიკას
- Empedokles: Fragments, translated by Arthur Fairbanks, 1898.
- Empedocles Archived 9 September 2020 ვებ-ხასჷლას Wayback Machine. by Jean-Claude Picot with an extended and updated bibliography
- Empedocles: Fragments at demonax.info