დინორეშა გინულა

ენი ჯამპ კენონი

ვიკიპედიაშე
ენი ჯამპ კენონი
ინგლ. Annie Jump Cannon

ენი ჯამპ კენონი 1922 წანას
დაბადებაშ თარიღი:

11 ქირსეთუთა, 1863

დაბადებაშ აბანი:

დოვერი, დელავერი, ააშ

ღურაშ თარიღი:

პირელი 13, 1941 (77 წანერი)

ღურაშ აბანი:

კემბრიჯი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

ჰარვარდიშ ობსერვატორია

ალმა-მატერი:

უელსლიშ კოლეჯი
რედკლიფიშ კოლეჯი

ჯილდოეფი დო პრემიეფი:

ჰენრი დრეიპერიშ მენდალი (1931)

ენი ჯამპ კენონი (ინგლ. Annie Jump Cannon; დ. 11 ქირსეთუთა, 1863, დოვერი, დელავერი, ააშ — ღ. 13 პირელი, 1941, კემბრიჯი, მასაჩუსეტსი, ააშ) — ამერიკალი ასტრონომი, ნამუქჷთ მიშეღჷ დიდი მენცარული კონტრიბუცია მურიცხეფიშ სპექტრალური კლასიფიკაციაშ გოვითარაფაშა. ენი ჯამპ კენონი, ედუარდ ჩარლზ პიკერინგიწკჷმა ართო, რდჷ მურიცხეფიშ ჰარვარდიშ კლასიფიკაციაშ სქემაშ ართ-ართი დუმარსხუაფალი. ჸათე კლასიფიკაციას მურიცხეფი კლასიფიცირებული რე თინეფიშ ტემპერატურაშ დო სპექტრალური ტიპეფიშ მეჯინათ.

ენი ჯამპ კენონი გურაფულენდჷ ფიზიკას დო ასტრონომიას უელსლიშ კოლეჯის, გიშარჩქინელი ამერიკალი ფიზიკოსიშ დო ასტრონომიშ სარა ფრენსის უაიტინგიშ ხემანჯღვერობათ. 1884 წანას კენონიქ მიპალუ ომენცარე ხარისხი ფიზიკას დო მალას დელავერიშა დირთჷ. 1892 წანას კენონიქ ევროპაშა მიდართჷ. ევროპაშე დორთინაშ უკულ გურაფა გაგინძორჷ რედკლიფიშ კოლეჯის. გურაფაშ თებაშ უკულ კენონი მუშენდჷ ჰარვარდიშ ლაბორატორიას ედუარდ პიკერინგიწკჷმა ართო. 1925 წანას კენონიქ გინირთჷ მაართა ოსურო, ნამუქჷთ მიპალუ ოქსფორდიშ უნივერსიტეტიშ საპატიო დოქტორიშ ხარისხი. ენი ჯამპ კენონიშ ჯოხონობაშ რე ირწანიანი პრემია, ნამუთ გინმაჩამუ ასტრონომიაშ დარგის მოხანდე ოსურ-მენცარეფს. პრემიას ადმინისტრირენს ამერიკაშ ასტრონომიული ჯარალუა. ენი ჯამპ კენონი პოლიტიკურო ხოლო აქტიური ფიგურა რდჷ. კენონი რდჷ სუფრაჟისტი დო ამერიკაშ ოსურეფიშ ერუანული პარტიაშ მაკათური.

ლიტერატურა[რედაქტირაფა | წყუშ რედაქტირაფა]

  • Gerber, Carole (2011). Annie Jump Cannon, Astronomer. Gretna, LA: Pelican.

რესურსეფი ინტერნეტის[რედაქტირაფა | წყუშ რედაქტირაფა]